ᠮᠣᠩᠭᠣᠯ ᠪᠠᠭᠠᠴᠣᠳ ᠬᠡᠥᠬᠡᠳ ᠦᠳ ᠡᠮᠨᠢᠭ ᠬᠠᠩᠭᠠᠯ ᠢ ᠪᠠᠭ᠎ᠠ ᠪᠠᠯᠴᠢᠷ ᠠᠴᠠ ᠣᠨᠣᠵᠣ ᠰᠣᠷᠬᠣ ᠨᠢ ᠳᠡᠳᠡᠨ ᠳᠦ ᠬᠣᠵᠢᠮ ᠦᠨ ᠬᠣᠢᠢᠨ᠎ᠠ ᠠᠩ ᠭᠥᠷᠥᠭᠡ ᠬᠢᠬᠥ᠂ ᠠᠶᠠᠨ ᠳᠠᠢᠢᠨ ᠳᠦ ᠶᠠᠪᠣᠬᠣ ᠳᠦ ᠨᠢ ᠴᠢᠬᠣᠯᠠ ᠰᠠᠭᠣᠷᠢ ᠪᠣᠯᠵᠣ ᠪᠠᠢᠢᠵᠡᠢ ᠃ ᠬᠠᠪᠣᠷ ᠴᠠᠭ ᠳᠣ ᠮᠠᠯ ᠳᠣᠷᠠᠵᠣ ᠮᠠᠭᠣᠳᠠᠭᠰᠠᠨ ᠦᠶ᠎ᠡ ᠡᠴᠡ ᠬᠡᠥᠬᠡᠳ ᠦᠳ ᠠᠳᠣᠭᠣᠨ ᠦ ᠳᠡᠯ ᠳᠦ ᠬᠥᠷᠴᠥ ᠡᠮᠨᠢᠭ ᠣᠨᠣᠬᠣ ᠳ᠋ᠦ ᠪᠡᠨ ᠵᠣᠷᠢᠭ ᠳᠠᠢ ᠪᠣᠯᠳᠠᠭ᠃ ᠭᠡᠬᠥ ᠳ᠋ᠦ ᠪᠡᠨ ᠡᠮᠡᠭᠡᠯ ᠳᠣᠬᠣᠬᠣ᠂ ᠣᠯᠣᠩ ᠳᠠᠳᠠᠬᠣ᠂ ᠴᠢᠬᠢᠳᠡᠵᠥ ᠳᠠᠷᠣᠬᠣ᠂ ᠵᠢᠯᠣᠭᠣ ᠢᠢ ᠠᠳᠬᠣᠭᠣᠯᠬᠣ ᠵᠡᠷᠭᠡ ᠢᠢ ᠠᠪᠣ ᠨᠢ ᠬᠥᠥ ᠳ᠋ᠦ ᠪᠡᠨ ᠵᠢᠭᠠᠵᠣ ᠥᠭᠳᠡᠭ᠃ ᠳᠠᠭ᠎ᠠ ᠳᠣᠢᠢᠯᠠᠬᠣ ᠠᠴᠠ ᠰᠡᠷᠭᠡᠢᠢᠯᠡᠵᠥ ᠬᠣᠢᠢᠨ᠎ᠠ ᠠᠴᠠ ᠨᠢ ᠬᠥᠭᠡᠭᠡᠵᠥ ᠭᠣᠶᠠᠳᠠᠵᠣ ᠥᠭᠪᠡᠯ ᠰᠣᠴᠢᠭᠰᠠᠨ ᠳ᠋ᠦ ᠪᠡᠨ ᠳᠠᠭ᠎ᠠ ᠪᠣᠰᠬᠠᠵᠣ ᠪᠣᠯᠭᠢᠨ ᠠᠩᠬᠠᠨ ᠦ ᠳᠥᠷᠢ ᠲᠥᠷᠬᠥ ᠪᠡᠨ ᠬᠡᠥᠬᠡᠳ ᠳᠥ ᠬᠠᠷᠠᠭᠣᠯᠳᠠᠭ᠃ ᠳᠠᠮᠢᠷ ᠮᠠᠭᠣ ᠳᠠᠢ ᠳᠠᠭ᠎ᠠ ᠢᠢ ᠬᠡᠥᠬᠡᠳ ᠭᠥᠢᠴᠡᠨ ᠣᠴᠢᠵᠦ ᠳᠡᠯᠡᠳᠴᠥ ᠠᠪᠣᠭᠠᠳ ᠥᠪᠡᠷ ᠦᠨ ᠭᠠᠷ ᠦᠨ ᠠᠶᠠᠰ ᠢᠢᠠᠷ ᠡᠷᠭᠢᠭᠥᠯᠳᠡᠭ᠃ ᠡᠨᠡ ᠨᠢ ᠬᠡᠥᠬᠡᠳ ᠣᠨᠠᠬᠣ ᠭᠡᠵᠥ ᠪᠠᠢᠢᠭ᠎ᠠ ᠡᠮᠨᠢᠭ ᠳᠠᠭ᠎ᠠ ᠳᠠᠢ ᠪᠠᠨ ᠬᠠᠷᠢᠴᠠᠵᠣ ᠲᠡᠭᠥᠨ ᠢ ᠶᠠᠮᠠᠷ ᠴᠣ ᠪᠠᠢᠢᠭᠰᠠᠨ ᠨᠣᠮᠬᠠᠷᠠᠭᠣᠯᠵᠣ ᠴᠢᠳᠠᠨ᠎ᠠ ᠭᠡᠳᠡᠭ  ᠢᠳᠡᠭᠡᠯ ᠢ ᠣᠯᠵᠣ ᠠᠪᠳᠠᠭ᠃ ᠢᠩᠭᠢᠭᠡᠳ ᠳᠠᠭ᠎ᠠ ᠢᠢ ᠬᠠᠵᠠᠭᠠᠷᠯᠠᠵᠣ ᠳᠡᠭᠥᠨ ᠳᠡᠭᠡᠷ᠎ᠡ ᠦᠰᠦᠷᠦᠨ ᠮᠣᠷᠳᠠᠵᠣ ᠳᠠᠪᠠᠷᠠᠬᠤ᠂ ᠨᠣᠭᠲᠣ ᠴᠣᠯᠪᠣᠭᠣᠷ ᠢᠢᠠᠷ ᠢᠢᠠᠨ ᠭᠣᠶᠠᠳᠠᠬᠣ᠂ ᠳᠠᠭ᠎ᠠ ᠪᠠᠷ ᠨᠢ ᠶᠠᠪᠣᠭᠣᠯᠬᠣ᠂ ᠠᠭᠠᠵᠢᠮ ᠢᠢᠠᠷ ᠠᠳᠣᠭᠣᠨ ᠵᠥᠭ ᠡᠷᠭᠢᠭᠥᠯᠬᠥ ᠵᠡᠷᠭᠡ ᠪᠡᠷ ᠳᠠᠭ᠎ᠠ ᠢᠢᠨ ᠠᠮᠠ ᠢᠢ ᠬᠠᠭᠠᠵᠣ ᠭᠠᠷ ᠦᠨ ᠠᠶᠠᠰ ᠢᠢᠠᠷ ᠳᠤᠷ᠎ᠠ ᠳᠠᠢ ᠵᠥᠭ  ᠬᠥᠳᠡᠯᠭᠡᠬᠥ ᠳᠦ ᠰᠣᠷᠭᠠᠳᠠᠭ ᠃ ᠵᠢᠯᠣᠭᠣ ᠵᠠᠯᠠᠵᠣ ᠰᠣᠷᠣᠮᠠᠭᠴᠠ ᠪᠠᠭᠤᠵᠦ ᠮᠣᠷᠳᠠᠬᠣ ᠢᠢ ᠮᠡᠳᠡᠭᠥᠯᠵᠥ ᠰᠣᠷᠭᠠᠳᠠᠭ ᠃ ᠳᠠᠭ᠎ᠠ ᠨᠣᠮᠣᠬᠠᠷᠠᠮᠠᠭᠴᠠ ᠠᠳᠣᠭᠣᠨ ᠳᠦ ᠨᠢ ᠳᠠᠯᠪᠢᠵᠦ ᠳᠠᠷᠠᠭ᠎ᠠ ᠢᠢᠨ ᠡᠳᠥᠷ ᠨᠢ ᠳᠠᠬᠢᠨ ᠪᠠᠷᠢᠵᠥ ᠠᠪᠴᠥ ᠣᠨᠣᠬᠣ ᠵᠡᠷᠭᠡ ᠪᠡᠷ ᠣᠯᠠᠮ ᠶᠡᠬᠡ ᠨᠣᠮᠬᠠᠷᠠᠭᠣᠯᠵᠣ ᠤᠨᠤᠭᠠᠷᠢᠯᠠᠭᠤᠯᠳᠠᠭ᠃ ᠬᠡᠥᠬᠡᠳ ᠳᠠᠭ᠎ᠠ ᠠᠴᠠ ᠣᠨᠠᠵᠣ ᠣᠢᠢᠴᠢᠬᠣ ᠳ᠋ᠦ ᠪᠡᠨ ᠳᠡᠭᠥᠨ ᠳᠦ ᠬᠢᠰᠭᠢᠭᠥᠯᠬᠥ ᠂ ᠳᠠᠩᠭᠠᠷᠠᠭᠣᠯᠬᠣ ᠵᠡᠷᠭᠡ ᠠᠶᠣᠯ ᠭᠠᠷᠴᠣ ᠪᠣᠯᠵᠣᠰᠢ ᠥᠭᠡᠢ ᠳᠣᠯᠠ ᠴᠣᠯᠪᠣᠭᠣᠷ ᠢ ᠣᠷᠳᠣ ᠬᠢᠳᠡᠭ᠃ ᠡᠨᠡ ᠦᠶ᠎ᠡ ᠳᠦ ᠠᠬᠠᠮᠠᠳ ᠬᠥᠮᠥᠰ ᠳᠠᠭᠠᠯᠳᠣᠨ ᠵᠢᠭᠠᠵᠣ ᠰᠣᠷᠭᠠᠵᠣ ᠥᠭᠳᠡᠭ᠃ 10–15 ᠨᠠᠰᠣᠨ ᠦ ᠬᠣᠭᠣᠷᠣᠨᠳᠣ ᠡᠮᠨᠢᠭ ᠣᠨᠣᠵᠣ ᠰᠣᠷᠳᠠᠭ᠃ ᠬᠠᠪᠣᠷ ᠡᠮᠨᠢᠭ ᠣᠨᠣᠬᠣ ᠳᠦ 1-3 ᠡᠳᠥᠷ ᠣᠨᠣᠵᠣ ᠵᠢᠯᠣᠭᠣ ᠬᠥᠳᠡᠯᠭᠡᠬᠥ᠂ ᠴᠢᠳᠥᠷᠯᠡᠬᠥ᠂ ᠨᠣᠭᠳᠠᠯᠠᠬᠣ᠂ ᠡᠮᠡᠭᠡᠯᠯᠡᠬᠥ ᠵᠡᠷᠭᠡ ᠡᠳ᠋ᠯᠡᠭᠡᠨ ᠳᠦ ᠳᠠᠳᠤᠯᠭᠠᠵᠢᠭᠤᠯᠵᠤ ᠰᠣᠷᠭᠠᠳᠠᠭ᠃ ᠠᠬᠠᠮᠠᠳ ᠬᠥᠮᠥᠰ ᠡᠮᠨᠢᠭ ᠰᠣᠷᠭᠠᠬᠣ ᠳᠦ ᠭᠠᠷᠴᠣ ᠪᠣᠯᠵᠣᠰᠢ ᠥᠭᠡᠢ ᠠᠶᠣᠯ ᠪᠣᠯᠬᠣ ᠴᠣᠪᠬᠣᠷᠠᠨ ᠴᠠᠪᠴᠢᠬᠣ ᠂ ᠲᠠᠩᠭᠠᠷᠠᠵᠣ ᠢᠰᠬᠥᠯᠬᠥ ᠂ ᠣᠨᠠᠭᠰᠠᠨ ᠦ ᠳᠠᠷᠠᠭ᠎ᠠ ᠴᠢᠷᠥᠭᠳᠡᠬᠥ ᠵᠡᠷᠭᠡ ᠪᠣᠯᠵᠤᠰᠢ ᠥᠭᠡᠢ ᠵᠥᠢᠯ ᠦᠳ ᠢ ᠬᠡᠥᠬᠡᠳ ᠰᠠᠢᠢᠨ ᠵᠢᠭᠠᠵᠣ ᠰᠣᠷᠭᠠᠳᠠᠭ ᠶᠣᠮ ᠃ ᠡᠭᠥᠨ ᠦ ᠳᠠᠷᠠᠭ᠎ᠠ ᠬᠡᠥᠬᠡᠳ ᠬᠠᠩᠭᠠᠯ ᠡᠮᠨᠢᠭ ᠮᠣᠷᠢᠳ ᠢ ᠰᠣᠷᠭᠠᠬᠣ ᠬᠡᠷᠡᠭ ᠲᠡᠢ ᠪᠣᠯᠣᠨ᠎ᠠ᠃ ᠮᠣᠩᠭᠣᠯᠴᠣᠳ ᠡᠷᠳᠡᠨ ᠡᠴᠡ ᠢᠨᠠᠭᠰᠢ ᠮᠣᠷᠢ ᠪᠠᠨ  ᠣᠷᠭᠠᠯᠠ ᠂ ᠪᠣᠭᠣᠢᠢᠯᠢᠳᠠᠬᠤ ᠂ ᠬᠥᠯ ᠳᠦ ᠨᠢ ᠰᠠᠭᠣᠬᠣ ᠠᠷᠭ᠎ᠠ ᠪᠠᠷ ᠪᠠᠷᠢᠵᠣ ᠠᠪᠳᠠᠭ᠃ ᠡᠭᠥᠨ ᠢ ᠬᠡᠥᠬᠡᠳ ᠮᠡᠳᠡᠬᠥ ᠬᠡᠷᠡᠭ ᠳᠡᠢ ᠪᠣᠯᠳᠠᠭ᠃ ᠡᠭᠥᠨᠴᠢᠯᠡᠨ ᠮᠣᠷᠢᠨ ᠦ ᠬᠣᠷᠳᠣ ᠬᠥᠴᠥ ᠂ ᠴᠢᠳᠠᠯ ᠵᠡᠷᠭᠡ ᠢᠢ ᠮᠡᠳᠡᠵᠥ ᠠᠪᠬᠣ ᠶᠣᠰᠣ ᠳᠠᠢ ᠪᠣᠯᠣᠨ᠎ᠠ᠃ ᠮᠣᠩᠭᠣᠯᠴᠣᠳ ᠮᠣᠷᠢ ᠪᠠᠨ ᠠᠷᠭᠤᠮᠠᠭ ᠂ ᠠᠵᠢᠨᠠᠢ ᠂ ᠬᠥᠯᠥᠭ ᠂ ᠠᠭᠳᠠ ᠮᠣᠷᠢ ᠭᠡᠵᠥ ᠥᠪᠡᠷ ᠦᠨ ᠬᠢ ᠨᠢ ᠬᠣᠷᠳᠣ ᠬᠥᠴᠥ ᠪᠡᠷ ᠨᠢ ᠠᠩᠭᠢᠯᠵᠣ ᠢᠷᠡᠵᠡᠢ᠃ ᠾᠢᠥᠢᠩᠨᠥ ᠭᠥᠷᠥᠨ ᠦ ᠲᠥᠮᠡᠨ ᠬᠠᠭᠠᠨ ᠦ ᠮᠢᠩᠭᠠᠨ ᠪᠡᠷ᠎ᠡ ᠢᠢᠨ ᠬᠣᠯᠠ ᠳᠦ ᠬᠣᠷᠳᠣᠯᠠᠳᠠᠭ ᠠᠷᠭᠤᠮᠠᠭ ᠬᠥᠯᠥᠭ ᠦᠨ ᠳᠣᠬᠠᠢ ᠲᠡᠥᠬᠡᠨ ᠳᠦ ᠲᠡᠮᠳᠡᠭᠯᠡᠵᠥ ᠥᠯᠡᠳᠡᠭᠡᠭᠰᠡᠨ ᠪᠠᠢᠢᠨ᠎ᠠ᠃ ᠮᠣᠷᠢ ᠬᠥᠮᠥᠨ ᠬᠣᠶᠠᠷ ᠦᠨ ᠳᠣᠮᠳᠠ ᠪᠡᠶ᠎ᠡ ᠪᠡᠶ᠎ᠡ ᠪᠡᠨ ᠬᠠᠢᠢᠷᠠᠯᠠᠬᠣ ᠨᠠᠨᠳᠢᠨ ᠬᠣᠯᠪᠣᠭ᠎ᠠ ᠳᠣᠭᠳᠠᠳᠠᠭ᠃ ᠰᠠᠢᠢᠨ ᠮᠣᠷᠢ ᠢᠢ ᠵᠥᠪ ᠰᠠᠢᠢᠨ ᠰᠣᠷᠭᠠᠵᠣ ᠡᠳ᠋ᠯᠡᠵᠥ ᠴᠢᠳᠠᠪᠠᠯ ᠡᠵᠡᠨ ᠳ᠋ᠦ ᠪᠡᠨ ᠬᠠᠨᠢ ᠪᠣᠯᠳᠠᠭ ᠭᠡᠵᠥ ᠮᠣᠩᠭᠣᠯᠴᠣᠳ ᠥᠵᠡᠵᠥ ᠢᠷᠡᠭᠰᠡᠨ᠃ ᠡᠢᠢᠮᠥ ᠡᠴᠡ ᠮᠣᠷᠢ ᠪᠠᠨ ᠵᠣᠳᠣᠬᠣ᠂ ᠬᠠᠷᠢᠶᠠᠵᠣ᠂ ᠵᠥᠬᠡᠬᠥ ᠢᠯᠠᠩᠭᠤᠶ᠎ᠠ ᠳᠣᠯᠣᠭᠠᠢ  ᠤᠷᠤᠭᠤ ᠨᠢ ᠭᠣᠶᠠᠳᠠᠬᠣ ᠢᠢ ᠶᠡᠬᠡᠳᠡ ᠴᠡᠭᠡᠷᠯᠡᠳᠡᠭ ᠶᠣᠮ᠃