ᠠᠳᠤᠭᠤᠨ ᠰᠦᠷᠦᠭ ᠦᠨ ᠨᠥᠬᠥᠨ ᠦᠢᠯᠡᠳᠪᠦᠷᠢᠯᠡᠯ ᠢ ᠬᠠᠩᠭᠠᠬᠤ ᠦᠨᠳᠦᠰᠦᠨ ᠨᠥᠬᠥᠴᠡᠯ ᠪᠣᠯ ᠭᠡᠭᠦᠦ ᠨᠢᠭᠡ ᠪᠦᠷᠢ ᠶᠢ ᠪᠦᠷᠢᠨ ᠬᠡᠭᠡᠯ ᠠᠪᠬᠠᠭᠤᠯᠬᠤ ᠶᠠᠪᠤᠳᠠᠯ ᠶᠤᠮ᠃ ᠭᠡᠭᠦᠦ ᠪᠦᠷᠢ ᠶᠢ ᠬᠡᠭᠡᠯ ᠠᠪᠬᠠᠭᠤᠯᠬᠤ ᠨᠢ ᠠᠵᠢᠯ ᠤᠨ ᠪᠡᠯᠡᠳᠬᠡᠯ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠ᠂ ᠠᠵᠢᠷᠭᠠ ᠭᠡᠭᠦᠦ ᠶᠢᠨ ᠲᠠᠷᠭᠤ ᠬᠦᠴᠦ᠂ ᠡᠷᠡᠭᠦᠯ ᠮᠡᠨᠳᠦ ᠲᠣᠬᠢᠷᠠᠭᠠ ᠵᠡᠷᠭᠡ ᠡᠴᠡ ᠰᠢᠭᠤᠳ ᠰᠢᠯᠲᠠᠭᠠᠯᠠᠨᠠ᠃ ᠭᠡᠭᠦᠦ ᠬᠡᠭᠡᠯᠲᠦᠭᠦᠯᠭᠡ ᠶᠢᠨ ᠪᠡᠯᠡᠳᠬᠡᠯ ᠠᠵᠢᠯ ᠳᠤ ᠳᠣᠣᠷᠠᠬᠢ ᠠᠵᠢᠯ ᠢ ᠬᠢᠪᠡᠯ ᠵᠣᠬᠢᠨᠠ᠃
ᠡᠭᠦᠨ ᠳᠦ᠂
1᠃ ᠠᠵᠢᠷᠭᠠᠨ ᠦᠷᠢᠶᠡ ᠶᠢ ᠨᠠᠮᠤᠷ ᠣᠷᠣᠢ 10-11 ᠰᠠᠷᠠ ᠳᠤ᠂ ᠬᠠᠪᠤᠷ ᠡᠷᠲᠡ ᠵᠠᠰᠠᠬᠤ ᠦᠭᠡᠢ ᠪᠣᠯ᠂ ᠠᠵᠢᠷᠭᠠ ᠲᠠᠢ ᠠᠳᠤᠭᠤ ᠠᠴᠠ ᠭᠡᠭᠦᠦ ᠲᠠᠰᠤᠯᠵᠤ ᠰᠠᠷᠨᠢᠭᠤᠯᠬᠤ ᠦᠢᠮᠡᠭᠦᠯᠬᠦ ᠵᠡᠷᠭᠡ ᠪᠡᠷ ᠭᠡᠭᠦᠦ ᠶᠢ ᠰᠤᠪᠠᠢᠷᠠᠭᠤᠯᠬᠤ ᠳᠦ ᠬᠦᠷᠦᠨᠡ᠃
2᠃ ᠬᠠᠪᠤᠷ ᠡᠷᠲᠡ 4 ᠰᠠᠷᠠ ᠳᠤ ᠪᠠᠢᠢᠳᠠᠰᠤᠨ ᠭᠡᠭᠦᠦ ᠶᠢ ᠢᠯᠭᠠᠵᠤ ᠥᠭᠡᠷᠡ ᠪᠦᠳᠦᠭᠦᠨ ᠠᠵᠢᠷᠭᠠ ᠳᠤ ᠬᠤᠷᠢᠶᠠᠯᠭᠠᠨᠠ᠃ ᠠᠵᠢᠷᠭᠠ ᠥᠪᠡᠷ ᠦᠨ ᠢᠶᠡᠨ ᠲᠥᠯ ᠪᠠᠢᠢᠳᠠᠰᠤ ᠶᠢ ᠰᠦᠷᠦᠭ ᠡᠴᠡ ᠪᠡᠨ ᠬᠠᠰᠤᠵᠤ ᠡᠬᠢᠯᠡᠬᠦ ᠦᠶᠡ ᠳᠦ ᠢᠯᠭᠠᠨᠠ᠃
3᠃ ᠬᠡᠭᠡᠯᠲᠦᠭᠦᠯᠭᠡ ᠶᠠᠪᠤᠭᠤᠯᠬᠤ ᠪᠡᠯᠴᠢᠭᠡᠷ ᠤᠰᠤ ᠶᠢ ᠵᠥᠪ ᠰᠣᠩᠭᠣᠵᠤ ᠴᠢᠭᠢᠭ ᠰᠠᠢᠢᠳᠠᠢ ᠨᠣᠭᠣᠭᠠ ᠤᠷᠢᠲᠠᠵᠤ ᠭᠠᠷᠬᠤ ᠪᠡᠯᠴᠢᠭᠡᠷ ᠢ ᠰᠣᠩᠭᠣᠵᠤ ᠠᠳᠤᠭᠤ ᠪᠠᠨ ᠬᠠᠷᠢᠭᠤᠯᠤᠭᠰᠠᠨ ᠢᠶᠠᠷ ᠠᠳᠤᠭᠤ ᠡᠷᠲᠡ ᠲᠡᠪᠡᠭᠡᠷᠡᠵᠦ ᠭᠡᠭᠦᠦ ᠶᠢᠨ ᠣᠷᠣᠭᠠ ᠰᠠᠢᠢᠨ ᠣᠷᠣᠵᠤ ᠪᠦᠷᠢᠨ ᠬᠡᠭᠡᠯ ᠠᠪᠤᠨᠠ᠃
4᠃ ᠠᠳᠤᠭᠤᠨ ᠰᠦᠷᠦᠭ ᠲᠦ ᠵᠣ - ᠮᠠᠯ ᠡᠮᠨᠡᠯᠭᠡ ᠶᠢᠨ ᠦᠵᠡᠯᠭᠡ ᠶᠢ ᠵᠢᠯ ᠳᠦ 2 ᠤᠳᠠᠭᠠ ᠶᠠᠪᠤᠭᠤᠯᠤᠨᠠ᠃ 4 ᠰᠠᠷᠠ ᠶᠢᠨ 25 ᠡᠴᠡ 5 ᠰᠠᠷᠠ ᠶᠢᠨ 10 ᠦ ᠳᠣᠲᠣᠷᠠ ᠠᠳᠤᠭᠤᠨ ᠰᠦᠷᠦᠭ ᠦᠨ ᠲᠠᠷᠭᠤ ᠬᠦᠴᠦᠨ ᠦ ᠪᠠᠢᠢᠳᠠᠯ ᠡᠪᠡᠳᠴᠢᠨ ᠡᠮᠭᠡᠭ ᠢ ᠢᠯᠡᠷᠡᠭᠦᠯᠦᠨ ᠡᠪᠡᠳᠴᠢᠲᠡᠢ ᠠᠳᠤᠭᠤ ᠶᠢ ᠴᠢᠨᠠᠭᠰᠢᠳᠠ ᠡᠮᠴᠢᠯᠡᠬᠦ᠂ ᠠᠵᠢᠷᠭᠠ ᠭᠡᠭᠦᠦ ᠶᠢᠨ ᠲᠣᠬᠢᠷᠠᠭᠠ ᠵᠡᠷᠭᠡ ᠳᠦ ᠦᠵᠡᠯᠭᠡ ᠬᠢᠨᠡ᠃ ᠠᠵᠢᠷᠭᠠ ᠭᠡᠭᠦᠦ ᠶᠢᠨ ᠲᠣᠬᠢᠷᠠᠭᠠ ᠶᠢ ᠨᠠᠰᠤ ᠭᠦᠢᠴᠡᠭᠰᠡᠨ ᠪᠦᠳᠦᠭᠦᠨ ᠠᠵᠢᠷᠭᠠ ᠳᠤ 15 ᠭᠡᠭᠦᠦ᠂ ᠪᠠᠭᠠ ᠨᠠᠰᠤᠨ ᠤ ᠪᠤᠶᠤ ᠨᠠᠰᠤ ᠠᠬᠢᠭᠰᠠᠨ ᠠᠵᠢᠷᠭᠠ ᠳᠦ 10-12 ᠭᠡᠭᠦᠦ ᠲᠣᠬᠢᠷᠠᠭᠤᠯᠵᠤ ᠬᠤᠷᠢᠶᠠᠯᠭᠠᠨᠠ᠃
ᠠᠵᠢᠷᠭᠠ ᠰᠣᠯᠢᠬᠤ ᠳᠤ ᠮᠠᠰᠢ ᠠᠩᠬᠠᠷᠤᠯᠲᠠᠢ ᠬᠠᠨᠳᠤᠬᠤ ᠬᠡᠷᠡᠭᠲᠡᠢ᠃ ᠰᠣᠯᠢᠬᠤ ᠠᠵᠢᠷᠭᠠ ᠶᠢ ᠨᠠᠮᠤᠷ ᠤᠷᠤᠢᠢᠬᠠᠨ᠂ ᠡᠰᠡᠪᠡᠯ ᠬᠠᠪᠤᠷ ᠡᠷᠲᠡ ᠵᠠᠰᠠᠵᠤ ᠬᠥᠩᠭᠡᠯᠡᠭᠡᠳ ᠭᠡᠭᠦᠦ ᠶᠢ ᠨᠢ ᠤᠨᠠᠭᠠᠯᠠᠭᠠᠳ ᠳᠠᠭᠤᠰᠬᠤ ᠦᠶᠡ ᠳᠦ ᠰᠢᠨᠡ ᠠᠵᠢᠷᠭᠠ ᠳᠤ ᠬᠤᠷᠢᠶᠠᠯᠭᠠᠨᠠ᠃ ᠠᠵᠢᠷᠭᠠᠨ ᠦᠷᠢᠶᠡ ᠶᠢ ᠬᠥᠯ ᠤᠳᠠᠭᠠᠨ ᠲᠠᠢ ᠪᠦᠳᠦᠭᠦᠨ ᠭᠡᠭᠦᠦ ᠲᠡᠢ ᠡᠬᠢᠯᠡᠵᠦ ᠬᠤᠷᠢᠶᠠᠯᠭᠠᠪᠠᠯ ᠲᠣᠭᠲᠠᠪᠤᠷᠢᠲᠠᠢ ᠪᠣᠯᠣᠨᠠ᠃ ᠭᠡᠭᠦᠦ ᠬᠡᠭᠡᠯᠲᠦᠭᠦᠯᠭᠡ ᠶᠢᠨ ᠿᠤᠷᠨᠠᠯ ᠢ ᠪᠦᠷᠢᠨ ᠬᠥᠲᠥᠯᠬᠦ ᠬᠡᠷᠡᠭᠲᠡᠢ᠃ ᠬᠡᠭᠡᠯᠲᠦᠭᠦᠯᠭᠡ ᠶᠢᠨ ᠦᠶᠡ ᠳᠦ ᠠᠵᠢᠷᠭᠠ ᠶᠢ ᠤᠨᠤᠭᠠ ᠡᠳ᠋ᠯᠡᠭᠡ ᠡᠴᠡ ᠪᠦᠷᠢᠨ ᠴᠢᠯᠦᠭᠡᠯᠡᠨᠡ᠃
ᠰᠠᠢᠨ ᠲᠡᠵᠢᠭᠡᠯ ᠠᠷᠠᠴᠢᠯᠠᠭᠠ ᠮᠠᠯᠯᠠᠭᠠ ᠲᠠᠢ ᠨᠥᠬᠥᠴᠡᠯ ᠳᠦ ᠥᠰᠪᠦᠷᠢ ᠠᠳᠤᠭᠤ 1.5 ᠨᠠᠰᠤᠨ ᠳᠠᠭᠠᠨ ᠦᠷᠡ ᠲᠣᠭᠲᠠᠭᠠᠬᠤ ᠴᠢᠳᠠᠪᠤᠷᠢᠲᠠᠢ ᠪᠣᠯᠳᠠᠭ ᠪᠣᠯᠪᠠᠴᠤ ᠡᠨᠡ ᠦᠶᠡ ᠳᠦ ᠬᠡᠭᠡᠯᠲᠦᠭᠦᠯᠭᠡ ᠳᠦ ᠣᠷᠣᠭᠤᠯᠪᠠᠯ ᠠᠵᠢᠷᠭᠠ ᠭᠡᠭᠦᠦ ᠶᠢᠨ ᠪᠡᠶᠡ ᠮᠠᠬᠠᠪᠤᠳ ᠤᠨ ᠥᠰᠥᠯᠲᠡ ᠬᠥᠭᠵᠢᠯᠲᠡ᠂ ᠲᠥᠯ ᠦᠨ ᠴᠢᠨᠠᠷ ᠳᠤᠷᠤᠢᠢᠳᠠᠵᠦ ᠳᠠᠪᠵᠠᠷᠠᠳᠠᠭ᠃
ᠢᠢ᠌ᠮᠦ ᠡᠴᠡ ᠥᠰᠪᠦᠷᠢ ᠠᠳᠤᠭᠤ ᠶᠢ ᠨᠠᠰᠤ ᠪᠡᠶᠡ ᠭᠦᠢᠴᠡᠭᠰᠡᠨ ᠦᠶᠡ ᠳᠦ ᠪᠤᠶᠤ 3 ᠨᠠᠰᠤᠨ ᠠᠴᠠ ᠨᠢ ᠬᠡᠭᠡᠯᠲᠦᠭᠦᠯᠭᠡ ᠳᠦ ᠣᠷᠣᠭᠤᠯᠤᠨᠠ᠃ ᠭᠡᠭᠦᠦ 4-13 ᠨᠠᠰᠤᠲᠠᠢ ᠳ᠋ᠦ ᠪᠡᠨ ᠬᠡᠭᠡᠯ ᠠᠪᠤᠯᠲᠠ ᠪᠠᠷ ᠬᠠᠮᠤᠭ ᠤᠨ ᠰᠠᠢᠢᠨ ᠪᠠᠢᠢᠳᠠᠭ ᠃ ᠰᠠᠢᠨ ᠠᠷᠠᠴᠢᠯᠠᠭᠠ ᠮᠠᠯᠯᠠᠭᠠ ᠲᠡᠵᠢᠭᠡᠯᠯᠢᠭ ᠲᠡᠢ ᠪᠠᠢᠢᠭᠰᠠᠨ ᠠᠵᠢᠷᠭᠠ ᠭᠡᠭᠦᠦ ᠶᠢᠨ ᠣᠷᠣᠭᠠ ᠵᠢᠯ ᠦᠨ ᠠᠯᠢ ᠴᠤ ᠤᠯᠠᠷᠢᠯ ᠳᠤ ᠢᠯᠡᠷᠡᠬᠦ ᠪᠣᠯᠪᠠᠴᠤ ᠪᠡᠯᠴᠢᠭᠡᠷ ᠦᠨ ᠨᠥᠬᠥᠴᠡᠯ ᠳᠦ ᠪᠠᠢᠭᠠ ᠠᠳᠤᠭᠤᠨ ᠰᠦᠷᠦᠭ ᠦᠨ ᠣᠷᠣᠭᠠ 5-7 ᠰᠠᠷᠠ ᠳᠤ ᠡᠷᠴᠢᠮᠲᠡᠢ ᠢᠯᠡᠷᠡᠵᠦ ᠬᠡᠭᠡᠯ ᠠᠪᠤᠨᠠ᠃ ᠭᠡᠭᠦᠦ ᠤᠨᠠᠭᠠᠯᠠᠭᠰᠠᠨ ᠤ ᠳᠠᠷᠠᠭᠠ 7-10 ᠬᠣᠨᠣᠭ ᠳᠡᠭᠡᠷᠡ ᠪᠡᠨ ᠣᠷᠣᠭᠠ ᠨᠢ ᠢᠯᠡᠷᠡᠵᠦ ᠬᠡᠭᠡᠯ ᠠᠪᠬᠤ ᠪᠣᠯᠣᠮᠵᠢᠲᠠᠢ ᠪᠣᠯᠳᠠᠭ᠃ ᠡᠨᠡ ᠦᠶᠡ ᠳᠦ ᠬᠡᠭᠡᠯ ᠠᠪᠬᠠᠭᠤᠯᠵᠤ ᠴᠢᠳᠠᠬᠤ ᠦᠭᠡᠢ ᠥᠩᠭᠡᠷᠡᠪᠡᠯ ᠳᠠᠷᠠᠭᠠ ᠶᠢᠨ 21 ᠬᠣᠨᠣᠭ ᠲᠤ ᠳᠠᠬᠢᠨ ᠬᠡᠭᠡᠯᠲᠦᠭᠦᠯᠭᠡ ᠳᠦ ᠣᠷᠣᠭᠤᠯᠪᠠᠯ ᠵᠣᠬᠢᠨᠠ᠃ ᠭᠡᠭᠦᠦ ᠶᠢᠨ ᠣᠷᠣᠭᠠ 5-7 ᠬᠣᠨᠣᠭ ᠵᠠᠷᠢᠮ ᠳ᠋ᠦ ᠪᠡᠨ 15 ᠬᠣᠨᠣᠭ ᠦᠷᠭᠦᠯᠵᠢᠯᠡᠨᠡ᠃
ᠭᠡᠭᠦᠦ ᠶᠢᠨ ᠥᠨᠳᠡᠭᠡᠨ ᠡᠰ ᠣᠷᠣᠭᠠ ᠶᠢᠨ ᠲᠡᠭᠦᠰᠬᠡᠯ ᠡᠴᠡ 1-2 ᠬᠣᠨᠣᠭ ᠤᠨ ᠡᠮᠦᠨᠡ ᠭᠠᠳᠠᠭᠰᠢᠯᠠᠨᠠ᠃ ᠶᠡᠬᠡᠩᠬᠢ ᠭᠡᠭᠦᠦ ᠶᠢᠨ ᠬᠡᠭᠡᠯ ᠠᠪᠬᠤ ᠪᠣᠯᠣᠮᠵᠢᠲᠠᠢ ᠬᠤᠭᠤᠴᠠᠭᠠ ᠨᠢ ᠲᠦᠷᠦᠭᠦᠴᠢ ᠶᠢᠨ ᠣᠷᠣᠭᠠ ᠠᠴᠠ ᠬᠤᠢᠢᠰᠢ 16-22 ᠬᠣᠨᠣᠭ ᠶᠤᠮ᠃ ᠭᠡᠭᠦᠦ ᠶᠢ ᠬᠡᠭᠡᠯ ᠠᠪᠬᠠᠭᠤᠯᠬᠤ ᠳᠤ ᠭᠡᠭᠦᠦ ᠶᠢᠨ ᠣᠷᠣᠭᠠ ᠡᠬᠢᠯᠡᠭᠰᠡᠨ ᠡᠴᠡ ᠬᠤᠢᠢᠰᠢ 24-36 ᠴᠠᠭ ᠲᠤᠲᠤᠮ ᠳᠤ ᠠᠵᠢᠷᠭᠠ ᠭᠢᠰᠬᠢᠭᠦᠯᠵᠦ ᠪᠠᠢᠬᠤ ᠶᠠᠪᠤᠳᠠᠯ ᠮᠥᠨ᠃ ᠭᠡᠭᠦᠦ ᠶᠢᠨ ᠣᠷᠣᠭᠠ ᠢᠯᠡᠷᠡᠵᠦ ᠪᠠᠢᠢᠭᠠ ᠨᠢ ᠨᠡᠯᠢᠶᠡᠳ ᠲᠣᠳᠣᠷᠬᠠᠢ ᠰᠢᠨᠵᠢ ᠪᠡᠷ ᠢᠯᠡᠷᠡᠳᠡᠭ᠃ ᠭᠡᠭᠦᠦ ᠶᠢᠨ ᠣᠷᠣᠭᠠ ᠶᠢᠨ ᠦᠶᠡ ᠳᠦ ᠪᠡᠯᠭᠡ ᠡᠷᠬᠡᠲᠡᠨ ᠨᠢ ᠪᠠᠮᠪᠠᠢᠢᠵᠦ ᠤᠯᠠᠢᠢᠵᠦ ᠂ ᠲᠤᠩᠭᠠᠯᠠᠭ ᠰᠠᠯᠢᠰᠤ ᠭᠣᠭᠣᠵᠢᠵᠤ ᠂ ᠠᠵᠢᠷᠭᠠ ᠤᠢᠢᠷᠠᠳᠬᠤ ᠳᠤ ᠲᠣᠭᠲᠠᠪᠤᠷᠢᠲᠠᠢ ᠵᠣᠭᠰᠣᠨᠠ᠃ ᠠᠩᠬᠠ ᠬᠡᠭᠡᠯᠲᠦᠭᠦᠯᠭᠡ ᠳᠦ ᠣᠷᠣᠵᠤ ᠪᠠᠢᠭᠠ ᠪᠠᠢᠢᠳᠠᠰᠤ ᠠᠵᠢᠷᠭᠠ ᠠᠴᠠ ᠵᠢᠭᠤᠳᠠᠳᠠᠭ ᠶᠠᠪᠤᠳᠠᠯ ᠭᠠᠷᠤᠨᠠ᠃
ᠵᠤᠨ ᠤ ᠤᠯᠠᠷᠢᠯ ᠳᠦ ᠠᠳᠤᠭᠤᠴᠢᠨ ᠬᠦᠮᠦᠨ ᠭᠡᠭᠦᠦ ᠪᠠᠷᠢᠬᠤ ᠦᠶᠡ ᠪᠡᠷ ᠵᠡᠯᠡ ᠳᠡᠭᠡᠷᠡ ᠭᠡᠭᠦᠦ ᠰᠠᠷᠨᠢᠵᠤ ᠥᠭᠡᠷᠡ ᠠᠵᠢᠷᠭᠠ ᠭᠢᠰᠬᠢᠵᠦ ᠬᠡᠭᠡᠯ ᠴᠤᠴᠠᠷᠠᠬᠤ ᠶᠠᠪᠤᠳᠠᠯ ᠭᠠᠷᠳᠠᠭ ᠢ ᠠᠩᠬᠠᠷᠴᠤ᠂ ᠬᠡᠭᠡᠯ ᠠᠪᠤᠪᠠᠯ ᠵᠣᠬᠢᠬᠤ ᠭᠡᠭᠦᠦ ᠪᠡᠨ ᠪᠦᠷᠢᠨ ᠬᠡᠭᠡᠯ ᠠᠪᠴᠤ ᠪᠠᠢᠢᠭᠠ ᠡᠰᠡᠬᠦ ᠶᠢ ᠭᠡᠭᠦᠦ ᠬᠡᠭᠡᠯᠲᠦᠭᠦᠯᠭᠡ ᠶᠢᠨ ᠿᠤᠷᠨᠠᠯ ᠢᠶᠠᠷ ᠪᠠᠢᠢᠩᠭᠤ ᠶᠢᠨ ᠬᠢᠨᠠᠯᠲᠠ ᠲᠠᠯᠪᠢᠵᠤ ᠠᠵᠢᠯᠯᠠᠪᠠᠯ ᠵᠣᠬᠢᠨᠠ᠃ ᠬᠡᠭᠡᠯᠲᠦᠭᠦᠯᠭᠡ ᠶᠢᠨ ᠦᠶᠡ ᠳᠦ ᠠᠳᠤᠭᠤ ᠶᠢ ᠣᠯᠠᠨ ᠢᠶᠠᠷ ᠨᠢ ᠪᠥᠭᠡᠮᠨᠡᠭᠦᠯᠵᠦ ᠴᠤᠭᠯᠠᠭᠤᠯᠬᠤ᠂ ᠬᠣᠯᠠ ᠲᠠᠭᠤᠵᠤ᠂ ᠬᠥᠭᠡᠭᠡᠵᠦ ᠡᠯᠳᠡᠬᠦ ᠶᠢ ᠴᠡᠭᠡᠷᠯᠡᠳᠡᠭ᠃ ᠠᠵᠢᠷᠭᠠ ᠳᠦ ᠭᠠᠷᠤᠭᠰᠠᠨ ᠭᠡᠭᠦᠦ ᠭᠡᠳᠡᠰᠦ ᠲᠠᠯᠪᠢᠵᠤ ᠲᠠᠷᠭᠤᠯᠠᠬᠤ ᠶᠡᠷᠦ ᠪᠤᠰᠤ ᠶᠢᠨ ᠲᠠᠢᠪᠤᠩ ᠪᠣᠯᠬᠤ ᠰᠢᠨᠵᠢ ᠲᠡᠮᠳᠡᠭ ᠦᠵᠡᠭᠦᠯᠦᠨᠡ᠃