ᠮᠣᠷᠢᠨ ᠦ ᠭᠣᠶᠣ ᠰᠠᠢᠢᠬᠠᠨ ᠵᠢᠰᠥ ᠨᠢ ᠄ ᠬᠥ᠋ ᠬᠠᠷᠠ ᠂ ᠽᠠᠨᠳᠠᠨ ᠬᠥᠷᠡᠩ ᠬᠡᠬᠡᠷ ᠂ ᠪᠣᠭᠣ ᠬᠠᠯᠢᠭᠣᠨ ᠂ ᠬᠣᠯᠠ ᠥᠩᠭᠡ ᠳᠡᠢ ᠪᠠᠢᠢᠬᠣ ᠃
ᠮᠣᠷᠢᠨ ᠦ ᠰᠠᠢᠢᠬᠠᠨ ᠭᠠᠯᠪᠢᠷ ᠨᠢ ᠄ ᠴᠢᠬᠢ ᠪᠣᠰᠣᠭᠠ ᠂ ᠬᠠᠮᠠᠷ ᠦᠨ ᠨᠥᠬᠡ ᠠᠭᠣᠣ ᠂ ᠮᠥᠭᠡᠷᠡᠨ (ᠪᠥᠷᠭᠥᠳ) ᠬᠠᠮᠠᠷ ᠳᠠᠢ ᠂ ᠳᠣᠯᠣᠭᠠᠢ ᠬᠥᠵᠥᠭᠥᠥ ᠣᠷᠳᠣ ᠂ ᠮᠣᠨᠳᠠᠭᠠ ᠥᠨᠳᠥᠷ ᠂ ᠪᠦᠭᠲᠦᠷᠭᠡ ᠶᠡᠬᠡ ᠂ ᠳᠠᠰᠢᠶᠡ ᠥᠷᠭᠡᠨ ᠠᠬᠠᠷ ᠰᠠᠭᠥᠯ ᠣᠷᠳᠣ ᠂ ᠰᠡᠭᠥᠯ ᠰᠢᠩᠭᠡᠨ ᠂ ᠬᠥᠯ ᠰᠢᠯᠣᠭᠣᠨ ᠂ ᠪᠡᠷᠪᠡᠬᠡᠢ ᠪᠣᠰᠣᠭᠠ ᠂ ᠲᠤᠭᠤᠷᠠᠢ ᠨᠢᠮᠭᠡᠨ ᠂ ᠴᠣᠮᠪᠣᠭᠣᠷ ᠂ ᠰᠢᠷᠬᠡᠭ ᠪᠣᠰᠣᠭᠠ ᠳᠠᠢ ᠪᠠᠢᠢᠬᠤ ᠂ ᠬᠥᠬᠥᠯ ᠱᠠᠩᠬᠣ ᠣᠷᠳᠣᠪᠳᠣᠷ ᠂ ᠳᠠᠯ ᠰᠣᠮᠣᠨ ᠪᠠᠢᠢᠬᠣ ᠃
ᠮᠣᠷᠢᠨ ᠦ ᠰᠠᠢᠢᠬᠠᠨ ᠶᠠᠪᠣᠳᠠᠯ ᠨᠢ ᠄ ᠵᠠᠮ ᠦᠨ ᠰᠠᠢᠢᠪᠣᠷ ᠭᠥᠶᠥᠨ ᠬᠠᠷᠠ ᠠᠯᠬᠣᠭᠠ ᠲᠡᠭᠰᠢ ᠬᠠᠳᠠᠷᠢᠵᠣ ᠪᠠᠢᠢᠬᠣ ᠃
ᠣᠷᠣᠯᠳᠣᠭᠠᠨ ᠦ ᠮᠣᠷᠢᠨ ᠦ ᠨᠠᠰᠣ ᠄ ᠶᠡᠬᠡ ᠨᠠᠰᠣ ᠂ ᠠᠵᠢᠷᠭᠠ ᠂ ᠬᠢᠵᠠᠭᠠᠯᠠᠩ ᠂ ᠰᠤᠶᠤᠭᠠᠯᠠᠩ ᠂ ᠰᠢᠳᠥᠯᠡᠩ ᠳᠠᠭᠠ ᠡᠢᠢᠮᠥ ᠵᠢᠷᠭᠣᠭᠠᠨ ᠨᠠᠰᠣᠨ ᠦ ᠮᠣᠷᠢᠳ ᠢ ᠰᠤᠢᠢᠨ ᠣᠷᠣᠯᠳᠣᠭᠣᠯᠳᠠᠭ ᠃
ᠣᠷᠣᠯᠳᠣᠭᠠᠨ ᠦ ᠮᠣᠷᠢ ᠢᠢ ᠬᠥᠯᠥᠰᠥᠯᠡᠬᠥ᠌ ᠄ ᠮᠣᠷᠢᠨ ᠦ ᠬᠥᠪᠴᠢᠷᠡᠭᠰᠡᠨ ᠰᠢᠨᠳᠠᠰᠣ ᠢᠢ ᠲᠡᠨᠢᠢᠯᠭᠡᠬᠥ ᠂ ᠬᠥᠴᠥ ᠲᠠᠷᠭᠣ ᠢᠢ ᠨᠢᠮᠭᠡᠯᠡᠬᠥ ᠢᠢᠨ ᠲᠣᠯᠠᠳᠠ ᠬᠥᠯᠥᠰᠥᠯᠡᠳᠡᠭ ᠃ ᠮᠣᠷᠢ ᠢᠢ ᠵᠠᠳᠠᠭᠠᠢ ᠬᠥᠯᠥᠰᠥᠯᠡᠬᠥ ᠂ ᠪᠢᠳᠡᠭᠥᠥ ᠬᠥᠯᠥᠰᠥᠯᠡᠬᠥ ᠭᠡᠵᠥ ᠬᠣᠶᠠᠷ ᠶᠠᠩᠵᠣ ᠪᠠᠢᠢᠳᠠᠭ ᠃
ᠨᠢᠮᠭᠡᠨ ᠠᠷᠠᠰᠣ ᠳᠠᠢ ᠂ ᠥᠩᠭᠡᠨ ᠳᠠᠷᠭᠣ ᠲᠠᠢ ᠮᠣᠷᠢᠳ ᠢ ᠵᠠᠳᠠᠭᠠᠢ ᠬᠥᠯᠥᠰᠥᠯᠡᠳᠡᠭ ᠃
ᠵᠣᠵᠠᠭᠠᠨ ᠠᠷᠠᠰᠣ ᠳᠠᠢ᠂ ᠬᠠᠳᠠᠭᠣ ᠣᠳᠣᠮ ᠳᠠᠢ ᠮᠣᠷᠢ ᠢᠢ ᠪᠢᠳᠡᠭᠥᠥ (ᠢᠰᠡᠭᠡᠢ ᠴᠡᠩᠮᠠ) ᠮᠡᠳᠥ ᠪᠡᠷ ᠨᠡᠮᠨᠡᠨ ᠬᠥᠯᠥᠰᠥᠯᠡᠳᠡᠭ ᠃
ᠮᠣᠷᠢᠨ ᠦ ᠰᠢᠪᠠᠷ ᠬᠥᠯᠥᠰᠥ ᠢᠢ ᠰᠢᠪᠬᠠᠵᠣ ᠬᠥᠭᠡᠭᠡᠭᠰᠡᠨ ᠬᠥᠯᠥᠰᠥ ᠢᠢ ᠬᠥᠭᠡᠷᠥᠭᠥᠯᠵᠥ ᠣᠰᠣᠨ ᠬᠥᠯᠥᠰᠥ ᠢᠢ ᠰᠢᠪᠬᠠᠵᠣ ᠬᠥᠯᠥᠰᠥ ᠢᠢ ᠬᠥᠭᠡᠷᠥᠭᠥᠯᠵᠥ ᠣᠰᠣᠨ ᠬᠥᠯᠥᠰᠥ ᠢᠢ ᠨᠢ ᠣᠷᠣᠰᠴᠣ ᠡᠬᠢᠯᠡᠬᠥ ᠳᠦ ᠮᠣᠷᠢᠨ ᠦ ᠰᠣᠢᠢᠯᠭᠠ ᠳᠠᠭᠠᠷᠠᠵᠣ ᠬᠥᠯᠥᠭ ᠦᠨ ᠪᠡᠶᠡ ᠡᠴᠡ ᠰᠢᠷᠬᠡᠭ ᠢ ᠨᠢ ᠲᠣᠭᠠᠯᠠᠵᠣ ᠪᠤᠯᠤᠮᠠ ᠪᠥᠩᠵᠢᠭᠡᠨᠡᠬᠥ ᠥᠷᠢᠯ ᠬᠥᠯᠥᠰᠥ ᠭᠠᠷᠳᠠᠭ ᠃ ᠡᠭᠥᠨ ᠢ ᠰᠣᠪᠣᠳ ᠬᠥᠯᠥᠰᠥ ᠭᠡᠳᠡᠭ ᠃
ᠰᠣᠪᠣᠳ ᠬᠥᠯᠥᠰᠥ ᠨᠢ ᠣᠨᠠᠭᠠᠨ ᠬᠥᠯᠥᠭ ᠦᠨ ᠣᠶᠠᠭᠠ ᠬᠠᠨᠤᠭᠰᠠᠨ ᠳᠤᠬᠢᠶᠠ ᠃ ᠮᠣᠷᠢᠨ ᠦ ᠬᠥᠯᠥᠰᠥ ᠢᠢ ᠪᠠᠭᠠ ᠥᠰᠥᠷᠭᠡ ᠂ ᠳᠣᠮᠳᠠ ᠥᠰᠥᠷᠭᠡ ᠂ ᠶᠡᠬᠡ ᠥᠰᠥᠷᠭᠡ ᠪᠣᠶᠣ ᠨᠠᠭᠠᠳᠣᠮ ᠦᠨ ᠡᠮᠥᠨᠡᠬᠢ ᠰᠣᠩᠭᠠᠭᠠ ᠪᠡᠷ ᠠᠪᠳᠠᠭ ᠃ ᠮᠣᠷᠢᠨ ᠦ ᠰᠣᠢᠢᠯᠭᠠ ᠲᠠᠭᠠᠷᠠᠭᠰᠠᠨ ᠡᠰᠡᠬᠥ ᠨᠢ ᠶᠡᠬᠡ ᠰᠣᠩᠭᠠᠭᠠᠨ ᠦ ᠦᠶᠡ ᠳᠦ ᠯᠠ ᠮᠡᠳᠡᠭᠳᠡᠨᠡ᠃
ᠣᠷᠣᠯᠳᠣᠭᠠᠨ ᠦ ᠮᠣᠷᠢᠳ ᠦᠨ ᠵᠠᠮ ᠄ ᠶᠡᠬᠡ ᠨᠠᠰᠣᠨ ᠦ ᠮᠣᠷᠢ 25-30 ᠺᠢᠯᠤᠮᠧᠲ᠋ᠷ ᠂ ᠰᠣᠶᠣᠭᠠᠯᠠᠩ ᠂ ᠠᠵᠢᠷᠭᠠ 20 ᠺᠢᠯᠣᠮᠸᠲ᠋ᠷ᠂ ᠬᠢᠵᠠᠭᠠᠯᠠᠩ 18 ᠺᠢᠯᠣᠮᠸᠲ᠋ᠷ ᠂ ᠰᠢᠳᠥᠯᠡᠩ 15 ᠺᠢᠯᠣᠮᠸᠲ᠋ᠷ ᠂ ᠳᠠᠭᠠ 10 ᠺᠢᠯᠣᠮᠸᠲ᠋ᠷ ᠵᠠᠮ ᠳᠦ ᠣᠷᠣᠯᠳᠣᠭᠠᠳ ᠪᠠᠷᠢᠶᠠᠨ ᠳᠦ ᠣᠷᠣᠳᠠᠭ ᠃
ᠮᠣᠷᠢᠨ ᠦ ᠴᠣᠯᠠ ᠢᠢ 108 ᠵᠢᠰᠥᠨ ᠳᠦ ᠳᠥᠢᠴᠡᠭᠥᠯᠥᠨ ᠥᠭᠳᠡᠭ ᠰᠠᠢᠢᠬᠠᠨ ᠣᠯᠠᠮᠵᠢᠯᠠᠯ ᠳᠠᠢ ᠃ ᠵᠢᠱᠢᠢᠡ ᠨᠢ᠄
ᠬᠠᠯᠵᠠᠨ ᠰᠠᠷᠠ ᠳᠠᠢ ᠵᠢᠰᠥᠮ ᠦᠨ ᠮᠣᠷᠢᠨ ᠳᠦ᠄
ᠳᠣᠳᠣ ᠮᠠᠩᠨᠠᠢ ᠲᠣᠷᠭᠠᠨ ᠵᠢᠯᠣᠭᠣ ᠂ ᠡᠳᠥᠷ ᠦᠨ ᠣᠳᠣ ᠬᠤᠨ ᠦ ᠥᠳᠥ
ᠬᠠᠷᠠ ᠪᠠᠷᠠᠭᠠᠨ ᠵᠢᠰᠥᠨ ᠦ ᠮᠣᠷᠢᠨ ᠳᠦ᠄
ᠬᠠᠷᠠᠩᠬᠣᠢ ᠰᠥᠨᠢ ᠢᠢᠨ ᠮᠥᠨᠳᠥᠷ ᠂ ᠬᠠᠷᠪᠣᠬᠣ ᠰᠣᠯᠢᠷ ᠦᠨ ᠮᠥᠷ ᠂ ᠪᠠᠷᠳᠠᠭᠠᠳ ᠢᠷᠡᠭᠴᠢ ᠬᠢᠩᠭᠠ ᠂ ᠪᠠᠷᠠᠯᠠᠨ ᠢᠷᠡᠭᠴᠢ ᠠᠶᠣᠩᠭᠠ
ᠰᠢᠷᠭᠠ ᠭᠣᠣᠯ ᠰᠢᠷᠭᠠ ᠵᠢᠰᠥᠨ ᠦ ᠮᠣᠷᠢᠨ ᠳᠦ᠄ ᠭᠠᠳᠠᠭᠠᠳᠣ ᠳᠠᠯᠠᠢ ᠢᠢᠨ ᠬᠠᠯᠭᠢᠳᠠᠰᠣ᠂ ᠭᠠᠩᠭᠠ ᠮᠥᠷᠡᠨ ᠦ ᠴᠠᠯᠭᠢᠳᠠᠰᠣ᠂ ᠬᠥᠩᠭᠡᠨ ᠰᠣᠮᠣ ᠨᠢᠮᠭᠡᠨ ᠵᠡᠪᠡ ᠃
ᠵᠡᠭᠡᠷᠳᠡ ᠬᠠᠯᠢᠭᠣᠨ ᠵᠢᠰᠥᠮ ᠦᠨ ᠮᠣᠷᠢᠨ ᠳᠦ᠄
ᠵᠢᠮ ᠦᠨ ᠪᠣᠷᠣ ᠳᠠᠣᠯᠠᠢ᠂ ᠵᠢᠭᠥᠷᠳᠡᠨ ᠪᠣᠷᠣ ᠬᠠᠷᠢᠶᠠᠴᠠᠢ
ᠣᠯᠠᠨ ᠣᠳᠠᠭᠠ ᠲᠥᠷᠥᠭᠥᠯᠡᠭᠰᠡᠨ ᠲᠥᠮᠡᠨ ᠡᠬᠡ ᠮᠣᠷᠢᠨ ᠦ ᠴᠣᠯᠠ ᠳᠡᠭᠡᠷᠡ ᠨᠡᠮᠡᠨ ᠴᠢᠮᠡᠭ ᠥᠭᠳᠡᠭ᠃ ᠳᠣᠬᠠᠢᠢᠯᠠᠪᠠᠯ᠄
ᠡᠩᠬᠡ ᠠᠮᠣᠭᠣᠯᠠᠩ ᠡᠯᠪᠡᠭ ᠵᠢᠷᠭᠠᠯᠠᠩ ᠂ ᠬᠥᠴᠥ ᠴᠢᠳᠠᠯ ᠢ ᠭᠠᠢᠢᠬᠠᠭᠣᠯᠣᠭᠴᠢ ᠂ ᠬᠥᠮᠥᠨ ᠦ ᠰᠡᠳᠭᠢᠯ ᠢ ᠪᠠᠶᠠᠰᠬᠠᠭᠣᠯᠣᠭᠴᠢ᠂ ᠪᠠᠬᠠᠳᠴᠣ᠂ ᠪᠠᠷᠠᠰᠢ ᠥᠭᠡᠢ᠂ ᠳᠠᠪᠬᠢᠵᠣ ᠢᠷᠡᠭᠰᠡᠨ ᠬᠠᠩᠭᠠᠢ ᠢᠢᠨ ᠪᠣᠭᠣ᠂ ᠳᠠᠭᠠᠷᠢᠵᠥ ᠢᠷᠡᠭᠰᠡᠨ ᠳᠠᠢᠢᠨ ᠦ ᠬᠥᠯᠥᠭ ᠂ ᠬᠥᠮᠥᠨ ᠵᠣᠨ ᠢ ᠪᠠᠶᠠᠰᠬᠠᠭᠣᠯᠣᠭᠴᠢ ᠬᠥᠭᠵᠢᠶᠡᠨ ᠪᠠᠶᠠᠰᠣᠯ ᠢ ᠣᠨᠳᠣᠷᠣᠭᠣᠯᠣᠭᠴᠢ᠂ ᠣᠯᠠᠮ ᠨᠡᠮᠡᠨ ᠬᠣᠷᠳᠣᠯᠠᠬᠣ᠂ ᠣᠷᠣᠭᠰᠢ ᠳᠠᠪᠬᠢᠨ ᠲᠥᠷᠥᠭᠥᠯᠡᠭᠴᠢ᠂ ᠲᠥᠪ ᠳᠠᠶᠠᠭᠠᠷ ᠲᠥᠮᠡᠨ ᠦ ᠲᠣᠭᠳᠠᠭᠠᠯ ᠭᠡᠬᠥ ᠮᠡᠳᠥ ᠪᠡᠷ ᠴᠢᠮᠡᠭ ᠬᠠᠢᠢᠷᠠᠯᠠᠳᠠᠭ᠃