ᠮᠤᠩᠭᠤᠯ ᠤᠨ ᠲᠠᠮᠠᠭᠡ ᠳᠠᠷᠤᠬᠤ ᠂ ᠲᠠᠮᠠᠭᠠᠯᠠᠬᠤ ᠶᠤᠰᠤᠨ ᠭᠤᠷᠪᠠᠨ ᠦᠢᠯᠡ ᠳᠤ ᠪᠤᠢ ᠪᠦᠯᠦᠭᠡ᠃
ᠨᠢᠭᠡ ᠳᠤ ᠄ ᠲᠦᠷᠦ ᠶᠢᠨ ᠲᠠᠮᠠᠭᠡ ᠂ ᠬᠤᠶᠠᠷ ᠲᠤ ᠄ ᠮᠠᠯ ᠤᠨ ᠲᠠᠮᠠᠭᠡ ᠂ ᠭᠤᠷᠪᠠ ᠳᠤ ᠄ ᠡᠳ᠋ ᠤᠨ ᠲᠠᠮᠠᠭᠡ ᠡᠳᠡᠭᠡᠷ ᠪᠤᠯᠠᠢ᠃ ᠲᠦᠷᠦ ᠶᠢᠨ ᠲᠠᠮᠠᠭᠡ ᠶᠢᠨ ᠶᠤᠰᠤᠨ ᠪᠦᠷ ᠡᠷᠳᠡᠨ ᠤ ᠤᠪᠤᠭ ᠠᠢᠢᠮᠠᠭ ᠤᠨ ᠠᠢᠢᠯᠰᠠᠬᠤ ᠦᠶᠡ ᠡᠴᠡ ᠡᠬᠦᠰᠦᠯᠳᠡᠢ ᠪᠦᠭᠡᠳ ᠨᠡᠢᠢᠲᠡ ᠶᠢᠨ ᠬᠢ ᠡᠴᠡ ᠤᠪᠤᠭ ᠲᠡᠭᠡᠭᠡᠳ ᠨᠢᠭᠡ ᠬᠦᠮᠦᠨ ᠳᠤ ( ᠡᠵᠡᠨ ᠬᠠᠭᠠᠨ ᠳᠤ ) ᠰᠢᠯᠵᠢᠬᠦ ᠤᠷᠲᠤ ᠵᠠᠮ ᠢ ᠲᠤᠭᠤᠯᠤᠭᠰᠠᠨ ᠲᠤᠬᠠᠢ ᠳᠤ 《ᠲᠠᠮᠠᠭᠡ 》ᠦᠬᠦᠯᠡᠯ ᠳᠤ ᠲᠤᠪᠴᠢᠬᠠᠨ ᠳᠤᠷᠠᠳᠤᠭᠰᠠᠨ ᠶᠤᠮ᠃ ᠲᠦᠷᠦ ᠶᠢᠨ ᠲᠠᠮᠠᠭᠠᠨ ᠤ ᠶᠤᠰᠤᠨ ᠨᠠᠷᠢᠨ ᠪᠤᠯᠪᠠᠰᠤᠷᠠᠭᠰᠠᠨ ᠶᠡᠭᠡ ᠦᠢᠯᠡ ᠲᠤᠯᠠ ᠵᠢᠴᠢ ᠳᠡᠯᠭᠡᠷᠡᠩᠭᠦᠢ ᠦᠬᠦᠯᠡᠬᠦ ᠱᠠᠭᠠᠷᠳᠠᠯᠭᠡ ᠲᠠᠢ ᠶᠤᠮ᠃ ᠬᠠᠷᠢᠨ ᠮᠠᠯ ᠤᠨ ᠲᠠᠮᠠᠭᠠ ᠤ ᠲᠤᠬᠠᠢ ᠳᠤ ᠭᠡᠪᠡᠯ ᠮᠤᠩᠭᠤᠯᠴᠤᠳ ᠤᠨ ᠠᠬᠤᠢ ᠳᠤ ᠨᠡᠪᠲᠡᠷᠡᠭᠰᠡᠨ ᠮᠠᠰᠢ ᠡᠷᠳᠡᠨ ᠤ ᠤᠯᠠᠮᠵᠢᠯᠠᠯᠲᠠᠢ ᠵᠠᠩ ᠦᠢᠯᠡ ᠶᠤᠮ᠃ ᠮᠠᠯᠴᠢᠨ ᠨᠡᠭᠦᠳᠡᠯᠴᠢᠨ ᠮᠤᠩᠭᠤᠯᠴᠤᠳ ᠤᠨ ᠰᠤᠶᠤᠯ ᠢᠷᠭᠡᠨᠰᠢᠯ ᠤᠨ ᠨᠢᠭᠡᠨ ᠤᠨᠴᠠᠭᠠᠢ ᠦᠵᠡᠭᠳᠡᠯ ᠨᠢ ᠮᠠᠯ ᠲᠠᠮᠠᠭᠠᠯᠠᠬᠤ ᠶᠤᠰᠤᠨ ᠪᠢᠯᠡ᠃ ᠮᠠᠯ ᠤᠨ ᠢᠮ ᠲᠠᠮᠠᠭᠡ ᠨᠢ ᠨᠡᠭᠦᠳᠡᠯᠴᠢᠨ ᠤ ᠦᠭᠡᠷᠡ ᠠᠢᠢᠮᠠᠭ ᠦᠨᠳᠦᠰᠦᠳᠡᠨ ᠳᠤ ᠮᠤᠩᠭᠤᠯ ᠤᠨ ᠬᠢ ᠰᠢᠭ ᠨᠠᠷᠢᠰᠴᠤ ᠬᠦᠨᠵᠡᠭᠡᠢᠢᠷᠡᠭᠰᠡᠨ ᠨᠢ ᠦᠭᠡᠢ ᠭᠡᠬᠦ ᠳᠤ ᠪᠤᠯᠤᠨᠡ᠃
ᠮᠤᠩᠭᠤᠯᠴᠤᠳ ᠤᠨ ᠠᠭᠳᠠ ᠮᠤᠷᠢᠳ ᠶᠢᠡᠨ ᠲᠠᠮᠠᠭᠠᠯᠠᠬᠤ᠂ ᠪᠤᠭ ᠮᠠᠯ ᠶᠢᠡᠨ ᠢᠮᠨᠡᠵᠤ ᠲᠡᠮᠳᠡᠭᠯᠡᠬᠦ ᠪᠤᠯᠤᠭᠰᠠᠭᠠᠷ ᠤᠯᠠᠨ ᠵᠠᠭᠤᠨ ᠵᠢᠯ ᠢ ᠦᠳᠡᠵᠡᠢ᠃ ᠠᠭᠲᠠ ᠮᠤᠷᠢᠳ ᠤᠨ ᠲᠠᠮᠠᠭᠡ ᠨᠢ ᠪᠠᠷᠤᠭ ᠯᠡ ᠤᠪᠤᠭ ᠪᠦᠷᠢ ᠶᠢᠨ ᠲᠤᠭᠡ ᠪᠡᠷ ᠦᠭᠡᠷᠡ ᠦᠭᠡᠷᠡ ᠲᠦᠷᠰᠦ ᠭᠡᠯᠪᠡᠷᠢ ᠲᠠᠢ ᠪᠡᠷ ᠭᠡᠷᠡᠭᠯᠡᠭᠳᠡᠭᠰᠡᠭᠡᠷ ᠤᠨ ᠴᠠᠭ ᠤᠨ ᠤᠷᠲᠤ ᠳᠤ ᠤᠷᠬᠢᠭᠳᠠᠵᠤ ᠭᠡᠭᠡᠭᠳᠡᠭᠰᠡᠨ ᠦᠭᠡᠢ ᠪᠡᠷ ᠪᠠᠷᠠᠬᠤ ᠦᠭᠡᠢ ᠤᠯᠠᠮ ᠪᠠᠶᠠᠵᠢᠨ ᠤᠯᠠᠰᠢᠷᠠᠵᠤ ᠢᠷᠡᠵᠡᠢ᠃ ᠤᠳᠤ ᠪᠡᠷ ᠮᠤᠩᠭᠤᠯ ᠤᠨ ᠠᠬᠳᠠ ᠮᠤᠷᠢᠳ ᠤᠨ ᠲᠠᠮᠠᠭᠡ ᠬᠠᠭᠠᠰ ᠮᠢᠩᠭᠠ ᠪᠡᠷ ᠲᠤᠭᠠᠯᠠᠭᠳᠠᠬᠤ ᠤᠯᠠᠨ ᠳᠦᠷᠰᠦ ᠬᠤᠪᠢᠯᠪᠤᠷᠢ ᠲᠠᠢ ᠪᠤᠯᠤᠭᠠᠳ ᠪᠠᠢ᠋ᠨᠡ᠃ ᠬᠠᠷᠢᠨ ᠪᠤᠭ ᠮᠠᠯ ᠤᠨ ᠢᠮ ᠪᠤᠯ ᠲᠡᠬᠦᠨ ᠤ ᠪᠤᠯᠤᠮᠵᠢ ᠮᠠᠯ ᠤᠨ ᠵᠦᠪᠭᠡᠨ ᠴᠢᠬᠢᠨ ᠤ ᠭᠡᠮᠵᠢᠶᠡ ᠪᠡᠷ ᠬᠢᠵᠠᠭᠠᠷᠯᠠᠭᠳᠠᠬᠤ ᠤᠴᠢᠷ ᠴᠦᠭᠡᠨ ᠬᠤᠪᠢᠯᠪᠤᠷᠢ ᠲᠠᠢ ᠶᠤᠮ᠃ ᠠᠳᠤᠭᠤ ᠶᠢ ᠮᠤᠩᠭᠤᠯ ᠦᠨᠳᠦᠰᠦᠳᠡᠨ ᠰᠢᠭ ᠨᠠᠷᠢᠪᠴᠢᠯᠠᠨ ᠵᠢᠰᠦᠯᠡᠳᠡᠭ ᠦᠨᠳᠦᠰᠦᠳᠡᠨ ᠳᠡᠯᠡᠭᠡᠢ ᠳᠤ ᠪᠠᠶᠢᠳᠠᠭ ᠦᠭᠡᠢ᠃ ᠮᠤᠩᠭᠤᠯᠴᠤᠳ ᠠᠳᠤᠭᠤ ᠶᠢ ᠬᠤᠷᠢ ᠭᠠᠷᠤᠢ ᠦᠨᠳᠦᠰᠦᠨ᠂ ᠭᠤᠷᠪᠠᠨ ᠵᠠᠭᠤ ᠭᠠᠷᠤᠢ ᠡᠬᠦᠰᠦᠮᠡᠯ ᠵᠢᠰᠦ ᠪᠡᠷ ᠢᠯᠭᠠᠳᠠᠭ᠃ ᠲᠡᠭᠡᠪᠡᠯ ᠠᠳᠤᠭᠤᠨ ᠤ ᠮᠤᠩᠭᠤᠯ ᠲᠠᠮᠠᠭᠡ ᠲᠠᠪᠤᠨ ᠵᠠᠭᠤ ᠤᠷᠴᠢᠮ ᠬᠤᠪᠢᠯᠪᠤᠷᠢ ᠲᠠᠢ ᠪᠠᠢᠢᠭᠡ ᠨᠢ ᠵᠢᠰᠦᠯᠡᠭᠡᠳ ᠪᠠᠷᠠᠬᠤ ᠦᠭᠡᠢ ᠲᠡᠷᠡ ᠬᠢᠵᠠᠭᠠᠷ ᠢ ᠳᠠᠪᠠᠵᠤ ᠲᠠᠮᠠᠭᠠᠯᠠᠨ ᠲᠡᠮᠳᠡᠭᠯᠡᠬᠦ ᠡᠴᠡ ᠠᠷᠭᠡ ᠦᠭᠡᠢ ᠂ ᠶᠤᠰᠤᠳᠠᠢ ᠦᠨᠦ ᠠᠳᠤᠭᠤ ᠶᠢᠨ ᠶᠢᠡᠨ ᠪᠦᠷᠢᠨ ᠡᠰᠡᠬᠦ ᠶᠢ ᠪᠦᠬᠦᠯᠢ ᠪᠦᠲᠦᠨ ᠬᠦᠨᠳᠡᠢ ᠬᠤᠲᠤᠭᠤᠷ ᠲᠤ ᠭᠦᠭᠡᠭᠡᠨ ᠤᠷᠤᠭᠤᠯᠵᠤ ᠲᠡᠬᠦᠨ ᠶᠢ ᠳᠦᠭᠦᠷᠭᠡᠵᠤ ᠪᠠᠢᠢᠪᠠᠯ ᠲᠤᠭᠡ ᠲᠤᠯᠤᠭᠠᠢ ᠪᠦᠷᠢᠨ ᠠᠵᠡᠢ ᠭᠡᠵᠤ ᠢᠳᠡᠭᠡᠳᠡᠭ ᠭᠡᠮᠡᠭᠦ ᠶᠢᠨ ᠦᠯᠢᠭᠡᠷ ᠪᠤᠯᠬᠤ ᠪᠤᠯᠠᠢ᠃
ᠮᠠᠯ ᠲᠠᠮᠠᠭᠠᠯᠠᠬᠤ ᠨᠢ ᠮᠤᠩᠭᠤᠯ ᠤᠨ ᠮᠠᠯᠴᠢᠨ ᠤ ᠶᠤᠰᠤ ᠲᠦᠷᠦ ᠲᠠᠢ ᠪᠡᠯᠭᠡ ᠳᠡᠮᠪᠡᠷᠢᠯ ᠲᠠᠢ ᠦᠢᠯᠡᠰ ᠤᠨ ᠨᠢᠭᠡ ᠨᠢ ᠪᠤᠯᠤᠨᠡ᠃ ᠠᠭᠳᠠ ᠮᠤᠷᠢᠳ ᠢ ᠵᠢᠯ ᠪᠦᠷᠢ ᠶᠢᠨ ᠨᠠᠮᠤᠷ ᠤᠨ ᠳᠤᠮᠳᠠ ᠰᠠᠷᠡ ᠶᠢᠨ ᠠᠷᠪᠠᠨ ᠳᠤᠯᠤᠭᠠᠨ ᠤ ᠨᠠᠷᠠᠨ ᠦᠯᠵᠡᠢ ᠴᠤᠭᠲᠤ ᠡᠳᠦᠷ ᠭᠤᠤᠯᠴᠢᠯᠠᠨ ᠲᠠᠮᠠᠭᠠᠯᠠᠳᠠᠭ ᠪᠦᠭᠡᠳ ᠬᠠᠶᠠ ᠨᠠᠮᠤᠷ ᠤᠨ ᠠᠳᠠᠭ ᠰᠠᠷᠡ ᠶᠢᠨ ᠰᠢᠨᠡ ᠶᠢᠨ ᠭᠤᠷᠪᠠᠨ ᠳᠤ ᠠᠭᠳᠠ ᠪᠡᠨ ᠲᠠᠮᠠᠭᠠᠯᠠᠬᠤ ᠤᠳᠠᠭᠡ ᠴᠤ ᠪᠤᠢ ᠠᠵᠡᠢ᠃ ᠬᠠᠷᠢᠨ ᠪᠤᠰᠤᠳ ᠡᠴᠡ ᠬᠤᠳᠠᠯᠳᠤᠨ ᠠᠪᠤᠭᠰᠠᠨ ᠶᠤᠮ ᠤᠤ ᠪᠡᠯᠡᠭ ᠪᠤᠰᠤᠳ ᠵᠤᠷᠢᠯᠳᠠ ᠪᠡᠷ ᠰᠦᠷᠦᠭ ᠲᠤ ᠪᠡᠨ ᠨᠡᠢᠢᠯᠡᠭᠦᠯᠦᠭᠰᠡᠨ ᠤᠷᠢᠳᠤ ᠨᠢ ᠲᠠᠮᠠᠭᠡ ᠲᠠᠢ ᠠᠭᠳᠠ ᠮᠤᠷᠢᠳ ᠶᠢ ᠴᠠᠭ ᠬᠦᠯᠢᠶᠡᠬᠦ ᠦᠭᠡᠢ ᠪᠡᠷ ᠰᠢᠭᠤᠳ ᠲᠠᠮᠠᠭᠠᠯᠠᠴᠢᠬᠠᠳᠠᠭ ᠪᠠᠢ᠋ᠵᠠᠢ᠃ ᠨᠠᠮᠤᠷ ᠤᠨ ᠳᠤᠮᠳᠠ ᠰᠠᠷᠡ ᠳᠤ ᠤᠨᠠᠭᠡ ᠪᠤᠷᠤᠭᠤᠰᠢᠨ ᠲᠡᠪᠡᠭᠡᠷᠴᠤ ᠮᠤᠷᠢ ᠪᠤᠯᠬᠤ ᠰᠢᠨᠵᠢ ᠪᠡᠨ ᠭᠡᠳᠦᠢ ᠨᠢ ᠤᠯᠤᠭᠰᠠᠨ ᠦᠶᠡ ᠳᠤ ᠪᠠᠷᠠᠭᠤᠨ ᠲᠠᠰᠢᠶᠠᠨ ᠳᠤ ᠨᠢ ᠰᠦᠷᠦᠭ ᠤᠨ ᠡᠵᠡᠨ ᠤᠯᠠᠮᠵᠢᠯᠠᠯᠲᠤ ᠲᠠᠮᠠᠭᠡ ᠪᠡᠨ ᠲᠠᠷᠤᠨᠡ᠃ ᠬᠦᠭᠡ ᠠᠷᠭᠠᠯ ᠤᠨ ᠴᠤᠭᠰᠢᠭᠰᠠᠨ ᠭᠠᠯ ᠳᠤ ᠤᠯᠠᠢᠢᠯᠭᠠᠨ ᠪᠡᠯᠡᠳᠭᠡᠭᠰᠡᠨ ᠲᠠᠮᠠᠭᠡ ᠪᠡᠨ ᠳᠠᠭᠠᠯᠭᠠᠵᠤ ᠳᠠᠷᠤᠬᠤ᠂ ᠱᠦᠷᠭᠦᠭᠡᠨ ᠳᠠᠷᠤᠬᠤ ᠬᠤᠶᠠᠷ ᠤᠨ ᠠᠯᠢ ᠨᠢᠭᠡ ᠪᠡᠷ ᠨᠢ ᠨᠢᠭᠡ ᠪᠤᠯ ᠲᠠᠰᠢᠶᠠᠨ ᠳᠤ ᠨᠢ᠂ ᠨᠢᠭᠡ ᠪᠤᠯ ᠭᠡᠷ ᠭᠤᠶᠠᠨ ᠳᠤ ᠨᠢ ᠨᠢᠭᠡ ᠪᠤᠯ ᠱᠠᠭᠠᠨᠳᠤ ᠶᠢᠨ ᠪᠤᠯᠤᠤ ᠶᠢᠨ ᠦᠵᠦᠭᠦᠷ ᠲᠤᠰᠢᠶᠡ ᠳᠠᠷᠤᠨᠡ᠃ ᠬᠠᠷᠢᠨ ᠮᠠᠨᠵᠤ ᠶᠢᠨ ᠰᠦᠷᠦᠭ ᠲᠤ ᠲᠠᠲᠠᠪᠦᠷᠢᠯᠠᠭᠳᠠᠭᠰᠠᠨ ᠠᠭᠳᠠ ᠶᠢ ᠵᠡᠬᠦᠨ ᠭᠤᠶᠡ ᠳᠡᠭᠡᠷᠡ ᠨᠢ ᠲᠠᠮᠠᠭᠠᠯᠠᠳᠠᠭ ᠪᠠᠢ᠋ᠵᠡᠢ᠃
ᠲᠠᠮᠠᠭᠡ ᠶᠢ ᠲᠤᠯᠤᠭᠠᠢ ᠲᠠᠯᠡ ᠪᠡᠷ ᠨᠢ ᠭᠠᠵᠠᠷ ᠤᠷᠤᠭᠤ ᠴᠢᠭᠯᠡᠭᠦᠯᠦᠨ ᠲᠠᠯᠪᠢᠬᠤ ᠡᠰᠡᠪᠡᠯ ᠭᠠᠵᠠᠷ ᠳᠡᠭᠡᠷᠡ ᠲᠠᠯᠪᠢᠬᠤ ᠴᠡᠭᠡᠷ ᠲᠠᠢ ᠪᠠᠢ᠋ᠨᠡ᠃ ᠬᠠᠳᠠᠭ ᠶᠢᠡᠷ ᠪᠠᠷᠢᠭᠤᠯ ᠡᠴᠡ ᠨᠢ ᠰᠡᠨᠵᠢᠯᠡᠨ ᠬᠠᠨᠡ ᠶᠢᠨ ᠲᠤᠯᠤᠭᠠᠢ ᠳᠤ ᠡᠯᠬᠦᠬᠦ ᠳᠤ ᠪᠡᠨ ᠬᠤᠢᠢᠮᠤᠷ ᠤᠨ ᠭᠤᠤᠯ ᠠᠪᠳᠠᠷᠡ ᠶᠢᠨ ᠪᠠᠷᠠᠭᠤᠨ ᠲᠠᠯᠡ ᠶᠢᠨ ᠬᠦᠨᠳᠡᠢ ᠵᠠᠢ ᠶᠢᠨ ᠤᠷᠤᠭᠤ ᠤᠨᠵᠢᠭᠤᠯᠤᠨ ᠲᠤᠯᠤᠭᠠᠢ ᠶᠢ ᠳᠡᠭᠡᠷᠡ ᠬᠠᠷᠠᠭᠤᠯᠤᠨ ᠵᠠᠬᠦᠨᠡ᠃ ᠠᠳᠤᠭᠤ ᠶᠢ ᠲᠠᠮᠠᠭᠠᠯᠠᠬᠤ ᠳᠤ ᠨᠤᠲᠤᠭ ᠤᠨ ᠨᠡᠷᠡ ᠬᠦᠨᠳᠦᠳᠡᠢ ᠮᠠᠯ ᠳᠤ ᠢᠪᠡᠭᠡᠯᠳᠡᠢ ᠬᠦᠮᠦᠨ ᠶᠢᠡᠷ ᠬᠦᠢᠴᠡᠳᠭᠡᠬᠦ ᠪᠦᠭᠡᠳ ᠭᠠᠷ ᠬᠦᠩᠭᠡᠨ ᠬᠦᠮᠦᠨ ᠪᠠᠶᠢᠬᠤ ᠶᠤᠰᠤᠳᠠᠢ᠃ ᠭᠡᠷᠪᠡ ᠭᠠᠷ ᠬᠦᠨᠲᠤ ᠪᠤᠯ ᠲᠠᠮᠠᠭᠡ ᠶᠢ ᠭᠡᠳᠦᠷᠭᠡᠢ ᠬᠦᠨᠵᠡᠬᠡᠢ ᠶᠤᠮ ᠤᠤ ᠡᠰᠡᠪᠡᠯ ᠬᠠᠯᠲᠤ ᠳᠠᠷᠤᠭᠰᠠᠨ ᠡᠴᠡ ᠠᠳᠤᠭᠤᠨ ᠤ ᠲᠠᠮᠠᠭᠡ ᠪᠠᠭᠠᠯᠠᠵᠤ ᠮᠤᠷᠢ ᠵᠤᠪᠠᠳᠠᠭ ᠭᠡᠳᠡᠭ᠃ ᠮᠠᠯ ᠶᠢᠡᠨ ᠶᠤᠰᠤ ᠲᠦᠷᠦ ᠲᠠᠢ ᠪᠡᠷ ᠲᠠᠮᠠᠭᠠᠯᠠᠵᠤ ᠳᠠᠭᠤᠰᠤᠭᠠᠳ ᠲᠠᠮᠠᠭᠡ ᠪᠡᠨ ᠬᠤᠪᠢᠩ ᠲᠠᠢ ᠠᠶᠢᠷᠠᠭ ᠲᠤ ᠡᠰᠡᠪᠡᠯ ᠰᠠᠭᠠᠮᠠᠯ ᠳᠤ ᠲᠦᠷᠦᠵᠦ ᠬᠦᠷᠦᠭᠡᠨᠡ᠃ ᠵᠠᠷᠢᠮ ᠭᠠᠵᠠᠷ ᠲᠤᠰᠬᠠᠢ ᠪᠡᠯᠡᠳᠭᠡᠭᠰᠡᠨ ᠰᠢᠷᠡᠭᠡ ᠴᠢᠯᠠᠭᠤᠨ ᠳᠡᠭᠡᠷᠡ ᠴᠤ ᠵᠠᠯᠠᠳᠠᠭ ᠃ ᠲᠠᠮᠠᠭᠠᠨ ᠤ ᠳᠡᠭᠡᠭᠦᠷ ᠨᠢ ᠠᠯᠬᠤᠬᠤ ᠂ ᠤᠰᠤᠨ ᠳᠤ ᠲᠦᠷᠦᠬᠦ ᠵᠡᠷᠭᠡ ᠡᠴᠡ ᠴᠡᠭᠡᠷᠯᠡᠳᠡᠭ᠃
ᠤᠨᠠᠭᠠ ᠪᠡᠨ ᠲᠠᠮᠠᠭᠠᠯᠠᠵᠤ ᠲᠠᠭᠤᠰᠬᠠᠭᠠᠳ ᠲᠠᠯᠪᠢᠯ ᠤᠨ ᠨᠠᠢ᠋ᠷ ᠬᠢᠬᠦ ᠪᠦᠭᠡᠳ ᠡᠬᠦᠨ ᠤ ᠡᠮᠤᠨᠡ ᠨᠢ ᠤᠨᠠᠭᠡ ᠪᠡᠨ ᠨᠢᠭᠡ ᠨᠢᠭᠡ ᠬᠦᠮᠦᠨ ᠪᠠᠷᠢᠵᠤ ᠵᠤᠭᠰᠤᠭᠠᠳ ᠠᠳᠤᠭᠤ ᠪᠡᠨ ᠭᠡᠭᠦᠦ ᠶᠢᠨ ᠵᠠᠯᠠᠨ ᠡᠴᠡ ᠬᠤᠯᠠᠳᠠᠭᠤᠯᠤᠨ ᠲᠠᠭᠤᠵᠤ ᠲᠤᠳᠤᠷᠬᠠᠢ ᠵᠠᠢ ᠳᠤ ᠠᠯᠤᠰᠯᠠᠭᠤᠯᠤᠭᠠᠳ ᠬᠤᠢᠢᠨᠡ ᠡᠴᠡ ᠨᠢ ᠤᠨᠠᠭᠡ ᠨᠤᠭᠤᠳ ᠶᠢᠡᠨ ᠨᠢᠭᠡᠨ ᠵᠡᠷᠭᠡ ᠲᠠᠯᠪᠢᠵᠤ ᠤᠤᠬᠠᠢᠯᠠᠨᠡ᠃ ᠬᠡᠨ ᠤ ᠪᠠᠷᠢᠭᠰᠠᠨ ᠤᠨᠠᠭᠡ ᠲᠦᠷᠦᠬᠦᠯᠡᠬᠦ ᠪᠤᠯ ᠭᠡᠵᠦ ᠶᠡᠭᠡᠳᠡ ᠪᠠᠶᠠᠰᠤᠨ ᠱᠤᠤᠬᠢᠯᠳᠤᠨᠡ᠃ ᠤᠨᠠᠭᠡ ᠨᠢ ᠲᠦᠷᠦᠭᠦᠯᠡᠭᠰᠡᠨ ᠬᠦᠮᠦᠨ ᠨᠠᠭᠠᠳᠤᠮ ᠳᠤ ᠮᠤᠷᠢ ᠨᠢ ᠲᠦᠷᠦᠭᠦᠯᠡᠭᠰᠡᠨ ᠲᠠᠢ ᠠᠳᠠᠯᠢ ᠪᠡᠯᠭᠡᠰᠢᠶᠡᠵᠦ ᠪᠠᠶᠠᠷᠯᠠᠨᠡ᠃ ᠲᠠᠮᠠᠭᠠᠯᠠᠬᠤ ᠶᠤᠰᠤᠨ ᠡᠶᠢᠮᠦ ᠪᠤᠶᠤ᠃