ᠢᠮ — ᠮᠠᠯ ᠤᠨ ᠴᠢᠬᠢᠨ ᠤ ᠳᠡᠯᠪᠢ ᠶᠢ ᠤᠬᠠᠵᠤ ᠤᠭᠳᠤᠯᠬᠤ ᠪᠤᠶᠤ ᠵᠦᠰᠦᠬᠦ ᠵᠡᠷᠭᠡ ᠪᠡᠷ ᠶᠠᠮᠠᠷ ᠨᠢᠭᠡᠨ ᠭᠡᠯᠪᠡᠷᠢ ᠪᠡᠷ ᠭᠡᠪ ᠤᠨ ᠪᠠᠶᠢᠳᠠᠯ ᠢ ᠠᠯᠳᠠᠭᠳᠠᠭᠤᠯᠤᠨ ᠲᠡᠮᠳᠡᠭᠯᠡᠬᠦ ᠶᠢ ᠭᠡᠯᠡᠨᠡ᠃ ᠢᠮ ᠢ ᠪᠤᠯ ᠮᠠᠯ ᠳᠤ ᠭᠡᠷᠡᠭᠯᠡᠬᠦ ᠪᠠ ᠬᠠᠶᠠ ᠦᠭᠡᠷ ᠠᠳᠤᠭᠤᠨ ᠳᠤ ᠭᠡᠷᠡᠭᠯᠡᠨᠡ᠃
ᠲᠠᠮᠠᠭᠡ — ᠶᠠᠮᠠᠷ ᠨᠢᠭᠡᠨ ᠳᠦᠷᠰᠦ ᠶᠢ ᠲᠡᠮᠦᠷ ᠶᠢᠡᠷ ᠦᠢᠯᠡᠳᠴᠤ ᠲᠡᠬᠦᠨ ᠢ ᠶᠢᠡᠨ ᠤᠯᠠᠶᠢᠯᠭᠠᠨ ᠮᠠᠯ ᠤᠨ ᠪᠡᠶᠡ ᠶᠢᠨ ᠠᠯᠢ ᠨᠢᠭᠡᠨ ᠭᠡᠰᠡᠭ ᠲᠤ ᠳᠠᠷᠤᠵᠤ ᠬᠠᠭᠠᠷᠢᠨ ᠲᠡᠮᠳᠡᠭᠯᠡᠬᠦ ᠶᠢ ᠬᠡᠯᠡᠨᠡ᠃ ᠲᠠᠮᠠᠭᠡ ᠶᠢ ᠪᠤᠳᠠ ᠮᠠᠯ ᠳᠤ ᠢᠯᠠᠩᠭᠤᠶᠡ ᠠᠳᠤᠭᠤᠨ ᠳᠤ ᠭᠡᠷᠡᠭᠯᠡᠬᠦ ᠪᠦᠭᠡᠳ ᠠᠳᠤᠭᠤᠨ ᠤ ᠭᠤᠶᠡ ᠲᠠᠰᠢᠶᠡ᠂ ᠬᠠ ᠦᠭᠡᠷ ᠤᠨ ᠡᠪᠡᠷ ᠪᠠ ᠲᠠᠰᠢᠶᠠᠨ ᠳᠤ᠂ ᠲᠡᠮᠡᠭᠡᠨ ᠤ ᠬᠠᠴᠠᠷ ᠂ ᠭᠤᠶᠡ ᠲᠠᠰᠢᠶᠠᠨ ᠳᠤ ᠳᠠᠷᠤᠨᠡ᠃
ᠲᠡᠮᠳᠡᠭ — ᠮᠠᠯ ᠤᠨ ᠪᠡᠶᠡ ᠶᠢᠨ ᠠᠯᠢ ᠨᠢᠭᠡᠨ ᠬᠡᠰᠡᠭ ᠶᠢ ᠪᠤᠳᠤᠬᠤ ᠪᠤᠶᠤ ᠦᠰᠦ ᠶᠢ ᠬᠠᠶᠢᠴᠢᠯᠠᠬᠤ ᠡᠰᠡᠪᠡᠯ ᠶᠠᠮᠠᠷ ᠨᠢᠭᠡᠨ ᠵᠦᠢᠯ ᠢ ᠮᠠᠯ ᠤᠨ ᠪᠡᠶᠡ ᠡᠴᠡ ᠵᠡᠬᠦᠬᠦ ᠵᠡᠷᠭᠡ ᠪᠡᠷ ᠪᠤᠰᠤᠳ ᠮᠠᠯ ᠡᠴᠡ ᠢᠯᠭᠠᠬᠤ ᠠᠷᠭᠡ ᠶᠢ ᠬᠡᠯᠡᠨᠡ᠃
ᠢᠮ ᠂ ᠲᠠᠮᠠᠭᠡ ᠨᠢ ᠮᠠᠯ ᠤᠨ ᠪᠡᠶᠡ ᠮᠠᠬᠠᠪᠤᠳ ᠲᠤ ᠶᠡᠭᠡ ᠪᠠ ᠪᠠᠭᠡ ᠴᠤ ᠭᠡᠰᠡᠨ ᠶᠠᠮᠠᠷ ᠨᠢᠭᠡᠨ ᠡᠮᠭᠡᠨᠢᠯ ᠤᠨ ᠬᠤᠪᠢᠷᠠᠯ ᠦᠵᠡᠭᠦᠯᠵᠤ ᠭᠡᠪ ᠤᠨ ᠪᠠᠶᠢᠳᠠᠯ ᠢ ᠨᠢ ᠦᠭᠡᠷᠡᠴᠢᠯᠡᠬᠦ ᠤᠴᠢᠷ ᠡᠴᠡ ᠮᠠᠯ ᠤᠨ ᠪᠡᠶᠡ ᠳᠤ ᠤᠳᠠᠭᠠᠨ ᠬᠠᠳᠠᠭᠠᠯᠠᠭᠳᠠᠳᠠᠭ ᠪᠠᠢᠨᠡ᠃ ᠬᠠᠷᠢᠨ ᠲᠡᠮᠳᠡᠭ ᠨᠢ ᠮᠠᠯ ᠤᠨ ᠪᠡᠶᠡ ᠳᠤ ᠶᠠᠮᠠᠷ ᠨᠢᠭᠡᠨ ᠡᠮᠭᠡᠭ ᠤᠨ ᠬᠤᠪᠢᠷᠠᠯ ᠦᠵᠡᠬᠦᠯᠬᠦ ᠦᠬᠡᠢ ᠪᠦᠭᠡᠳ ᠪᠡᠬᠢᠵᠢᠯ ᠮᠠᠭᠤᠳᠠᠢ᠂ ᠲᠦᠷ ᠵᠠᠭᠤᠷᠡ ᠶᠢᠨ ᠡᠬᠦᠷᠭᠡ ᠬᠦᠢᠴᠡᠳᠭᠡᠳᠡᠭ ᠪᠠᠢᠨᠡ᠃ ᠲᠠᠰᠢᠷᠠᠮ ᠳᠤ ᠬᠡᠯᠡᠬᠦ ᠳᠤ ᠂ ᠲᠠᠮᠠᠭᠡ ᠲᠡᠮᠳᠡᠭ ᠨᠢ ᠮᠠᠯ ᠤᠨ ᠠᠷᠠᠰᠦ ᠰᠢᠷᠢ ᠂ ᠦᠰᠦ ᠨᠤᠤᠰᠤᠨ ᠳᠤ ᠭᠡᠮᠳᠡᠯ ᠤᠴᠡᠷᠠᠭᠤᠯᠵᠤ᠂ ᠲᠦᠭᠦᠬᠡᠢ ᠡᠳ᠋ ᠤᠨ ᠴᠢᠨᠠᠷ ᠲᠤ ᠮᠠᠭᠤ ᠨᠦᠯᠦᠭᠡᠯᠡᠳᠡᠭ ᠪᠠᠢᠨᠡ᠃
ᠲᠦᠷᠪᠡᠳ᠂ ᠪᠠᠶᠠᠳ ᠤᠨ ᠮᠠᠯ ᠤᠨ ᠢᠮ ᠲᠠᠮᠠᠭᠡ ᠶᠢᠨ ᠵᠠᠷᠢᠮ ᠤᠨᠴᠠᠯᠢᠭ ᠡᠴᠡ ᠰᠤᠨᠢᠷᠬᠠᠭᠤᠯᠤᠶᠡ
ᠲᠦᠷᠪᠡᠳ᠂ ᠪᠠᠶᠠᠳ ᠤᠨ ᠮᠠᠯ ᠤᠨ ᠲᠠᠮᠠᠭᠡ ᠨᠢ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠨᠡᠶᠢᠭᠡᠮ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠬᠤᠪᠢᠶᠠᠷᠢ᠂ ᠨᠤᠳᠤᠭᠰᠢᠯ ᠤᠨ ᠪᠠᠶᠢᠳᠠᠯ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠠᠳᠠᠢ ᠪᠦᠭᠡᠳ ᠤᠤᠯ ᠪᠠᠶᠢᠳᠠᠯ ᠡᠴᠡ ᠪᠡᠨ ᠤᠶᠠᠯᠳᠤᠨ ᠭᠠᠷᠤᠭᠰᠠᠨ ᠶᠤᠮ ᠭᠡᠵᠦ ᠦᠵᠡᠵᠤ ᠪᠤᠯᠤᠮᠠᠷ ᠰᠠᠨᠠᠭᠳᠠᠨᠡ᠃
ᠹᠸᠤᠳᠠᠯ ᠤᠨ ᠨᠡᠶᠢᠭᠡᠮ ᠤᠨ ᠬᠤᠪᠢᠶᠠᠷᠢᠯᠠᠯ ᠶᠢᠡᠷ ᠲᠦᠷᠪᠡᠳ ᠂ ᠪᠠᠶᠠᠳ ᠨᠢ 《ᠳᠦᠷᠪᠡᠳ ᠳᠠᠯᠠᠢ ᠬᠠᠨ ᠤ ᠬᠤᠰᠢᠭᠤ ᠂ ᠵᠤᠷᠢᠭᠲᠤ ᠬᠠᠨ ᠲᠤᠮᠤ ᠶᠢᠨ ᠪᠤᠶᠤ ᠤᠩᠬᠢ ᠶᠢᠨ ᠬᠤᠰᠢᠭᠤ ᠂ ᠠᠷᠪᠠᠨ ᠪᠠᠶᠠᠳ ᠤᠨ ᠬᠤᠰᠢᠭᠤ 》ᠭᠡᠵᠤ ᠭᠤᠷᠪᠠᠨ ᠲᠤᠮᠤ ᠬᠤᠰᠢᠭᠤᠨ ᠳᠤ ᠬᠤᠪᠢᠶᠠᠭᠳᠠᠵᠤ ᠳᠤᠲᠤᠷᠡ ᠪᠡᠨ ᠤᠯᠠᠨ ᠵᠢᠵᠢᠭ ᠸᠠᠩ᠂ ᠬᠦᠩ᠂ ᠪᠡᠢᠢᠯᠡ ᠂ ᠪᠠᠢᠢᠰᠡ ᠨᠤᠭᠤᠳ ᠲᠤ ᠵᠠᠬᠢᠷᠤᠭᠳᠠᠵᠤ ᠪᠠᠢ᠋ᠵᠡᠢ᠃
ᠳᠦᠷᠪᠡᠳ ᠳᠠᠯᠠᠢ ᠬᠠᠨ ᠤ ᠬᠤᠰᠢᠭᠤ ᠤᠳᠤ ᠶᠢᠨ ᠤᠪᠰᠤ ᠠᠶᠢᠮᠠᠭ ᠤᠨ ᠰᠠᠬᠢᠯ᠂ ᠲᠦᠷᠭᠡᠨ᠂ ᠪᠦᠭᠡᠮᠦ᠋ᠷᠡᠨ ᠰᠤᠮᠤ ᠶᠢᠨ ᠠᠷᠠᠳ ᠤᠳ ᠮᠠᠯ ᠳᠤ ᠪᠡᠨ ᠬᠠᠭᠠᠰ ᠲᠤᠭᠤᠷᠢᠭ ᠤᠨ ᠰᠠᠷᠠᠨ ᠲᠠᠮᠠᠭᠡ ᠭᠡᠷᠡᠭᠯᠡᠵᠦ ᠢᠷᠡᠵᠡᠢ᠃ ᠴᠤᠬᠤᠮ ᠰᠠᠷᠠᠨ ᠲᠠᠮᠠᠭᠡ ᠶᠢ ᠶᠠᠭᠠᠭᠢᠭᠠᠳ ᠭᠡᠷᠡᠭᠯᠡᠬᠦ ᠪᠤᠯᠪᠠᠤ ᠭᠡᠪᠡᠯ ᠄ ᠳᠠᠯᠠᠢ ᠬᠠᠨ ᠤ ᠬᠤᠰᠢᠭᠤ ᠨᠢ ᠠᠴᠢᠲᠤ ᠨᠠᠭᠤᠷ ᠡᠴᠡ ᠪᠦᠭᠡᠮᠦ᠋ᠷᠡᠨ ᠤᠨ ᠭᠤᠤᠯ ᠢ ᠦᠭᠰᠤᠭᠦᠯᠤᠨ ᠠᠰᠬᠠᠲᠤ ᠠᠭᠤᠯᠠ᠂ ᠪᠦᠭᠡᠮᠦ᠋ᠷᠡᠨ ᠤᠨ ᠡᠬᠢ ᠴᠢᠭᠡᠷᠳᠡᠢ᠂ ᠴᠠᠭᠠᠨ ᠰᠢᠪᠠᠭᠤᠲᠤ᠂ ᠶᠤᠯᠤ᠂ ᠬᠦᠬᠡ ᠰᠠᠢ ᠂ ᠪᠠᠶᠠᠨᠵᠢᠷᠦᠭᠡ ᠶᠢᠨ ᠠᠭᠤᠯᠠᠰ ᠶᠢᠡᠷ ᠳᠠᠮᠵᠢᠨ ᠪᠤᠷᠢᠶᠠᠳ᠂ ᠳᠠᠭᠠᠩ ᠳᠡᠯ᠂ ᠰᠠᠭᠠᠯᠢ ᠶᠢᠨ ᠡᠬᠢ ᠲᠠᠷᠯᠠᠩ᠂ ᠪᠠᠷᠠᠭᠤᠨ ᠵᠡᠭᠦᠨ ᠲᠤᠷᠡ ᠶᠢᠨ ᠠᠭᠤᠯᠠᠰ᠂ ᠬᠠᠨᠳᠠᠭᠠᠢ᠋ᠲᠤ ᠪᠠ ᠪᠤᠷᠱᠤᠨ ᠭᠤᠤᠯ ᠵᠠᠪᠰᠠᠷ ᠬᠦᠨᠳᠡᠢ ᠶᠢᠨ ᠭᠦᠨᠳᠡᠢ ᠶᠢ ᠤᠷᠤᠭᠤᠳᠠᠨ ᠲᠡᠷᠮᠡᠰ ᠠᠭᠤᠯᠠ᠂ ᠪᠠᠷᠤᠭ ᠤᠪᠰᠤ ᠨᠠᠭᠤᠷ ᠤᠨ ᠬᠦᠪᠡᠭᠡ ᠬᠦᠷᠲᠡᠯᠡ ᠨᠤᠲᠤᠭ ᠡᠵᠡᠯᠡᠳᠡᠭ ᠪᠠᠶᠢᠭᠰᠠᠨ ᠪᠦᠭᠡᠳ ᠭᠡᠷᠪᠡ ᠭᠠᠵᠠᠷ ᠤᠨ ᠵᠢᠷᠤᠭ ᠳᠡᠭᠡᠷᠡ ᠳᠡᠭᠡᠷᠡᠬᠢ ᠲᠡᠰ ᠳᠠᠷᠠᠭᠠᠯᠠᠯ ᠶᠢᠡᠷ ᠵᠢᠷᠤᠪᠠᠯ ᠲᠠᠭᠨᠢ ᠶᠢᠨ ᠨᠢᠷᠤᠭᠤ ᠶᠢ ᠦᠪᠦᠷᠯᠡᠭᠰᠡᠨ ᠬᠠᠭᠠᠰ ᠲᠤᠭᠤᠷᠢᠭ ᠤᠨ ᠰᠠᠷᠠᠨ ᠭᠡᠯᠪᠡᠷᠢ ᠲᠠᠢ ᠨᠤᠲᠤᠭ ᠡᠭᠦᠰᠦᠨᠡ᠃ ᠡᠶᠢᠮᠦ ᠤᠴᠢᠷ ᠨᠤᠲᠤᠭ ᠤᠨ ᠭᠡᠯᠪᠡᠷᠢ ᠪᠡᠷ ᠰᠠᠷᠠᠨ ᠲᠠᠮᠠᠭᠡ ᠡᠬᠦᠰᠴᠤ ᠭᠡᠷᠡᠭᠯᠡᠬᠦ ᠪᠤᠯᠤᠭᠰᠠᠨ ᠭᠡᠳᠡᠭ᠃
ᠰᠠᠷᠡᠨ ᠲᠠᠮᠠᠭᠡ ᠶᠢ ᠨᠢᠴᠤᠭᠦᠨ ᠰᠠᠷᠡᠨ ( ᠵᠢᠷᠤᠭ ᠨᠢᠭᠡ ᠶᠢ ᠦᠵᠡ )᠂ ᠨᠢᠭᠡ ᠦᠷᠭᠡᠰᠦᠲᠦ ᠰᠠᠷᠠᠨ ( ᠵᠢᠷᠤᠭ ᠬᠤᠶᠠᠷ )᠂ ᠬᠤᠶᠠᠷ ᠦᠷᠭᠡᠰᠦᠲᠦ ᠰᠠᠷᠠᠨ ( ᠵᠢᠷᠤᠭ ᠭᠤᠷᠪᠠ )᠂ ᠨᠢᠭᠡ ᠲᠤᠲᠤᠭᠤ ᠲᠠᠢ ᠨᠢᠴᠦᠬᠦᠨ ᠰᠠᠷᠠᠨ (ᠵᠢᠷᠤᠭ ᠳᠦᠷᠪᠡ ᠪᠠ ᠲᠠᠪᠤ ) ᠂ ᠬᠤᠶᠠᠷ ᠲᠤᠲᠤᠭᠤ ᠲᠠᠢ ᠨᠢᠴᠦᠬᠦᠨ ᠰᠠᠷᠠᠨ ( ᠵᠢᠷᠤᠭ ᠵᠢᠷᠭᠤᠭᠡ ) ᠂ ᠨᠢᠭᠡ ᠪᠤᠶᠤ ᠬᠤᠶᠠᠷ ᠲᠤᠲᠤᠭᠤ ᠲᠠᠢ ᠪᠦᠭᠡᠳ ᠨᠢᠭᠡ ᠪᠠ ᠬᠤᠶᠠᠷ ᠦᠷᠭᠡᠰᠦᠲᠤ ᠰᠠᠷᠠᠨ ( ᠵᠢᠷᠤᠭ ᠳᠤᠯᠤᠭᠡ᠂ ᠨᠠᠢ᠋ᠮᠠ᠂ ᠶᠢᠰᠦ ᠂ ᠠᠷᠪᠠ ᠂ ᠠᠷᠪᠠᠨ ᠨᠢᠭᠡ ᠂ ᠠᠷᠪᠠᠨ ᠬᠤᠶᠠᠷ )᠂᠂᠂᠂᠂ ᠭᠡᠬᠦ ᠮᠡᠲᠤ ᠪᠡᠷ ᠰᠠᠷᠠᠨ ᠲᠠᠮᠠᠭᠡ ᠪᠦᠭᠦᠳᠡ ᠠᠷᠪᠠᠨ ᠬᠤᠶᠠᠷ ᠭᠡᠯᠪᠡᠷᠢ ᠪᠡᠷ ᠭᠡᠷᠡᠭᠯᠡᠭᠳᠡᠵᠤ ᠪᠠᠢ᠋ᠵᠡᠢ᠃ ᠦᠷᠭᠡᠰᠦ ᠪᠠ ᠲᠤᠲᠤᠭᠤ ᠨᠢ ᠵᠦᠪᠭᠡᠨ ᠭᠡᠯᠪᠡᠷᠢ ᠮᠠᠶ᠋ᠢᠭ ᠢ ᠦᠭᠡᠷᠡᠴᠢᠯᠡᠬᠦ ᠵᠤᠷᠢᠯᠭᠡ ᠪᠡᠷ ᠪᠤᠰᠤ᠂ ᠬᠠᠷᠢᠨ ᠨᠤᠲᠤᠭᠰᠢᠯ ᠨᠡᠭᠦᠳᠡᠯ ᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠲᠤᠰᠬᠠᠢ ᠤᠤᠡᠬᠡ ᠠᠭᠤᠯᠭᠡ ᠲᠠᠢ ᠪᠠᠢ᠋ᠵᠡᠢ᠃ ᠳᠠᠯᠠᠢ ᠬᠠᠨ ᠤ ᠨᠢᠭᠡᠨ ᠭᠡᠰᠡᠭ ( ᠤᠳᠤ ᠶᠢᠨ ᠰᠠᠬᠢᠯ ᠰᠤᠮᠤ ) ᠬᠠᠪᠤᠷ ᠨᠠᠮᠤᠷ ᠲᠤ ᠵᠤᠷᠢᠭᠲᠤ ᠬᠠᠨ ᠤ ᠨᠤᠲᠤᠭ ᠪᠤᠯᠬᠤ ᠪᠦᠭ᠂ ᠰᠡᠵᠢᠬᠦᠷ᠂ ᠬᠦᠨᠳᠡᠯᠡᠨ ᠭᠡᠮᠡᠬᠦ ᠭᠠᠵᠠᠷ ᠬᠦᠷᠲᠡᠯᠡ ᠢᠷᠡᠵᠤ ᠨᠤᠲᠤᠭᠯᠠᠳᠠᠭ ᠤᠴᠢᠷ ᠰᠠᠷᠠ ᠲᠠᠮᠠᠭᠠᠨ ᠳᠤ ᠨᠡᠭᠦᠳᠡᠯ ᠤᠨ ᠵᠠᠮ ᠢ ᠢᠯᠡᠳᠭᠡᠭᠰᠡᠨ ᠨᠢᠭᠡ ᠦᠷᠭᠡᠰᠦ ᠡᠬᠦᠰᠴᠡᠢ ( ᠵᠢᠷᠤᠭ ᠬᠤᠶᠠᠷ )᠃ ᠮᠦᠨ ᠳᠠᠯᠠᠢ ᠬᠠᠨ ᠤ ᠨᠢᠭᠡ ᠭᠡᠰᠡᠭ ( ᠤᠳᠤ ᠶᠢᠨ ᠲᠦᠷᠭᠡᠨ ᠰᠤᠮᠤ ) ᠬᠠᠪᠤᠷ ᠨᠠᠮᠤᠷ ᠲᠤ ᠪᠠᠰᠠ ᠵᠤᠷᠢᠭᠲᠤ ᠬᠠᠨ ᠤ ᠬᠤᠲᠤᠭ ᠤᠯᠠᠭᠠᠨᠭᠤᠮ ᠤᠨ ᠬᠠᠷᠡ ᠤᠰᠤ ᠬᠦᠷᠳᠡᠯᠡ ᠨᠡᠭᠦᠳᠡᠯᠯᠡᠨ ᠨᠤᠲᠤᠭᠯᠠᠳᠠᠭ ᠤᠨ ᠤᠴᠢᠷ ᠰᠠᠷᠠ ᠲᠠᠮᠠᠭᠠᠨ ᠳᠤ ᠪᠠᠰᠠ ᠨᠢᠭᠡᠨ ᠦᠷᠭᠡᠰᠦ ᠨᠡᠮᠡᠭᠳᠡᠵᠤ ᠬᠤᠶᠠᠷ ᠦᠷᠭᠡᠰᠦ ᠰᠠᠷᠠ ᠲᠠᠮᠠᠭᠡ ᠪᠤᠢ ᠪᠤᠯᠵᠡᠢ ( ᠵᠢᠷᠤᠭ ᠭᠤᠷᠪᠠ )᠃
ᠲᠤᠲᠤᠭᠤ ᠲᠠᠢ ᠰᠠᠷᠠ ᠲᠠᠮᠠᠭᠡ ᠭᠡᠷᠡᠭᠯᠡᠬᠦ ᠪᠤᠯᠤᠭᠰᠠᠨ ᠨᠢ ᠳᠠᠯᠠᠢ ᠬᠠᠨ ᠤ ᠪᠠᠷᠠᠭᠤᠨ ᠵᠢᠬᠦᠷ ( ᠤᠳᠤ ᠶᠢᠨ ᠪᠦᠭᠡᠮᠦ᠋ᠷᠡᠨ ᠰᠤᠮᠤ ᠵᠠᠷᠢᠮ ᠳᠤ ᠪᠡᠨ ᠮᠦᠭᠡᠮᠦ᠋ᠷᠡᠨ ᠭᠤᠤᠯ ᠢ ᠭᠡᠳᠦᠯᠦᠨ ᠳᠡᠭᠡᠷᠡ ᠦᠶᠡ ᠶᠢᠨ ᠤᠷᠢᠶᠠᠩᠬᠠᠢ ᠶᠢᠨ ᠨᠤᠲᠤᠭ ᠪᠤᠶᠤ ᠤᠳᠤ ᠶᠢᠨ ᠺᠠᠽᠠᠺ ᠶᠢᠨ ᠨᠤᠲᠤᠭ ᠨᠤᠭᠤᠭᠠᠨ ᠨᠠᠭᠤᠷ ᠂ ᠴᠠᠭᠠᠨ ᠨᠠᠭᠤᠷ ᠬᠦᠷᠳᠡᠯᠡ ᠨᠡᠭᠦᠳᠡᠯᠯᠡᠨ ᠨᠤᠲᠤᠭᠯᠠᠳᠠᠭ ᠪᠠᠶᠢᠭᠰᠠᠨ ᠪᠠ ᠳᠠᠯᠠᠢ ᠬᠠᠨ ᠤ ᠬᠤᠰᠢᠭᠤᠨ ᠤ ᠵᠡᠬᠦᠨ ᠵᠢᠬᠦᠷ ( ᠤᠳᠤ ᠶᠢᠨ ᠰᠠᠬᠢᠯ ᠰᠤᠮᠤ ᠶᠢᠨ ᠵᠠᠷᠢᠮ ᠭᠡᠰᠡᠭ ) ᠵᠡᠬᠦᠨ ᠲᠡᠶᠢᠰᠢ ᠵᠤᠷᠢᠭᠲᠤ ᠬᠠᠨ ᠤ ᠨᠤᠲᠤᠭ ᠬᠠᠨᠳᠠᠭᠠᠢ᠋ᠲᠤ ᠂ ᠲᠤᠷᠬᠤᠯ ᠤᠨ ᠭᠤᠤᠯ ᠭᠦᠷᠲᠡᠯᠡ ᠨᠡᠭᠦᠳᠡᠯᠯᠡᠨ ᠤᠷᠤᠳᠠᠭ ᠪᠠᠢᠭᠰᠠᠨ ᠡᠴᠡ ᠲᠤᠲᠤᠭᠤ ᠲᠠᠢ ᠰᠠᠷᠠ ᠲᠠᠮᠠᠭᠡ ᠡᠬᠦᠰᠦᠭᠰᠡᠨ ᠠᠵᠡᠢ ( ᠵᠢᠷᠤᠭ 4᠍᠍᠍᠍᠌᠍᠍᠍᠍᠍᠍᠍.5.5 )᠃
ᠵᠤᠷᠢᠭᠲᠤ ᠬᠠᠨ ᠤ ᠪᠤᠶᠤ ᠤᠩᠬᠢ ᠶᠢᠨ ᠬᠤᠰᠢᠭᠤᠨ ᠤ ᠲᠠᠮᠠᠭᠡ ᠨᠢ ᠯᠠᠲ᠋ᠢᠨ《 S 》ᠦᠰᠦᠭ ᠭᠡᠯᠪᠡᠷᠢᠲᠡᠢ ᠳᠡᠭᠷᠡ ᠭᠡᠮᠡᠬᠦ ᠲᠠᠮᠠᠭᠡ ᠶᠤᠮ ( ᠵᠢᠷᠤᠭ ᠠᠷᠪᠠᠨ ᠭᠤᠷᠪᠠ )᠃ ᠡᠨᠡ ᠲᠠᠮᠠᠭᠡ ᠶᠢ ᠭᠡᠷᠡᠭᠯᠡᠵᠦ ᠪᠠᠶᠢᠭᠰᠠᠨ ᠭᠠᠵᠠᠷ ᠨᠢ ᠳᠠᠪᠤᠰᠤᠳᠤ ᠂ ᠴᠢᠨᠳᠠᠮᠤᠨᠢ ᠨᠠᠷᠨᠨᠪᠤᠯᠠᠭ ᠂ ᠦᠯᠦᠭᠡᠢ ᠂ ᠡᠮᠦᠨᠡᠭᠤᠪᠢ ᠂ ᠬᠤᠪᠲᠤ ᠰᠤᠮᠤ ᠶᠢᠨ ᠳᠦᠷᠪᠡᠳ ᠤᠳ ᠪᠦᠭᠡᠳ ᠨᠤᠲᠤᠭ ᠤᠨ ᠬᠤᠪᠢ ᠳᠤ ᠭᠡᠪᠡᠯ ᠄ ᠤᠪᠰᠤ ᠨᠠᠭᠤᠷ ᠤᠨ ᠵᠡᠭᠦᠨ ᠬᠤᠢᠢᠲᠤ ᠭᠦᠪᠡᠭᠡ ᠡᠴᠡ ᠡᠬᠢᠯᠡᠭᠡᠳ ᠲᠤᠷᠬᠤᠯᠢᠭ ᠂ ᠬᠠᠨᠳᠠᠭᠠᠢᠢᠲᠤ ᠪᠡᠷ ᠲᠤᠭᠤᠷᠢᠨ ᠤᠪᠰᠤ ᠨᠠᠭᠤᠷ ᠤᠨ ᠪᠠᠷᠠᠭᠤᠨ ᠲᠠᠯᠡ ᠪᠡᠷ ᠤᠷᠢᠶᠠᠵᠤ ᠬᠦᠨᠳᠡᠯᠡᠨ ᠂ ᠤᠯᠠᠭᠠᠨᠭᠤᠮ ᠤᠷᠤᠭᠰᠢ ᠨᠢ ᠰᠢᠷᠠᠪᠦ᠋ᠷᠢᠲᠤ ᠂ ᠪᠤᠷᠭᠠᠰᠤᠳᠠᠢ ᠂ ᠬᠤᠯᠪᠤᠭᠡ ᠨᠠᠮᠢᠷᠢ ᠶᠢᠨ ᠨᠠᠭᠤᠷ ᠪᠠ ᠭᠤᠤᠯ᠂ ᠶᠤᠯᠤ ᠶᠢᠨ ᠠᠭᠤᠯᠠ ᠂ ᠱᠠᠭᠠᠵᠠᠭᠠᠢ ᠶᠢᠨ ᠨᠠᠭᠤᠷ ᠂ ᠰᠢᠪᠡᠷ ᠤᠨ ᠭᠤᠤᠯ ᠶᠢᠡᠷ ᠳᠠᠭᠠᠷᠢᠨ ᠬᠤᠪᠲᠤ ᠭᠤᠤᠯ ᠂ ᠤᠰᠤᠨ ᠬᠤᠭᠤᠯᠠᠢ ᠂ ᠠᠴᠢᠲᠤ ᠨᠠᠭᠤᠷ ᠤᠨ ᠬᠠᠷᠡ ᠡᠯᠡᠰᠦ ᠬᠦᠷᠲᠡᠯᠡᠬᠢ ᠨᠤᠳᠤᠭ ᠶᠤᠮ᠃ ᠭᠡᠷᠪᠡ ᠳᠡᠭᠡᠷᠡ ᠳᠤᠷᠠᠳᠤᠭᠰᠠᠨ ᠭᠠᠵᠠᠷ ᠤᠨ ᠨᠡᠷᠡ ᠶᠢᠨ ᠳᠡᠰ ᠳᠠᠷᠠᠭᠡ ᠪᠡᠷ ᠤᠪᠰᠤ ᠨᠠᠭᠤᠷ ᠤᠨ ᠵᠡᠬᠦᠨ ᠬᠤᠢᠢᠲᠤ ᠬᠦᠪᠡᠭᠡ ᠡᠴᠡ ᠠᠴᠢᠲᠤ ᠨᠠᠭᠤᠷ ᠬᠦᠷᠲᠡᠯᠡ ᠵᠢᠷᠤᠪᠠᠯ ᠯᠠᠲ᠋ᠢᠨ 《 S 》ᠦᠰᠦᠭ ᠭᠡᠯᠪᠡᠷᠢᠲᠡᠢ ᠳᠦᠷᠰᠦ ᠡᠬᠦᠰᠬᠦ ᠪᠦᠭᠡᠳ ᠡᠨᠡ ᠨᠤᠲᠤᠭ ᠤᠨ ᠭᠡᠯᠪᠡᠷᠢ ᠪᠡᠷ ᠳᠡᠭᠷᠡ ᠳᠠᠮᠠᠭᠡ ᠡᠬᠦᠰᠴᠡᠢ᠃
ᠠᠷᠪᠠᠨ ᠵᠢᠵᠢᠭ ᠪᠡᠢᠢᠯᠡ ᠂ ᠪᠠᠢᠢᠰᠠ ᠂ ᠸᠠᠩ ᠂ ᠬᠦᠩ ᠳᠤ ᠵᠠᠬᠢᠷᠤᠭᠳᠠᠵᠤ ᠪᠠᠶᠢᠭᠰᠠᠨ ᠠᠷᠪᠠᠨ ᠪᠠᠶᠠᠳ ᠤᠨ ᠬᠤᠰᠢᠭᠤ ᠤᠯᠠᠨ ᠲᠠᠮᠠᠭᠡ ᠲᠠᠢ ( ᠵᠢᠷᠤᠭ ᠠᠷᠪᠠᠨ ᠳᠦᠷᠪᠡ ) ᠪᠠᠢᠢᠵᠡᠢ ᠃ ᠡᠨᠡ ᠲᠠᠮᠠᠭᠡ ᠶᠢ ᠭᠡᠷᠡᠭᠯᠡᠵᠤ ᠪᠠᠶᠢᠭᠰᠠᠨ ᠨᠢ ᠤᠳᠤ ᠶᠢᠨ ᠮᠠᠯᠴᠢᠨ ᠂ ᠵᠡᠬᠦᠨᠭᠤᠪᠢ ᠂ ᠲᠡᠰ ᠰᠤᠮᠤ ᠨᠤᠭᠤᠳ ᠶᠤᠮ᠃ ᠹᠸᠤᠳᠠᠯ ᠤᠨ ᠨᠡᠶᠢᠭᠡᠮ ᠤᠨ ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠬᠤᠪᠢᠶᠠᠷᠢᠯᠠᠯᠳᠠ ᠶᠢᠨ ᠬᠤᠪᠢ ᠳᠤ ᠮᠠᠯᠴᠢᠨ ᠤ ᠠᠭᠤᠯᠠᠷᠬᠠᠭ ᠬᠡᠰᠡᠭ ᠲᠤ ᠤᠯᠠᠭᠠᠨ ᠵᠢᠨᠤᠮ ᠪᠡᠢᠢᠯᠡ ᠤᠨ ᠪᠠ ᠡᠷᠭᠡ ᠸᠠᠩ ᠤᠨ ᠬᠤᠰᠢᠭᠤ ᠂ ᠬᠢᠷᠭᠠᠰᠦ ᠶᠢᠨ ᠠᠭᠤᠯᠠᠷᠬᠠᠭ ᠭᠡᠰᠡᠭ ᠲᠤ ᠲᠠᠶᠢᠵᠢ ᠸᠠᠩ ᠤᠨ ᠪᠠ ᠰᠠᠷᠠᠭᠤᠯ ᠵᠠᠩᠵᠢ ᠶᠢᠨ ᠬᠦᠩ ᠤᠨ ᠬᠤᠰᠢᠭᠤ ᠂ ᠵᠡᠬᠦᠨᠭᠤᠪᠢ ᠶᠢᠨ ᠭᠤᠪᠢᠷᠬᠠᠭ ᠬᠡᠰᠡᠭ ᠲᠤ ᠲᠦᠰᠢᠶᠡ ᠬᠦᠩ᠂ ᠡᠷᠳᠡᠨᠢ ᠬᠦᠩ ᠷᠠᠰᠢ ᠬᠦᠩ ᠤᠨ ᠬᠤᠰᠢᠭᠤ ᠨᠤᠭᠤᠳ ᠂ ᠲᠡᠰ ᠤᠨ ᠭᠤᠪᠢᠷᠬᠠᠭ ᠬᠡᠰᠡᠭ ᠲᠤ ᠹᠠᠨᠳᠠᠢ ᠪᠡᠢᠢᠯᠡ᠂ ᠳᠠᠶᠡ ᠬᠦᠩ᠂ ᠵᠠᠩᠵᠢ ᠶᠢᠨ ᠬᠦᠩ ᠤᠨ ᠬᠤᠰᠢᠭᠤ ᠨᠤᠭᠤᠳ ᠪᠠᠢ᠋ᠵᠡᠢ᠃ ᠠᠷᠪᠠᠨ ᠪᠠᠶᠠᠳ ᠤᠨ ᠮᠠᠯᠴᠢᠨ ᠡᠴᠡ ᠬᠢᠷᠭᠠᠰᠦ ᠂ ᠬᠢᠷᠭᠠᠰᠦ ᠡᠴᠡ ᠵᠡᠬᠦᠨᠭᠤᠪᠢ ᠲᠡᠰ ᠂ ᠲᠡᠰ ᠡᠴᠡ ᠮᠠᠯᠴᠢᠨ ᠬᠦᠷᠲᠡᠯᠡ ᠨᠤᠲᠤᠭ ᠢ ᠬᠤᠭᠤᠷᠤᠨᠳᠤ ᠨᠢ ᠵᠢᠷᠤᠭᠠᠰᠦ ᠪᠡᠷ ᠬᠤᠯᠪᠤᠪᠠᠯ ᠲᠡᠭᠰᠢ ᠪᠤᠰᠤ ᠳᠦᠷᠪᠡᠯᠵᠢᠨ (ᠵᠢᠷᠤᠭ ᠠᠷᠪᠠᠨ ᠲᠠᠪᠤ ) ᠡᠬᠦᠰᠭᠡᠨᠡ᠃ ᠡᠨᠡ ᠨᠢ ᠪᠠᠷᠤᠭ ᠲᠡᠭᠰᠢ ᠳᠦᠷᠪᠡᠯᠵᠢᠨ ᠶᠤᠮ (ᠵᠢᠷᠤᠭ ᠠᠷᠪᠠᠨ ᠵᠢᠷᠭᠤᠭᠡ ) ᠭᠡᠷᠪᠡ ᠠᠷᠪᠠᠨ ᠪᠠᠶᠠᠳ ᠤᠨ ᠳᠦᠷᠪᠡᠨ ᠵᠢᠵᠢᠭ ᠬᠤᠰᠢᠭᠤ ᠨᠢ ᠮᠠᠯᠴᠢᠨ ᠂ ᠬᠢᠷᠭᠠᠰᠦ ᠶᠢᠨ ᠤᠢ ᠮᠤᠳᠤ ᠪᠦᠬᠦᠢ ᠠᠭᠤᠯᠠᠷᠬᠠᠭ ᠬᠠᠩᠭᠠᠢ ᠶᠢᠨ ᠪᠦᠰᠡᠨ ᠳᠤ ᠤᠷᠤᠰᠢᠳᠠᠭ ᠪᠤᠯ ᠂ ᠨᠦᠭᠦᠭᠡ ᠵᠢᠷᠭᠤᠭᠡ ᠨᠢ ᠵᠡᠬᠦᠨᠭᠤᠪᠢ ᠂ ᠲᠡᠰ ᠤᠨ ᠪᠦᠭᠦᠷᠭᠡ ᠲᠠᠯᠡ ᠬᠦᠳᠡᠭᠡ ᠂ ᠭᠤᠤᠯ ᠤᠨ ᠳᠠᠭᠠᠤ ᠨᠤᠲᠤᠭᠯᠠᠬᠤ ᠠᠵᠡᠢ᠃ ᠡᠶᠢᠮᠦ ᠳᠤ ᠠᠷᠪᠠᠨ ᠪᠠᠶᠠᠳ ᠨᠢ ᠨᠤᠲᠤᠭ ᠤᠨ ᠬᠤᠪᠢ ᠳᠤ ᠬᠠᠩᠭᠠᠢ ᠂ ᠭᠤᠪᠢ ᠭᠡᠵᠤ ᠬᠤᠶᠠᠷ ᠭᠡᠰᠡᠭ ᠲᠤ ᠬᠤᠪᠢᠶᠠᠭᠳᠠᠨᠡ᠃ ᠭᠡᠷᠪᠡ ᠠᠷᠪᠠᠨ ᠪᠠᠶᠠᠳ ᠤᠨ ᠳᠡᠭᠡᠷᠡᠬᠢ ᠳᠦᠷᠪᠡᠯᠵᠢᠨ ᠭᠡᠯᠪᠡᠷᠢ ᠲᠠᠢ ᠨᠤᠲᠤᠭ ᠤᠨ ᠬᠠᠩᠭᠠᠢ ᠭᠤᠪᠢ ᠶᠢᠨ ᠵᠠᠪᠰᠠᠷ ᠶᠢᠡᠷ ᠬᠤᠶᠠᠷ ᠬᠡᠰᠡᠭ ᠲᠤ ᠬᠤᠪᠢᠶᠠᠪᠠᠯ ᠤᠯᠤᠩ ᠤᠨ ᠭᠠᠷᠢᠬᠢ ᠲᠠᠢ ᠲᠦᠰᠦᠭᠡᠲᠡᠢ ᠳᠤᠮᠳᠠᠭᠤᠷ ᠶᠢᠡᠨ ᠵᠢᠷᠤᠭᠠᠰᠦ ᠪᠦᠭᠦᠢ ᠳᠦᠷᠪᠡᠯᠵᠢᠨ ᠡᠬᠦᠰᠤᠨᠡ ( ᠵᠢᠷᠤᠭ ᠠᠷᠪᠠᠨ ᠳᠦᠷᠪᠡ )᠃ ᠤᠯᠤᠩ ᠲᠠᠮᠠᠭᠡ ᠢᠩᠬᠢᠵᠦ ᠡᠬᠦᠰᠦᠭᠰᠡᠨ ᠪᠤᠯᠤᠯᠲᠠᠢ᠃ ᠳᠦᠷᠪᠡᠳ ᠂ ᠪᠠᠶᠠᠳ ᠤᠨ ᠭᠡᠷᠡᠭᠯᠡᠳᠡᠭ ᠦᠨᠳᠦᠰᠦᠨ ᠭᠤᠷᠪᠠᠨ ᠲᠠᠮᠠᠭᠡ ᠨᠢ ᠢᠩᠬᠢᠵᠦ ᠨᠤᠲᠤᠭᠰᠢᠯ ᠤᠨ ᠪᠠᠶᠢᠳᠠᠯ ᠲᠠᠢ ᠤᠶᠠᠯᠳᠤᠨ ᠡᠭᠦᠰᠴᠡᠢ᠃
ᠭᠡᠳᠦᠨ ᠲᠦᠮᠡᠨ ᠪᠤᠳᠠ ᠮᠠᠯ ᠢ ᠭᠤᠷᠪᠠᠬᠠᠨ ᠭᠡᠯᠪᠡᠷᠢ ᠶᠢᠨ ᠲᠠᠮᠠᠭᠡ ᠪᠡᠷ ᠲᠠᠮᠠᠭᠠᠯᠠᠭᠰᠠᠨ ᠶᠢᠡᠷ ᠦᠪᠡᠷ ᠬᠤᠭᠤᠷᠤᠨᠳᠤ ᠨᠢ ᠶᠠᠭᠠᠬᠢᠵᠤ ᠢᠯᠭᠠᠨ ᠲᠠᠨᠢᠬᠤ ᠪᠤᠢ ᠭᠡᠳᠡᠭ ᠠᠰᠠᠭᠤᠳᠠᠯ ᠭᠠᠷᠴᠤ ᠪᠠᠶᠢᠬᠤ ᠨᠢ ᠵᠠᠢ᠋ᠯᠠᠰᠢ ᠦᠭᠡᠢ ᠶᠤᠮ ᠃ ᠭᠡᠲᠡᠯᠡ ᠵᠦᠪᠭᠡᠨ ᠰᠠᠷᠠᠨ ᠲᠠᠮᠠᠭᠡ ᠠᠷᠪᠠᠨ ᠬᠤᠶᠠᠷ ᠶᠠᠩᠵᠤ ᠪᠠᠶᠢᠭᠰᠠᠨ ᠶᠤᠮ᠃ ᠪᠠᠰᠠ ᠳᠠᠪᠬᠤᠷ ᠰᠠᠷᠠᠨ ᠂ ᠳᠠᠪᠬᠤᠷ ᠳᠡᠭᠷᠡ ᠳᠠᠪᠬᠤᠷ ᠤᠯᠤᠩ ( ᠵᠢᠷᠤᠭ ᠠᠷᠪᠠᠨ ᠳᠤᠯᠤᠭᠡ ᠂ ᠵᠢᠷᠤᠭ ᠠᠷᠪᠠᠨ ᠨᠢ᠋ᠮᠠ ᠂ ᠵᠢᠷᠤᠭ ᠠᠷᠪᠠᠨ ᠶᠢᠰᠦ )᠂᠂᠂ ᠭᠡᠬᠦ ᠪᠤᠶᠤ ᠮᠠᠯ ᠤᠨ ᠪᠠᠷᠠᠭᠤᠨ ᠵᠡᠭᠦᠨ ᠬᠠ ᠂ ᠭᠤᠶᠡ ᠂ ᠲᠠᠰᠢᠶᠡ ᠶᠢᠨ ᠠᠯᠢᠨ ᠳᠤ ᠨᠢ ᠴᠤᠬᠤᠮ ᠬᠠᠮᠢᠭᠠᠰᠢ ᠨᠢ ᠬᠠᠷᠠᠭᠤᠯᠵᠤ ᠲᠠᠮᠠᠭᠠᠯᠠᠭᠰᠠᠨ ( ᠪᠤᠰᠤᠭᠡ ᠂ ᠬᠦᠨᠳᠡᠯᠡᠨ ᠂ ᠲᠠᠰᠢᠭᠤ ) ᠵᠡᠷᠭᠡ ᠪᠡᠷ ᠬᠤᠪᠢᠷᠭᠠᠨ ᠲᠤᠭᠠᠯᠠᠪᠠᠯ ᠮᠠᠰᠢ ᠤᠯᠠᠨ ᠶᠠᠩᠵᠤ ᠪᠡᠷ ᠲᠠᠮᠠᠭᠠᠯᠠᠵᠤ ᠪᠤᠯᠤᠨᠡ᠃ ᠮᠦᠨ ᠨᠢᠭᠡ ᠠᠶᠢᠯ ᠪᠦᠬᠦ ᠠᠳᠤᠭᠤᠨ ᠳᠤ ᠪᠡᠨ ᠨᠢᠴᠦᠬᠦᠨ ᠰᠠᠷᠠ ᠶᠢ ᠳᠤᠷᠤᠭᠰᠢ ᠨᠢ ᠬᠠᠷᠠᠭᠤᠯᠵᠤ ᠵᠦᠪ ᠲᠠᠰᠢᠶᠠᠨ ᠳᠡᠭᠡᠷᠡ ᠨᠢ ᠲᠠᠮᠠᠭᠠᠯᠠᠭᠰᠠᠨ ᠪᠠᠶᠢᠬᠤ ᠳᠤ ( ᠵᠢᠷᠤᠭ ᠬᠤᠷᠢ ) ᠨᠦᠭᠦᠭᠡ ᠠᠶᠢᠯ ᠪᠦᠬᠦ ᠠᠳᠤᠭᠤᠨ ᠳᠤ ᠪᠡᠨ ᠨᠢᠬᠡ ᠦᠷᠭᠡᠰᠦ ᠲᠠᠢ ᠰᠠᠷᠠ ᠶᠢ ᠪᠤᠷᠤᠭᠤ ᠲᠠᠰᠢᠶᠠᠨ ᠳᠡᠭᠡᠷᠡ ᠨᠢ ᠬᠠᠷᠠᠭᠤᠯᠵᠤ ᠲᠠᠮᠠᠭᠠᠯᠠᠬᠤ ( ᠵᠢᠷᠤᠭ ᠬᠤᠷᠢᠨ ᠨᠢᠭᠡ ) ᠵᠢᠱᠢᠶᠡ ᠪᠡᠷ ᠤᠯᠠᠨ ᠶᠠᠩᠵᠤ ᠬᠤᠪᠢᠷᠠᠨᠡ᠃ ᠤᠯᠤᠮ ᠲᠠᠮᠠᠭᠡ ᠴᠤ ᠭᠡᠰᠡᠨ ᠨᠡᠯᠢᠶᠡᠳ ᠤᠯᠠᠨ ᠶᠠᠩᠵᠤ ᠶᠤᠮ᠃ ᠵᠢᠱᠢᠶᠡ ᠨᠢ ᠤᠳᠤ ᠶᠢᠨ ᠮᠠᠯᠴᠢᠨ ᠭᠢᠷᠭᠠᠰᠦ ᠶᠢᠨ ᠦᠪᠦᠷ ᠲᠠᠯᠡ ᠶᠢᠨ ᠶᠠᠭᠡᠩᠬᠢ ᠨᠤᠲᠤᠭ ᠶᠢᠡᠷ ᠮᠤᠬᠤᠷ ᠤᠯᠤᠩ ( ᠵᠢᠷᠤᠭ ᠠᠷᠪᠠᠨ ᠳᠦᠷᠪᠡ ) ᠵᠠᠭᠠᠭᠲᠤ ᠤᠯᠤᠩ ( ᠵᠢᠷᠤᠭ ᠬᠤᠷᠢᠨ ᠬᠤᠶᠠᠷ ) ᠵᠡᠬᠦᠨᠭᠤᠪᠢ ᠂ ᠬᠢᠷᠭᠠᠰᠦ ᠶᠢᠨ ᠵᠠᠷᠢᠮ ᠬᠡᠰᠡᠭ ᠶᠢᠡᠷ ᠨᠢᠭᠡ ᠪᠤᠶᠤ ᠬᠤᠶᠠᠷ ᠦᠷᠭᠡᠰᠦᠲᠦ ᠤᠯᠤᠩ ( ᠵᠢᠷᠤᠭ ᠬᠤᠷᠢᠨ ᠭᠤᠷᠪᠠ ) ᠵᠡᠬᠦᠨᠭᠤᠪᠢ ᠶᠢᠨ ᠶᠡᠭᠡᠩᠬᠢ ᠨᠤᠲᠤᠭ ᠶᠢᠡᠷ ᠪᠤᠢᠯᠲᠠ ᠤᠯᠤᠩ ( ᠵᠢᠷᠤᠭ ᠬᠤᠷᠢᠨ ᠳᠦᠷᠪᠡ ) ᠲᠡᠰ ᠤᠨ ᠤᠷᠴᠢᠮ ᠨᠤᠲᠤᠭ ᠶᠢᠡᠷ ᠵᠢᠩᠰᠠᠲᠤ ᠤᠯᠤᠮ ( ᠵᠢᠷᠤᠭ ᠬᠤᠷᠢᠨ ᠲᠠᠪᠤ ) ᠲᠠᠮᠠᠭᠡ ᠨᠤᠭᠤᠳ ᠢ ᠭᠡᠷᠡᠭᠯᠡᠵᠦ ᠪᠠᠢ᠋ᠵᠡᠢ᠃ ᠡᠨᠡ ᠨᠢ ᠨᠢᠭᠡ ᠲᠠᠯᠡ ᠪᠡᠷ ᠦᠪᠡᠷ ᠬᠤᠭᠤᠷᠤᠨᠳᠤ ᠨᠢ ᠢᠯᠭᠠᠬᠤ ᠶᠢᠨ ᠲᠤᠯᠠᠳᠠ ᠨᠦᠬᠦᠭᠡ ᠲᠠᠯᠡ ᠪᠡᠷ ᠮᠦᠨ ᠳᠠᠯᠠᠢ ᠶᠢᠨ ᠬᠠᠨ ᠤ ᠰᠠᠷᠠ ᠲᠠᠮᠠᠭᠡ ᠨᠤᠭᠤᠳ ᠤᠨ ᠨᠢᠭᠡᠨ ᠠᠳᠠᠯᠢ ᠶᠠᠮᠠᠷ ᠨᠢᠭᠡ ᠤᠳᠬᠡ ᠠᠭᠤᠯᠭᠡ ᠲᠠᠢ ᠴᠤ ᠪᠠᠶᠢᠵᠤ ᠪᠤᠯᠬᠤ ᠶᠤᠮ᠃ ᠲᠠᠮᠠᠭᠡ ᠨᠤᠭᠤᠳ ᠡᠶᠢᠮᠦ ᠤᠯᠠᠨ ᠶᠠᠩᠵᠤ ᠪᠠᠶᠢᠳᠠᠭ ᠤᠨ ᠤᠴᠢᠷ ᠨᠤᠲᠤᠭ ᠤᠨ ᠬᠦᠮᠦᠰ ᠠᠯᠳᠠᠭᠤᠯ ᠮᠠᠯ ᠬᠠᠷᠠᠭᠠᠳ ᠲᠡᠳᠡᠨ ᠤ ᠮᠠᠯ ᠭᠡᠳᠡᠭ ᠢ ᠮᠠᠯ ᠤᠨ ᠵᠢᠰᠤ ᠭᠠᠯᠪᠢᠷ ᠶᠢᠡᠷ ᠨᠢ ᠲᠠᠨᠢᠬᠤ ᠦᠭᠡᠢ ᠪᠤᠯᠪᠠᠴᠤ ᠲᠡᠳᠡᠨ ᠤ ᠲᠠᠮᠠᠭᠡ ᠲᠠᠢ ᠶᠤᠮ ᠭᠡᠵᠤ ᠲᠠᠮᠠᠭᠠ ᠪᠡᠷ ᠨᠢ ᠲᠠᠨᠢᠳᠠᠭ ᠪᠠᠢᠨᠡ᠃
ᠳᠦᠷᠪᠡᠳ ᠂ ᠪᠠᠶᠠᠳ ᠮᠠᠯ ᠤᠨ ᠲᠠᠮᠠᠭᠠᠨ ᠤ ᠲᠠᠯᠡ ᠪᠡᠷ ᠨᠤᠲᠤᠭ ᠤᠨ ᠦᠨᠳᠦᠷ ᠨᠠᠰᠤᠳᠠᠢ ᠬᠦᠮᠦᠰ ᠡᠴᠡ ᠰᠤᠷᠪᠤᠯᠵᠢᠯᠠᠵᠤ ᠵᠠᠷᠢᠮ ᠳᠤ ᠨᠢ ᠰᠤᠳᠤᠯᠭᠡ ᠬᠢᠭᠰᠡᠨ ᠡᠴᠡ ᠲᠤᠪᠴᠢ ᠳᠤᠷᠠᠳᠬᠤ ᠳᠤ ᠡᠶᠢᠮᠦ ᠪᠠᠢ᠋ᠪᠠ᠃ ᠵᠢᠴᠢ ᠄ ᠳᠦᠷᠪᠡᠳ᠂ ᠪᠠᠶᠠᠳ ᠤᠨ ᠮᠠᠯ ᠤᠨ ᠳᠤᠲᠤᠷᠡ《 ᠴᠢᠨᠳᠠᠮᠤᠨᠢ ᠂ ᠳᠤᠷᠤᠮ᠂ ᠬᠠᠰ ᠴᠡᠴᠡᠭ ᠂ ᠰᠠᠷᠠᠨ ᠂ ᠨᠠᠷᠠᠨ᠂ ᠲᠠᠪᠤᠨ ᠬᠤᠰᠢᠭᠤ 》ᠵᠡᠷᠭᠡ ᠲᠠᠮᠠᠭᠡ ᠲᠠᠢ ᠮᠠᠯ ᠪᠠᠶᠢᠬᠤ ᠪᠤᠯᠪᠠᠴᠤ ᠡᠨᠡ ᠨᠢ ᠦᠨᠳᠦᠰᠦᠨ ᠲᠠᠮᠠᠭᠡ ᠪᠢᠰᠢ ᠪᠦᠭᠡᠳ ᠪᠤᠰᠤᠳ ᠬᠤᠰᠢᠭᠤ ᠨᠤᠲᠤᠭ ᠠᠶᠢᠮᠠᠭ ᠰᠤᠮᠤ ᠨᠤᠭᠤᠳ ᠡᠴᠡ ᠬᠤᠳᠠᠯᠳᠤᠵᠤ ᠠᠪᠤᠭᠰᠠᠨ ᠮᠠᠯ ᠳᠤ ᠪᠤᠶᠤ ᠵᠠᠷᠢᠮ ᠬᠦᠮᠦᠰ ᠵᠤᠷᠢᠭᠤᠳᠠ ᠰᠤᠨᠢᠷᠬᠠᠵᠤ ᠲᠠᠯᠪᠢᠭᠰᠠᠨ ᠵᠡᠷᠭᠡ ᠰᠢᠯᠳᠠᠭᠠᠨ ᠡᠴᠡ ᠳᠡᠭᠡᠷᠡᠬᠢ ᠲᠠᠮᠠᠭᠡ ᠨᠤᠭᠤᠳ ᠳᠠᠭᠠᠷᠠᠯᠳᠤᠨᠡ᠃
ᠳᠦᠷᠪᠡᠳ ᠂ ᠪᠠᠶᠠᠳ ᠮᠠᠯ ᠤᠨ ᠢᠮ ᠢ ᠭᠤᠤᠯᠳᠠᠭᠤ ᠪᠤᠭ ᠮᠠᠯ ᠳᠤ ᠭᠡᠷᠡᠭᠯᠡᠳᠡᠭ ᠪᠠᠶᠢᠭᠰᠠᠨ ᠲᠤᠬᠠᠢ ᠳᠡᠭᠡᠷᠡ ᠦᠭᠦᠯᠡᠭᠰᠡᠨ ᠪᠢᠯᠡ᠃ ᠲᠦᠷᠪᠡᠳ᠂ ᠪᠠᠶᠠᠳ ᠲᠤᠤᠷᠡ ᠳᠤᠷᠠᠳᠤᠭᠰᠠᠨ ᠢᠮ ᠤᠳ ᠶᠢᠡᠷ ᠮᠠᠯ ᠶᠢᠡᠨ ᠭᠤᠤᠯᠳᠠᠭᠤ ᠢᠮᠨᠡᠳᠡᠭ ᠪᠠᠢ᠋ᠵᠡᠢ᠃ ᠡᠬᠦᠨ ᠳᠤ ᠄ ᠴᠦᠭᠦᠷᠢᠭ ( ᠵᠢᠷᠤᠭ ᠬᠤᠷᠢᠨ ᠵᠢᠷᠭᠤᠭᠡ )᠂ ᠤᠨᠤᠭᠡ ( ᠵᠢᠷᠤᠭ ᠬᠤᠷᠢᠨ ᠳᠤᠯᠤᠭᠡ )᠂ ᠰᠤᠳᠤ ( ᠵᠢᠷᠤᠭ ᠬᠤᠷᠢᠨ ᠨᠢ᠋ᠮᠠ )᠂ ᠴᠤᠭᠤᠷᠬᠠᠢ ( ᠵᠢᠷᠤᠭ ᠬᠤᠷᠢᠨ ᠶᠢᠰᠦ )᠂ ᠭᠠᠨᠵᠤᠷᠭᠡ ( ᠵᠢᠷᠤᠭ ᠭᠤᠴᠢ )᠂ ᠰᠠᠮ ( ᠵᠢᠷᠤᠭ ᠭᠤᠴᠢᠨ ᠨᠢᠭᠡ )᠂ ᠰᠢᠷᠭᠤᠯᠵᠢ ( ᠵᠢᠷᠤᠭ ᠭᠤᠴᠢᠨ ᠬᠤᠶᠠᠷ ) ᠵᠢᠷᠦᠭᠡ ( ᠵᠢᠷᠤᠭ ᠬᠤᠴᠢᠨ ᠭᠤᠷᠪᠠ )᠂ ᠲᠠᠭᠠᠷᠢᠩᠬᠠᠢ ( ᠵᠢᠷᠤᠭ ᠭᠤᠴᠢᠨ ᠲᠦᠷᠪᠡ ) ᠡᠳᠡᠭᠡᠷ ᠦᠨᠳᠦᠰᠦᠨ ᠶᠢᠰᠦᠨ ᠢᠮ ᠪᠠᠢᠬᠤ ᠪᠦᠭᠡᠳ ᠡᠬᠦᠨ ᠢ ᠬᠤᠶᠠᠷ ᠲᠠᠯᠡ ᠶᠢᠨ ᠴᠢᠬᠢᠨ ᠳᠤ ᠬᠤᠪᠢᠷᠭᠠᠨ ᠭᠡᠷᠡᠭᠯᠡᠪᠡᠯ ᠨᠡᠯᠢᠶᠡᠳ ᠤᠯᠠᠨ ᠳᠦᠷᠰᠦ ᠶᠢᠨ ᠢᠮ ᠪᠤᠯᠤᠨᠡ᠃ ᠵᠢᠱᠢᠶᠡ ᠨᠢ ᠄ ᠵᠦᠪᠭᠡᠨ ᠴᠦᠭᠦᠷᠢᠭ ᠢᠮ ᠢ ᠪᠠᠷᠭᠠᠤᠨ ᠴᠢᠬᠢᠨ ᠳᠤ ᠳᠠᠩ ᠪᠠ ᠳᠠᠪᠬᠤᠷ ᠴᠦᠭᠦᠷᠢᠭ ᠭᠡᠳᠡᠭ ᠨᠡᠷᠡ ᠪᠡᠷ ᠤᠷᠢᠳᠦ ᠡᠴᠡ ᠨᠢ ᠪᠤᠶᠤ ᠬᠤᠢᠨᠡ ᠡᠴᠡ ᠨᠢ ᠢᠮᠨᠡᠬᠦ ᠳᠤ ᠵᠢᠷᠭᠤᠭᠠᠨ ᠶᠠᠩᠵᠤ ᠪᠡᠷ ᠢᠮᠨᠡᠵᠤ ᠪᠤᠯᠤᠨᠡ ( ᠵᠢᠷᠤᠭ ᠬᠤᠷᠢᠨ ᠵᠢᠷᠭᠤᠭᠡ ᠂ ᠭᠤᠴᠢᠨ ᠲᠠᠪᠤ ᠂ ᠭᠤᠴᠢᠨ ᠵᠢᠷᠭᠤᠭᠡ ᠂ ᠭᠤᠴᠢᠨ ᠳᠤᠯᠤᠭᠡ ᠂ ᠭᠤᠴᠢᠨ ᠨᠢ᠋ᠮᠠ ᠂ ᠭᠤᠴᠢᠨ ᠶᠢᠰᠦ ) ᠨᠦᠬᠦᠭᠡ ᠲᠠᠯᠡ ᠶᠢᠨ ᠵᠡᠬᠦᠨ ᠴᠢᠬᠢᠨ ᠳᠤ ᠮᠦᠨ ᠡᠨᠡ ᠮᠡᠲᠤ ᠪᠡᠷ ᠵᠢᠷᠭᠤᠭᠠᠨ ᠶᠠᠩᠵᠤ ᠂ ᠪᠦᠬᠦᠳᠡ ᠠᠷᠪᠠᠨ ᠬᠤᠶᠠᠷ ᠢᠮᠨᠡᠵᠤ ᠪᠤᠯᠤᠨᠡ᠃ ᠭᠡᠷᠪᠡ ᠨᠢᠭᠡ ᠬᠤᠨᠢᠨ ᠤ ᠪᠠᠷᠠᠭᠤᠨ ᠵᠡᠬᠦᠨ ᠬᠤᠶᠠᠷ ᠴᠢᠬᠢ ᠶᠢ ᠳᠡᠭᠡᠷᠡᠬᠢ ᠭᠡᠯᠪᠡᠷᠢ ᠨᠤᠭᠤᠳ ᠶᠢᠡᠷ ᠵᠦᠷᠢᠭᠦᠯᠵᠦ ᠢᠮᠨᠡᠪᠡᠯ ᠲᠤᠰ ᠪᠦᠷᠢ ᠠᠷᠪᠠᠨ ᠬᠤᠶᠠᠷ ᠶᠠᠩᠵᠤ ᠪᠤᠯᠬᠤ ᠪᠦᠭᠡᠳ ᠪᠦᠬᠦᠳᠡ 12*6 = 72 ᠪᠤᠯᠤᠨᠡ᠃ ᠡᠬᠦᠨ ᠤ ᠳᠡᠭᠡᠷᠡ ᠲᠦᠷᠦᠭᠦᠴᠢ ᠶᠢᠨ ᠴᠢᠬᠢ ᠲᠤᠰ ᠪᠦᠷᠢ ᠶᠢᠨ ᠵᠢᠷᠭᠤᠭᠠᠨ ᠶᠠᠩᠵᠤ ᠪᠦᠭᠦᠳᠡ ᠠᠷᠪᠠᠨ ᠬᠤᠶᠠᠷ ᠢ ᠨᠡᠮᠡᠪᠡᠯ ᠵᠦᠪᠭᠡᠨ ᠳᠠᠩ ᠳᠠᠪᠬᠤᠷ ᠴᠦᠬᠦᠷᠢᠭ ᠢᠮ ᠶᠢᠡᠷ ᠨᠠᠶᠠᠨ ᠳᠦᠷᠪᠡᠨ ᠬᠤᠨᠢ ᠶᠢ ᠬᠤᠭᠤᠷᠤᠨᠳᠤ ᠨᠢ ᠠᠳᠠᠯᠢ ᠪᠤᠰᠤ ᠪᠡᠷ ᠢᠮᠨᠡᠵᠤ ᠪᠤᠯᠤᠨᠡ᠃ ᠡᠬᠦᠨᠴᠢᠯᠡᠨ ᠲᠠᠩ ᠪᠠ ᠳᠠᠪᠬᠤᠷ ᠰᠤᠳᠤ ᠢᠮ ᠶᠢᠡᠷ ( ᠵᠢᠷᠤᠭ ᠬᠤᠷᠢᠨ ᠨᠢ᠋ᠮᠠ ᠂ ᠳᠦᠴᠢ ) ᠮᠦᠨ ᠨᠠᠶᠠᠨ ᠳᠦᠷᠪᠡᠨ ᠶᠠᠩᠵᠤ ᠂ ᠳᠠᠩ ᠳᠠᠪᠬᠤᠷ ᠴᠤᠭᠤᠷᠬᠠᠢ ᠪᠡᠷ ( ᠵᠢᠷᠤᠭ ᠬᠤᠷᠢᠨ ᠶᠢᠰᠦ ᠂ ᠵᠢᠷᠤᠭ ᠳᠦᠴᠢᠨ ᠨᠢᠭᠡ ) ᠨᠢ᠋᠋ᠮᠠᠨ ᠶᠠᠩᠵᠤ᠂ ᠳᠠᠩ ᠪᠠ ᠳᠠᠪᠬᠤᠷ ᠰᠢᠷᠭᠤᠯᠵᠢᠨ ᠢᠮ ᠶᠢᠡᠷ ᠨᠢ᠋ᠮᠠᠨ ᠶᠠᠩᠵᠤ ( ᠵᠢᠷᠤᠭ ᠭᠤᠴᠢᠨ ᠬᠤᠶᠠᠷ ᠂ ᠳᠦᠴᠢᠨ ᠬᠤᠶᠠᠷ )ᠤᠨᠤᠭᠡ᠂ ᠭᠠᠨᠵᠤᠭᠡ ᠂ ᠦᠨᠳᠦᠰᠦᠨ ᠶᠢᠰᠦᠨ ᠢᠮ ᠤᠨ ᠭᠡᠯᠪᠡᠷᠢ ᠪᠡᠷ ( 84 + 84 + 8 + 8 + 15 = ) 199 ᠬᠤᠨᠢ ᠶᠢ ᠬᠤᠭᠤᠷᠤᠨᠳᠤ ᠨᠢ ᠠᠳᠠᠯᠢ ᠪᠤᠰᠤ ᠪᠡᠷ ᠢᠮᠨᠡᠵᠤ ᠪᠤᠯᠤᠨᠡ᠃ ᠲᠡᠭᠡᠪᠡᠯ ᠳᠡᠭᠡᠷᠡ ᠳᠤᠷᠠᠳᠤᠭᠰᠠᠨ ᠶᠢᠰᠦᠨ ᠢᠮ ᠢ ᠬᠤᠭᠤᠷᠤᠨᠳᠤ ᠨᠢ ᠬᠤᠯᠢᠵᠤ ᠨᠢᠭᠡ ᠪᠤᠶᠤ ᠬᠤᠶᠠᠷ ᠴᠢᠬᠢᠨ ᠳᠤ ᠵᠢᠱᠢᠶᠡ ᠨᠢ ᠪᠠᠷᠠᠭᠤᠨ ᠴᠢᠬᠢ ᠨᠢ ᠠᠷᠤ ᠡᠴᠡ ᠪᠡᠨ ᠴᠦᠬᠦᠷᠢᠭ ᠂ ᠤᠷᠢᠳᠦ ᠡᠴᠡ ᠪᠡᠨ ᠰᠤᠳᠤ ᠢᠮ ᠲᠠᠢ ᠭᠡᠬᠦ ᠪᠤᠶᠤ ᠪᠠᠷᠠᠭᠤᠨ ᠴᠢᠬᠢ ᠨᠢ ᠤᠷᠢᠳᠦ ᠡᠴᠡ ᠪᠡᠨ ᠳᠠᠪᠬᠤᠷ ᠴᠦᠭᠦᠷᠢᠭ ᠂ ᠵᠡᠬᠦᠨ ᠴᠢᠬᠢ ᠨᠢ ᠬᠠᠨᠵᠤᠭᠡ ᠪᠦᠭᠡᠳ ᠬᠤᠢᠨᠡ ᠡᠴᠡ ᠪᠡᠨ ᠰᠤᠳᠤ ᠢᠮ ᠲᠠᠢ ᠬᠤᠨᠢ ᠭᠡᠬᠦ ᠮᠡᠲᠤ ᠪᠡᠷ ᠢᠮᠨᠡᠪᠡᠯ ᠭᠡᠴᠢᠨᠡᠬᠡᠨ ᠬᠤᠨᠢ ᠶᠢ ᠠᠳᠠᠯᠢ ᠪᠤᠰᠤ ᠪᠡᠷ ᠢᠮᠨᠡᠵᠦ ᠪᠤᠯᠬᠤ ᠶᠢ ᠪᠤᠳᠤᠵᠤ ᠭᠠᠷᠭᠠᠬᠤ ᠳᠤ ᠨᠡᠯᠢᠶᠡᠳ ᠬᠦᠳᠡᠯᠮᠦᠷᠢ ᠱᠠᠭᠠᠷᠳᠠᠭᠳᠠᠨᠠ᠃ ᠵᠦᠪᠭᠡᠨ ᠳᠡᠭᠡᠷᠡ ᠭᠠᠷᠤᠭᠰᠠᠨ 199 ᠶᠢ ᠦᠨᠳᠦᠰᠦᠨ ᠶᠢᠰᠦᠨ ᠢᠮ ᠶᠢᠡᠷ ᠦᠷᠡᠵᠢᠭᠦᠯᠪᠡᠯ 1791 ᠶᠠᠩᠵᠤ ᠪᠡᠷ ᠢᠮᠨᠡᠵᠤ ᠪᠤᠯᠬᠤ ᠪᠠᠢᠨᠡ᠃ ᠡᠬᠦᠨ ᠡᠴᠡ ᠦᠵᠡᠬᠦ ᠳᠤ ᠮᠠᠨ ᠤ ᠮᠠᠯᠴᠢᠳ ᠡᠴᠢᠭᠡ ᠡᠪᠦᠭᠡᠳ ᠮᠠᠯ ᠤᠨ ᠢᠮ ᠲᠠᠮᠠᠭᠡ ᠶᠢ ᠤᠴᠢᠷ ᠤᠳᠬᠡ ᠦᠭᠡᠢ ᠦᠢᠯᠡᠳᠦᠭᠰᠡᠨ ᠦᠭᠡᠢ᠂ ᠬᠠᠷᠢᠨ ᠠᠭᠤᠯᠭᠡ ᠲᠠᠢ ᠪᠦᠭᠡᠳ ᠲᠤᠭᠡ ( ᠭᠡᠯᠪᠡᠷᠢ ) ᠪᠡᠷ ᠴᠦᠭᠡᠨ ᠴᠤ ᠭᠡᠰᠡᠨ ᠤᠯᠠᠨ ᠶᠠᠩᠵᠤ ᠪᠡᠷ ᠬᠤᠪᠢᠷᠭᠠᠵᠤ ᠂ ᠤᠯᠠᠨ ᠲᠤᠭᠠᠨ ᠤ ᠮᠠᠯ ᠢᠮᠨᠡᠵᠤ ᠲᠠᠮᠠᠭᠠᠯᠠᠵᠤ ᠪᠤᠯᠬᠤ ᠪᠡᠷ ᠰᠡᠳᠬᠢᠨ ᠵᠤᠬᠢᠶᠠᠵᠤ ᠭᠡᠷᠡᠭᠯᠡᠵᠤ ᠪᠠᠶᠢᠭᠰᠠᠨ ᠨᠢ ᠢᠯᠡᠳᠳᠡ ᠪᠠᠢᠨᠡ᠃
ᠲᠠᠰᠢᠷᠠᠮ ᠳᠤ ᠦᠬᠦᠯᠡᠬᠦ ᠳᠤ ᠳᠦᠷᠪᠡᠳ᠂ ᠪᠠᠶᠠᠳ ᠤᠨ ᠳᠤᠲᠤᠷᠡ ᠦᠭᠡᠷᠡ ᠭᠡᠯᠪᠡᠷᠢ ᠳᠦᠷᠰᠦ ᠶᠢᠨ ᠢᠮ ᠲᠠᠮᠠᠭᠡ ᠪᠠᠰᠠ ᠪᠠᠶᠢᠵᠤ ᠪᠤᠯᠬᠤ ᠪᠦᠭᠡᠳ ᠳᠦᠷᠪᠡᠳ ᠂ ᠪᠠᠶᠠᠳ ᠭᠡᠷᠡᠭᠯᠡᠵᠤ ᠪᠠᠶᠢᠭᠰᠠᠨ ᠢᠮ ᠲᠠᠮᠠᠭᠡ ᠶᠠᠭ ᠲᠡᠷᠡ ᠨᠡᠷᠡ ᠪᠡᠷ ᠶᠢᠡᠨ ᠪᠤᠶᠤ ᠦᠭᠡᠷᠡ ᠨᠡᠷᠡ ᠲᠠᠢ ᠪᠡᠷ ᠮᠤᠩᠭᠤᠯ ᠤᠷᠤᠨ ᠤ ᠪᠤᠰᠤᠳ ᠨᠤᠲᠤᠭ ᠠᠶᠢᠮᠠᠭ ᠂ ᠶᠠᠰᠤᠳᠠᠨ ᠦᠨᠳᠦᠰᠦᠳᠡᠨ ᠤ ᠳᠤᠲᠤᠷᠡ ᠮᠦᠨ ᠳᠡᠭᠡᠷᠡ ᠦᠶᠡ ᠡᠴᠡ ᠭᠡᠷᠡᠭᠯᠡᠭᠳᠡᠵᠤ ᠢᠷᠡᠵᠡᠢ᠃ ᠬᠠᠷᠢᠨ ᠡᠬᠦᠰᠦᠯ ᠭᠠᠷᠤᠯ ᠤᠨ ᠬᠤᠪᠢ ᠳᠤ ᠬᠤᠯᠪᠤᠭᠡ ᠲᠠᠢ ᠤᠤ ᠦᠭᠡᠢ ᠤᠤ ᠶᠠᠭᠠᠬᠢᠭᠠᠳ ᠠᠯᠤᠰ ᠬᠤᠯᠠ ᠤᠷᠤᠰᠢᠭᠴᠢ ᠶᠠᠰᠤᠳᠠᠨ ᠦᠨᠳᠦᠰᠦᠳᠡᠨ ᠨᠤᠭᠦᠳ ᠵᠠᠷᠢᠮ ᠢᠮ ᠲᠠᠮᠠᠭᠡ ᠶᠢ ᠠᠳᠠᠯᠢᠬᠠᠨ ᠭᠡᠷᠡᠭᠯᠡᠬᠦ ᠪᠤᠯᠤᠭᠰᠠᠨ ᠶᠤᠮ ᠪᠤᠢ ᠭᠡᠳᠡᠭ ᠢ ᠬᠠᠷᠠᠬᠠᠨ ᠰᠤᠷᠪᠤᠯᠵᠢᠯᠠᠵᠤ ᠮᠡᠳᠡᠭᠡ ᠦᠭᠡᠢ ᠪᠠᠢᠨᠡ᠃ ᠳᠡᠭᠡᠷᠡ ᠦᠶᠡ ᠶᠢᠨ ᠨᠡᠭᠦᠳᠡᠯᠴᠢᠨ ᠮᠤᠩᠭᠤᠯ ᠤᠷᠤᠨ ᠳᠤ ᠨᠡᠭᠦᠳᠡᠯᠯᠡᠨ ᠬᠤᠯᠢᠯᠳᠤᠬᠤ ᠳᠠᠶᠢᠨ ᠳᠠᠵᠢᠨ ᠤ ᠦᠶᠡ ᠪᠡᠷ ᠠᠳᠤᠭᠤ ᠮᠠᠯ ᠤᠯᠵᠠᠯᠠᠬᠤ᠂ ᠬᠤᠳᠠᠯᠳᠤᠭᠡ ᠠᠷᠠᠯᠵᠢᠶᠡ ᠵᠡᠷᠭᠡ ᠶᠠᠩᠵᠤ ᠪᠦᠷᠢ ᠶᠢᠨ ᠵᠠᠮ ᠶᠢᠡᠷ ᠢᠮ ᠲᠠᠮᠠᠭᠡ ᠲᠠᠷᠬᠠᠭᠰᠠᠨ ᠪᠠᠶᠢᠵᠤ ᠪᠤᠯᠬᠤ ᠶᠤᠮ᠃
ᠮᠠᠯ ᠢ ᠢᠮᠨᠡᠵᠤ ᠲᠠᠮᠠᠭᠠᠯᠠᠬᠤ ᠶᠤᠰᠤ ᠵᠢᠷᠤᠮ ᠤᠨ ᠲᠠᠯᠡ ᠪᠡᠷ ᠲᠤᠪᠴᠢ ᠳᠤᠷᠠᠳᠪᠠᠯ ᠪᠤᠭ ᠮᠠᠯ ᠢ ᠢᠮᠨᠡᠬᠦ ᠳᠤ ᠪᠡᠨ ᠨᠢᠭᠡ ᠨᠠᠰᠤ ᠬᠦᠷᠦᠭᠡ ᠦᠭᠡᠢ ( ᠨᠢᠭᠡ ᠡᠴᠡ ᠬᠤᠶᠠᠷ ᠰᠠᠷᠡ ᠶᠢᠨ ᠨᠠᠰᠤᠳᠠᠢ ᠳᠤ ᠨᠢ ) ᠪᠠᠶᠢᠬᠤ ᠳᠤ ᠨᠢ ᠢᠮᠨᠡᠨᠡ᠃ ᠬᠠᠷᠢᠨ ᠪᠤᠭ ᠮᠠᠯ ᠢ ᠨᠢᠭᠡ ᠨᠠᠰᠤᠳᠠᠢ ᠳᠤ ᠨᠢ ( ᠳᠠᠭᠡ ᠂ ᠪᠢᠷᠠᠭᠤ ) ᠲᠠᠮᠠᠭᠠᠯᠠᠨᠡ᠃ ᠮᠠᠯ ᠲᠠᠮᠠᠭᠠᠯᠠᠬᠤ ᠲᠠᠮᠠᠭᠡ ᠶᠢ ᠬᠠᠳᠠᠭ ᠬᠢᠪ ᠶᠢᠡᠷ ᠤᠭᠤᠰᠤᠷᠯᠠᠨ ᠤᠷᠢᠶᠠᠵᠤ ᠨᠠᠨᠳᠢᠩᠨᠠᠨ ᠬᠠᠳᠠᠭᠠᠯᠠᠳᠠᠭ ᠠᠵᠡᠢ᠃ ᠲᠦᠯ ᠢ ᠢᠮᠨᠡᠵᠤ ᠠᠪᠤᠭᠰᠠᠨ ᠴᠢᠬᠢᠨ ᠤ ᠦᠭᠡᠳᠡᠰᠦ ᠶᠢ ᠤᠳᠠᠰᠤ ᠪᠡᠷ ᠬᠤᠯᠪᠤᠨ ᠬᠠᠲᠠᠭᠠᠭᠠᠳ ᠬᠤᠵᠢᠮ ᠨᠡᠭᠦᠬᠦ ᠦᠶᠡ ᠳᠤ ᠲᠤᠮᠤᠬᠠᠨ ᠳᠠᠪᠠᠭᠠᠨ ᠤ ᠤᠪᠤᠭᠡ ᠲᠠᠬᠢᠯᠭᠠᠨ ᠳᠤ ᠲᠠᠯᠪᠢᠬᠤ ᠪᠤᠶᠤ ᠦᠭᠬᠦ ᠵᠡᠷᠭᠡ ᠵᠠᠩᠰᠢᠯ ᠳᠠᠢ ᠪᠠᠢ᠋ᠵᠡᠢ᠃