ᠮᠤᠩᠭᠤᠯᠴᠤᠳ ᠮᠤᠷᠢᠨ ᠤ ᠳᠡᠭᠡᠳᠦ ᠶᠢ ᠠᠳᠤᠭᠤᠨ ᠤ ᠬᠠᠭᠠᠨ᠂ ᠪᠤᠷᠬᠠᠨ ᠳᠤ ᠳᠠᠭᠠᠳᠬᠠᠨ ᠤᠶᠤᠨ ᠤᠬᠠᠭᠠᠨ ᠤ ᠪᠠᠨ ᠬᠡᠶᠢᠮᠤᠷᠢ ᠶᠢᠨ ᠳᠡᠭᠡᠳᠦ ᠤᠷᠴᠢᠨ ᠳᠤ ᠠᠪᠴᠤ ᠦᠵᠡᠳᠡᠭ᠃ ᠪᠤᠷᠬᠠᠨ ᠤ ᠱᠠᠰᠢᠨ ᠡᠭᠦᠰᠡᠭᠰᠡᠨ ᠡᠴᠡ ᠬᠤᠶᠢᠰᠢ ᠮᠤᠷᠢᠨ ᠤ ᠰᠠᠩ ᠲᠠᠬᠢᠯᠭᠠ ᠪᠤᠢ ᠪᠤᠯᠵᠤᠬᠤᠢ᠃ ᠮᠤᠩᠭᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯᠲᠤ ᠵᠠᠩᠰᠢᠯ ᠠᠴᠠ ᠦᠵᠡᠬᠦ ᠳᠦ ᠮᠤᠩᠭᠤᠯ ᠤᠨ ᠵᠠᠷᠢᠮ ᠨᠤᠲᠤᠭ ᠬᠤᠰᠢᠭᠤᠨ ᠳᠤ ᠪᠤᠷᠬᠠᠨ ᠱᠠᠰᠢᠨ ᠤ ᠲᠠᠷᠨᠢ ᠶᠢᠨ ᠶᠤᠰᠤᠨ ᠤ ᠢᠳᠠᠮ ᠪᠤᠷᠬᠠᠨ᠂ ᠲᠦᠪᠡᠳ ᠢᠶᠡᠷ ᠳᠠᠮᠳᠢᠨ᠂ ᠰᠠᠨᠰᠺᠷᠢᠲ ᠢᠶᠠᠷ ᠠᠱᠠ-ᠬᠤ ᠪᠤᠶᠤ ᠬᠠᠶᠠᠩᠬᠢᠷᠸᠠ ᠪᠤᠷᠬᠠᠨ ᠢ ᠡᠷᠲᠡᠨ ᠡᠴᠡ ᠰᠢᠲᠦᠵᠦ ᠢᠷᠡᠵᠡᠢ᠃ ᠨᠡᠭᠦᠳᠡᠯᠴᠢᠨ ᠮᠠᠯᠴᠢᠳ ᠮᠠᠨᠢ ᠳᠠᠮᠳᠢᠨ ᠪᠤᠷᠬᠠᠨ ᠢ ᠠᠳᠤᠭᠤᠨ ᠤ ᠲᠡᠭᠷᠢ ᡀᠠ ᠬᠡᠮᠡᠨ ᠡᠷᠬᠢᠮᠯᠡᠵᠦ ᠢᠷᠡᠵᠡᠢ᠃
ᠳᠠᠮᠳᠢᠨ ᠪᠤᠷᠬᠠᠨ ᠪᠤᠯ᠄
︽ᠨᠢᠭᠤᠴᠠ ᠲᠠᠷᠨᠢ ᠶᠢᠨ ᠶᠤᠰᠤᠨ ᠤ ᠭᠠᠳᠠᠨᠠ᠂ ᠳᠤᠲᠤᠨᠤ ᠨᠢᠭᠤᠴᠠ ᠶᠢᠨ ᠠᠯᠠᠬᠤ ᠰᠠ ᠵᠡᠳᠬᠡᠷ ᠢ ᠠᠷᠢᠯᠭᠠᠨ ᠬᠠᠮᠠᠭᠠᠯᠠᠵᠤ ᠢᠪᠡᠭᠡᠯ ᠢᠶᠡᠨ ᠬᠠᠶᠢᠷᠠᠯᠠᠬᠤ ᠶᠢᠨ ᠤᠴᠢᠷ ᠮᠤᠩᠭᠤᠯᠴᠤᠳ ᠡᠨᠡ ᠪᠤᠷᠬᠠᠨ ᠢ ᠠᠳᠤᠭᠤᠨ ᠰᠦᠷᠦᠭ ᠦᠨ ᠢᠶᠡᠨ ᠬᠡᠶᠢᠮᠤᠷᠢ ᡀᠠ ᠭᠡᠵᠦ ᠡᠷᠬᠢᠮᠯᠡᠳᠡᠭ︾᠃ ᠮᠦᠨ ᠬᠦ ᠠᠳᠤᠭᠤᠨ ᠰᠦᠷᠦᠭ ᠦᠨ ᠨᠢᠭᠡ ᠭᠤᠤᠯᠯᠠᠬᠤ ᠰᠢᠲᠤᠭᠡᠨ ᠪᠤᠯ 13 ᠲᠠᡀᠠ᠂ 9 ᠲᠠᡀᠠ ᠪᠤᠯᠤᠨᠠ᠃ ᠲᠠᡀᠠ ᠰᠢᠲᠦᠭᠴᠢ ᠬᠤᠷᠳᠤ ᠲᠠᠢ ᠠᠳᠤᠭᠤ ᠤᠯᠠᠨ ᠲᠠᠢ ᠬᠦᠮᠦᠰ ᠲᠠᡀᠠ ᠢᠶᠨ ᠰᠡᠲᠡᠷ ᠲᠦ ᠮᠤᠷᠢ ᠭᠡᠵᠦ ᠬᠠᠯᠢᠭᠤᠨ ᠵᠢᠰᠦᠮ ᠦᠨ ᠶᠤᠮ ᠤᠤ ᠴᠠᠭᠠᠨ ᠮᠤᠷᠢ ᠶᠢ ᠭᠤᠤᠯᠴᠢᠯᠠᠨ ᠰᠡᠲᠡᠷᠯᠡᠳᠡᠭ ᠤᠯᠠᠮᠵᠢᠯᠠᠯᠲᠠᠢ᠃ ᠡᠶᠢᠮᠦ ᠡᠴᠡ ᠠᠳᠤᠭᠤᠨ ᠤ ᠭᠤᠤᠯ ᠰᠢᠲᠦᠭᠡᠨ ᠪᠤᠯ ᠳᠠᠮᠳᠢᠨ᠂ ᠲᠠᡀᠠ ᠮᠦᠨ ᠲᠡᠭᠦᠨ ᠦ ᠠᠳᠠᠯᠢ ᠵᠠᠶᠠᠭᠠᠨ ᠤ ᠲᠠᠪᠤᠨ ᠲᠡᠭᠷᠢ ᠭᠡᠵᠦ ᠰᠢᠲᠦᠳᠡᠭ ᠭᠤᠪᠢ ᠶᠢᠨ ᡀᠠ ᠪᠤᠷᠬᠠᠳ ᠶᠤᠮ᠃
ᠳᠠᠮᠳᠢᠨ ᠪᠤᠷᠬᠠᠨ ᠲᠠᠢ ᠬᠤᠯᠪᠤᠭᠳᠠᠬᠤ ᠨᠢᠭᠡᠨ ᠡᠬᠡ ᠰᠤᠷᠪᠤᠯᠵᠢ ᠶᠢ ᠦᠭᠦᠯᠡᠰᠦᠭᠡᠢ᠃ ᠮᠠᠨᠵᠤ ᠶᠢᠨ ᠡᠵᠡᠨ ᠬᠠᠭᠠᠨ ᠤ ᠠᠳᠤᠭᠤᠨ ᠰᠦᠷᠦᠭ ᠦᠨ ᠠᠯᠪᠠ ᠵᠠᠯᠭᠠᠭᠤᠯᠵᠤ᠂ ᠬᠤᠷᠳᠤᠨ ᠮᠤᠷᠢᠨ ᠤ ᠡᠭᠦᠯᠳᠡᠷ ᠤᠭᠰᠠᠭᠠ ᠶᠢ ᠡᠷᠬᠢᠮᠯᠡᠨ ᠢᠷᠡᠭᠰᠡᠨ ᠦᠪᠦᠷᠯᠡᠭᠴᠢ ᠦᠵᠦᠮᠦᠴᠢᠨ ᠴᠠᠬᠠᠷ ᠨᠤᠲᠤᠭ ᠲᠤ ᠬᠠᠶᠠᠩᠬᠢᠷᠸᠠ ᠳᠠᠴᠠᠩ ᠭᠡᠵᠦ ᠪᠠᠶᠢᠵᠠᠢ᠃ ᠡᠨᠡ ᠳᠠᠴᠠᠩ ᠠᠴᠠ ᠠᠳᠤᠭᠤᠨ ᠰᠦᠷᠦᠭ ᠦᠨ ᠪᠦᠬᠦᠢ ᠯᠠ ᠲᠠᠯᠠ ᠶᠢ ᠬᠠᠮᠤᠷᠠᠭᠰᠠᠨ ᠲᠠᠬᠢᠯᠭᠠ ᠪᠤᠰᠤᠳ ᠵᠠᠩ ᠦᠢᠯᠡ ᠶᠢ ᠲᠤᠰᠬᠠᠶᠢᠯᠠᠨ ᠦᠢᠯᠡᠳᠳᠡᠭ ᠪᠠᠶᠢᠪᠠ᠃ ᠡᠨᠡ ᠳᠠᠴᠠᠩ ᠳᠤ ᠵᠢᠯ ᠪᠦᠷᠢ ᠡᠷᠡ ᠮᠠᠨᠳᠤᠭᠠᠨ ᠰᠤᠯᠴᠢᠳ ᠬᠡᠮᠡᠬᠦ ᠠᠳᠤᠭᠤᠨ ᠤ ᠲᠠᠬᠢᠯᠭᠠ ᠶᠢ ᠦᠢᠯᠡᠳᠬᠦ ᠳᠡᠬᠡᠨ ᠡᠵᠡᠨ ᠬᠠᠭᠠᠨ ᠤ ᠰᠠᠩ ᠠᠴᠠ ᠬᠡᠷᠡᠭᠯᠡᠯ ᠮᠦᠩᠭᠦ ᠵᠡᠷᠭᠡ ᠶᠢ ᠲᠤᠬᠠᠶᠢᠯᠠᠨ ᠭᠠᠷᠭᠠᠵᠤ ᠪᠠᠶᠢᠭᠰᠠᠨ ᠪᠠᠷᠢᠮᠲᠠ ᠪᠤᠢ᠃
ᠮᠠᠷᠵᠠᠢ᠂ ᠭᠡᠶᠢᠩᠭᠤᠤ᠂ ᠵᠡ ᠲᠠᠲᠠᠬᠤ ᠬᠡᠮᠡᠬᠦᠢ ᠶᠢᠨ ᠤᠴᠢᠷ
ᠤᠨᠤᠭᠠᠴᠢ ᠭᠡᠦᠬᠡᠳ ᠤᠶᠠᠩᠭᠠ ᠴᠡᠭᠡᠯ ᠬᠤᠭᠤᠯᠠᠢ ᠪᠠᠷ ᠶᠡᠬᠡ ᠰᠠᠶᠢᠬᠠᠨ ᠮᠠᠷᠵᠠᠶᠢᠯᠠᠳᠠᠭ᠃ ︵ᠭᠡᠶᠢᠩᠭᠤᠤᠯᠠᠬᠤ᠂ ᠵᠠᠷᠢᠮ ᠭᠠᠵᠠᠷ ᠵᠡ ᠲᠠᠲᠠᠬᠤ ᠭᠡᠨᠡ︶᠃ ᠰᠠᠶᠢᠬᠠᠨ ᠮᠠᠷᠵᠠᠶᠢᠯᠠᠬᠤ ᠳᠤ ᠬᠦᠯᠦᠭ ᠦᠨ ᠬᠡᠶᠢᠮᠤᠷᠢ ᠰᠡᠷᠭᠦᠨᠡ᠃ ᠮᠤᠷᠢ ᠲᠠᠷᠯᠠᠬᠤ᠂ ᠰᠤᠩᠭᠠᠬᠤ᠂ ᠤᠷᠤᠯᠳᠤᠬᠤ ᠳᠤ ᠮᠠᠷᠵᠠᠶᠢᠯᠠᠬᠤ ᠠᠴᠠ ᠭᠠᠳᠠᠨᠠ ᠵᠢᠷ ᠤᠶᠠᠭᠠ ᠲᠤᠭᠤᠷᠢᠭᠤᠯᠤᠨ ᠭᠢᠰᠬᠢᠬᠦ ᠳᠦ ᠪᠡᠨ ᠴᠦ ᠮᠠᠷᠵᠠᠶᠢᠯᠠᠬᠤ ᠢᠯᠡᠭᠦᠦ ᠰᠠᠶᠢᠬᠠᠨ᠃ ᠮᠤᠩᠭᠤᠯ ᠤᠨ ᠤᠯᠠᠨ ᠠᠶᠢᠮᠠᠭ ᠬᠤᠰᠢᠭᠤᠨ ᠤ ᠳᠤᠲᠤᠷᠠ ᠠᠴᠠ ᠢᠯᠠᠩᠭᠤᠶᠠ ᠰᠡᠴᠡᠨ ᠬᠠᠨ ᠠᠶᠢᠮᠠᠭ ᠤᠨ 24 ᠬᠤᠰᠢᠭᠤ᠂ ᠦᠪᠦᠷᠯᠡᠭᠴᠢ ᠶᠢᠨ ᠤᠯᠠᠨ ᠬᠤᠰᠢᠭᠤᠨ ᠳᠤ ᠬᠤᠷᠳᠤᠨ ᠮᠤᠷᠢᠨ ᠤ ᠤᠨᠤᠭᠠᠴᠢ ᠬᠡᠦᠬᠡᠳ ᠦᠳ ᠤᠸᠠ ᠮᠠᠷᠵᠠᠢ ᠮᠠᠮ ᠰᠤᠤᠬᠠᠢ ᠤᠶᠠᠩᠭᠠ ᠢᠷᠠᠭᠤ ᠪᠠᠷ ᠳᠠᠪᠲᠠᠨ ᠳᠠᠪᠲᠠᠨ ᠮᠠᠷᠵᠠᠶᠢᠯᠠᠨᠠ ᠃ ᠤᠸᠠ ᠮᠠᠷᠵᠠᠢ ᠮᠠᠮ ᠰᠤᠤᠬᠠᠢ ᠨᠢ ᠳᠤᠯᠤᠭᠠᠨ ᠭᠠᠬᠠᠢ ᠬᠦᠯᠭᠡᠯᠡᠭᠰᠡᠨ ᠲᠡᠭᠷᠢ ᠶᠢᠨ ᠤᠨᠤᠯᠭᠠ ᠲᠠᠢ ᠳᠤᠭᠰᠢᠨ ᠳᠦᠷᠢ ᠲᠡᠢ ᠤᠰᠤᠷᠵᠢᠮᠠ ᠪᠤᠷᠬᠠᠨ ᠤ ᠵᠢᠷᠦᠬᠡᠨ ᠲᠠᠷᠨᠢ ᠶᠤᠮ᠃
ᠤᠰᠤᠷᠵᠢᠮᠠ ᠪᠤᠯ ᠨᠠᠷᠠᠨ ᠰᠠᠷᠠᠨ ᠪᠠᠶᠢᠭᠠᠯᠢ ᠶᠢᠷᠲᠢᠨᠴᠦ ᠶᠢ ᠠᠤᠭᠠ ᠬᠦᠴᠦᠨ ᠴᠢᠳᠠᠯ ᠢᠶᠠᠷ ᠢᠶᠠᠨ ᠠᠪᠤᠷᠠᠨ ᠲᠡᠳᠬᠦᠵᠦ ᠬᠠᠮᠠᠭᠠᠯᠠᠬᠤ ᠲᠠᠩᠭᠠᠷᠠᠭ ᠲᠠᠢ ᠪᠤᠷᠬᠠᠨ ᠶᠤᠮ᠃
ᠬᠠᠯᠬᠠ ᠶᠢᠨ ᠲᠦᠪ ᠪᠠᠷᠠᠭᠤᠨ ᠲᠠᠯᠠ ᠶᠢᠨ ᠬᠤᠰᠢᠭᠤᠳ ᠲᠤ ᠳᠠᠮᠳᠢᠨ ᠪᠤᠷᠬᠠᠨ ᠤ ᠵᠢᠷᠦᠬᠡᠨ ᠲᠠᠷᠨᠢ᠄
︽ᠤᠸᠠ ᠬᠡᠷᠡ ᠪᠠᠳᠮᠠᠨ ᠳᠠᠷᠢᠳᠢ ᠪᠠᠵᠠᠷ ᠭᠤᠷᠳᠠ ᠬᠠᠶᠠᠩᠬᠢᠷᠸᠠ ᠬᠦᠯᠦ ᠬᠦᠯᠦ ᠬᠤᠮ ᠫᠠᠳ︾ᠬᠡᠮᠡᠨ ᠭᠡᠶᠢᠩᠭᠤᠤᠯᠠᠳᠠᠭ᠃ ᠮᠦᠨ ᠰᠦᠬᠡᠪᠠᠭᠠᠲᠤᠷ ᠠᠶᠢᠮᠠᠭ ᠤᠨ ᠮᠦᠩᠬᠡᠬᠠᠭᠠᠨ ᠰᠤᠮᠤᠨ ᠳᠤ ᠭᠡᠰᠡᠷ ᠦᠨ ᠨᠠᠭᠠᠳᠤᠮ ᠬᠢᠳᠡᠭ ᠡᠷᠲᠡᠨ ᠦ ᠤᠯᠠᠮᠵᠢᠯᠠᠯᠲᠠᠢ ᠪᠠᠶᠢᠭᠰᠠᠨ ᠲᠡᠳᠦᠢ ᠦᠭᠡᠢ ︽ᠭᠡᠶᠢᠩᠭᠤᠤ ᠭᠡᠰᠡᠷ ᠪᠤᠭᠳᠠ ᠮᠢᠨᠢ︾ ᠭᠡᠵᠦ ᠮᠠᠷᠵᠠᠶᠢᠯᠠᠳᠠᠭ ᠪᠠᠶᠢᠭᠰᠠ ᠶᠢ ᠨᠤᠲᠤᠭ ᠤᠨ ᠠᠷᠠᠳ ᠤᠳ ᠳᠤᠷᠠᠰᠤᠨ ᠶᠠᠷᠢᠳᠠᠭ᠃
- ᠤᠸᠠ ᠮᠠᠷᠵᠠᠢ ᠮᠠᠮ ᠰᠤᠤᠬᠠᠢ
- ᠤᠸᠠ ᠬᠡᠷᠡ ᠪᠠᠳᠮᠠᠨ ᠳᠠᠷᠢᠳᠢ ᠪᠠᠵᠠᠷ ᠭᠤᠷᠳᠠ ᠬᠠᠶᠠᠩᠬᠢᠷᠸᠠ ᠬᠦᠯᠦ ᠬᠦᠯᠦ ᠬᠤᠮ ᠫᠠᠳ
- ᠭᠡᠶᠢᠩᠭᠤᠤ ᠭᠡᠰᠡᠷ ᠪᠤᠭᠳᠠ ᠮᠢᠨᠢ᠁ ᠬᠡᠮᠡᠬᠦ ᠴᠦᠮ ᠠᠳᠠᠯᠢ ᠪᠤᠯᠠᠢ᠃
︽ᠵᠥ ᠂ ᠰᠠᠷᠠᠭᠤᠯᠪᠤᠶᠠᠨ ᠃ ᠰᠡᠴᠡᠨ ᠬᠠᠨ ᠤ ᠬᠦᠯᠦᠭ ᠃ ︵ᠬᠠᠭᠤᠳᠠᠰᠤ-11-15︶ ᠃ ᠤᠯᠠᠭᠠᠨᠪᠠᠭᠠᠲᠤᠷ ᠬᠤᠲᠠ ᠂ 1997 ᠤᠨ︾