ᠠᠳᠤᠭᠤᠨ ᠰᠦᠷᠦᠭ ᠮᠠᠯᠯᠠᠭᠴᠢ ᠬᠦᠮᠦᠰ ᠲᠦ ᠬᠥᠳᠡᠯᠮᠦᠷᠢ ᠶᠢᠨ ᠠᠶᠦᠯ ᠦᠭᠡᠢ ᠪᠠᠢᠢᠳᠠᠯ ᠢᠶᠠᠷ ᠠᠵᠢᠯᠯᠠᠬᠤ ᠲᠠᠯᠠ ᠪᠠᠷ ᠠᠩᠬᠠᠷᠬᠤ ᠵᠦᠢᠯ ᠭᠡᠪᠡᠯ᠂ ᠠᠳᠤᠭᠤ ᠶᠢ ᠨᠣᠮᠣᠬᠠᠨ ᠪᠣᠯᠭᠠᠬᠤ ᠳᠤ ᠬᠠᠮᠤᠭ ᠤᠨ ᠲᠦᠷᠦᠭᠦᠨ ᠳᠦ ᠠᠩᠬᠠᠷᠪᠠᠯ ᠵᠣᠬᠢᠬᠤ ᠵᠦᠢᠯ ᠪᠣᠯ ᠬᠠᠪᠤᠷ ᠨᠣᠭᠣᠭᠠᠨ ᠳᠤ ᠠᠳᠤᠭᠤ ᠴᠠᠳᠤᠭᠰᠠᠨ ᠦᠶᠡ ᠳᠦ ᠳᠠᠭᠠ ᠶᠢ ᠰᠤᠷᠭᠠᠬᠤ ᠶᠠᠪᠤᠳᠠᠯ ᠶᠤᠮ᠃
ᠳᠠᠭᠠ ᠶᠢ ᠰᠤᠷᠭᠠᠬᠤ ᠳ᠋ᠦ ᠪᠡᠨ ᠂ ᠠᠯᠢ ᠪᠣᠯᠬᠤ ᠵᠥᠭᠡᠯᠡᠨ ᠬᠠᠨᠳᠤᠵᠤ ᠡᠮᠡᠭᠡᠯ ᠦᠭᠡᠢ ᠵᠠᠢᠢᠳᠠᠩ ᠳᠠᠷᠠᠭᠠ ᠨᠢ ᠲᠠᠭᠠᠷᠠᠭᠰᠠᠨ ᠡᠮᠡᠭᠡᠯ ᠲᠡᠢ ᠤᠨᠤᠵᠤ ᠰᠤᠷᠭᠠᠬᠤ ᠬᠡᠷᠡᠭᠲᠡᠢ᠃
ᠮᠠᠨ ᠤ ᠬᠠᠰᠢᠷ ᠠᠳᠤᠭᠤᠴᠢᠳ ᠤᠨ ᠰᠤᠷᠭᠠᠯ ᠢᠶᠠᠷ《 ᠰᠠᠢᠢᠨ ᠮᠣᠷᠢᠲᠠᠢ ᠪᠣᠯᠣᠶᠠ ᠭᠡᠪᠡᠯ ᠳᠠᠭᠠ ᠳᠤ ᠨᠢ ᠳᠠᠪᠲᠠ᠂ ᠰᠢᠳᠦᠯᠡᠩ ᠳᠦ ᠨᠢ ᠰᠢᠲᠦ》ᠭᠡᠳᠡᠭ ᠦᠭᠡ ᠶᠢ ᠠᠳᠤᠭᠤᠴᠢᠨ ᠬᠡᠨ ᠪᠣᠯᠪᠠᠴᠤ ᠰᠠᠨᠠᠵᠤ ᠠᠵᠢᠯᠯᠠᠬᠤ ᠨᠢ ᠵᠦᠢᠲᠡᠢ᠃
ᠠᠳᠤᠭᠤᠴᠢᠨ ᠬᠦᠮᠦᠨ ᠦ ᠤᠷᠭᠠ ᠤᠷᠲᠤ᠂ ᠬᠤᠢᠢᠪᠢ ᠴᠡᠭᠡᠯ᠂ ᠪᠥᠬᠡ᠂ ᠨᠣᠭᠲᠣ ᠴᠢᠳᠦᠷ᠂ ᠪᠣᠭᠣᠴᠠᠭᠠ ᠪᠠᠲᠦ ᠪᠡᠬᠢ ᠡᠮᠡᠭᠡᠯ ᠦᠨ ᠣᠯᠣᠩ ᠵᠢᠷᠢᠮ ᠭᠠᠨᠵᠤᠭᠠ᠂ ᠳᠥᠷᠥᠭᠡᠨ ᠰᠤᠷ ᠬᠠᠵᠠᠭᠠᠷ ᠤᠨ ᠵᠢᠯᠣᠭᠣ ᠵᠡᠷᠭᠡ ᠨᠢ ᠮᠠᠰᠢ ᠪᠠᠲᠦ ᠪᠡᠬᠢ ᠰᠠᠢᠢᠨ ᠪᠠᠢᠢᠬᠤ ᠨᠢ ᠠᠳᠤᠭᠤᠴᠢᠨ ᠬᠦᠮᠦᠨ ᠦ ᠠᠶᠤᠯ ᠦᠭᠡᠢ ᠪᠠᠢᠢᠳᠠᠯ ᠢ ᠬᠠᠩᠭᠠᠳᠠᠭ ᠶᠤᠮ᠃
ᠠᠳᠤᠭᠤᠴᠢᠨ ᠬᠡᠨ ᠪᠣᠯᠪᠠᠴᠤ ᠮᠣᠷᠢ ᠤᠷᠭᠠᠯᠠᠬᠤ ᠳᠤ ᠪᠠᠨ ᠤᠷᠭᠠ ᠶᠢᠨ ᠰᠤᠷᠮᠠᠭ ᠮᠣᠷᠢ ᠪᠠᠷ ᠪᠠᠷᠲᠠᠭᠠ ᠦᠭᠡᠢ ᠭᠠᠵᠠᠷ ᠤᠷᠭᠠᠯᠠᠬᠤ᠂ ᠨᠣᠭᠲᠣᠯᠠᠬᠤ᠂ ᠴᠢᠳᠦᠷᠯᠡᠬᠦ᠂ ᠲᠤᠰᠢᠬᠤ ᠳᠤ ᠪᠠᠨ ᠰᠠᠮᠤᠷᠬᠤ ᠢᠰᠬᠦᠯᠬᠦ ᠡᠴᠡ ᠪᠣᠯᠭᠣᠮᠵᠢᠯᠠᠬᠤ ᠬᠡᠷᠡᠭᠲᠡᠢ᠃ ᠭᠣᠣᠯ ᠤᠰᠤ ᠪᠠᠷ ᠭᠠᠷᠬᠤ ᠳᠤ ᠪᠠᠨ ᠮᠣᠷᠢ ᠶᠢ ᠠᠮᠠᠭᠠᠢᠢᠪᠴᠢᠯᠠᠨ ᠣᠯᠣᠩ ᠢᠶᠠᠨ ᠴᠢᠩᠭᠠᠯᠠᠵᠤ ᠵᠠᠪᠠᠯ ᠭᠠᠷᠤᠮ ᠢᠶᠠᠷ ᠭᠠᠷᠴᠤ ᠪᠠᠢᠬᠤ ᠨᠢ ᠵᠦᠢᠲᠡᠢ᠃
ᠠᠳᠤᠭᠤᠴᠢᠳ ᠴᠠᠭ ᠠᠭᠠᠷ ᠤᠨ ᠤᠷᠢᠳᠴᠢᠯᠠᠭᠰᠠᠨ ᠮᠡᠳᠡᠭᠡ ᠳᠦ ᠲᠣᠭᠲᠠᠮᠠᠯ ᠰᠣᠨᠣᠰᠴᠤ ᠂ ᠡᠪᠦᠯ ᠦᠨ ᠣᠲᠣᠷ ᠲᠤ ᠶᠠᠪᠤᠬᠤ ᠳᠤ ᠪᠠᠨ ᠳᠤᠯᠠᠭᠠᠨ ᠬᠤᠪᠴᠠᠰᠤ ᠂ ᠴᠦᠢᠳᠡᠩ᠂ ᠴᠢᠨᠠᠷᠲᠠᠢ ᠬᠦᠨᠡᠰᠦ᠂ ᠬᠣᠭᠣᠯᠠᠨ ᠤ ᠪᠡᠯᠡᠳᠬᠡᠯ ᠲᠡᠢ ᠶᠠᠪᠤᠪᠠᠯ ᠵᠣᠬᠢᠨᠠ᠃ ᠬᠥᠳᠡᠭᠡ ᠠᠵᠤ ᠠᠬᠤᠢ ᠶᠢᠨ ᠨᠢᠭᠡᠳᠦᠯ ᠪᠦᠷᠢ ᠠᠳᠤᠭᠤᠴᠢᠳ ᠲᠤ ᠬᠥᠳᠡᠯᠮᠦᠷᠢ ᠬᠠᠮᠠᠭᠠᠯᠠᠯ ᠤᠨ ᠳᠣᠣᠷᠠᠬᠢ ᠬᠤᠪᠴᠠᠰᠤ ᠶᠢ ᠦᠨᠡ ᠲᠥᠯᠥᠪᠦᠷᠢ ᠦᠭᠡᠢ ᠥᠭᠭᠦᠨᠡ᠃ ᠡᠭᠦᠨ ᠳᠦ ᠢᠰᠡᠭᠡᠢ ᠭᠤᠲᠤᠯ 24 ᠰᠠᠷᠠ ᠪᠠᠷ᠂ ᠠᠵᠢᠯ ᠤᠨ ᠭᠤᠲᠤᠯ 24 ᠰᠠᠷᠠ ᠪᠠᠷ᠂ ᠪᠷᠸᠽᠢᠨ᠋ᠲ ᠴᠤᠪᠠ 48 ᠰᠠᠷᠠ ᠪᠠᠷ ᠡᠪᠦᠯ ᠦᠨ ᠣᠲᠣᠷ ᠲᠤ ᠶᠠᠪᠤᠬᠤ ᠠᠳᠤᠭᠤᠴᠢᠳ ᠲᠤ ᠳᠠᠬᠤ ᠳᠡᠭᠲᠡᠢ ᠶᠢ 36 ᠰᠠᠷᠠ ᠪᠠᠷ᠂ ᠭᠡᠭᠦᠦ ᠶᠢᠨ ᠰᠠᠭᠠᠯᠢᠴᠢᠳ ᠲᠤ ᠳᠠᠪᠤᠤ ᠬᠠᠯᠠᠳ᠋ 2 ᠡᠭᠡᠯᠵᠢ ᠪᠡᠷ 12 ᠰᠠᠷᠠ ᠪᠠᠷ ᠡᠳ᠋ᠯᠡᠬᠦ ᠬᠤᠭᠤᠴᠠᠭᠠ ᠲᠠᠢ ᠣᠯᠭᠣᠨᠠ᠃
ᠠᠳᠤᠭᠤ ᠶᠢ ᠤᠷᠭᠠᠯᠠᠬᠤ ᠳᠤ ᠪᠠᠨ ᠤᠷᠭᠠ ᠶᠢᠨ ᠪᠢᠰᠢ ᠮᠣᠷᠢ ᠪᠠᠷ ᠤᠷᠭᠠᠯᠠᠭᠰᠠᠨ ᠢᠶᠠᠷ ᠂ ᠤᠨᠤᠭᠰᠠᠨ ᠮᠣᠷᠢ ᠨᠢ ᠪᠦᠳᠦᠷᠢᠵᠦ ᠤᠨᠠᠭᠰᠠᠨ ᠠᠴᠠ᠂ ᠠᠳᠤᠭᠤᠨ ᠤ ᠬᠢᠯᠭᠠᠰᠤ ᠬᠥᠭᠡᠪᠦᠷ ᠠᠪᠬᠤ ᠦᠶᠡ ᠳᠤ ᠪᠠᠨ ᠬᠠᠰᠢᠶᠠ ᠮᠤᠬᠤᠷ ᠡᠷᠭᠢ ᠳᠦ ᠠᠳᠤᠭᠤ ᠪᠠᠨ ᠬᠠᠰᠢᠵᠤ ᠵᠠᠢ ᠮᠠᠭᠤᠲᠠᠢ ᠭᠠᠵᠠᠷ ᠠᠳᠤᠭᠤ ᠪᠤᠭᠤᠢᠢᠯᠢᠳᠠᠵᠦ ᠲᠡᠷᠡ ᠨᠢ ᠬᠦᠮᠦᠨ ᠳᠠᠭᠠᠷᠢᠭᠰᠠᠨ ᠠᠴᠠ᠂ ᠪᠠᠷᠲᠠᠭᠠᠲᠠᠢ ᠭᠠᠵᠠᠷ ᠮᠣᠷᠢ ᠶᠠᠪᠤᠭᠠᠨ ᠤᠷᠭᠠᠯᠠᠬᠤ᠂ ᠰᠠᠭᠠᠯᠢᠴᠢᠳ ᠭᠡᠭᠦᠦ ᠳᠦ ᠢᠰᠬᠦᠯᠦᠭᠦᠯᠬᠦ ᠂ ᠠᠳᠤᠭᠤᠨ ᠤ ᠬᠦᠵᠦᠭᠦᠥ ᠪᠡᠷ ᠬᠤᠷᠤᠭᠤ ᠪᠠᠨ ᠰᠠᠯᠠᠭᠠᠪᠴᠢᠯᠠᠨ ᠬᠦᠵᠦᠭᠦᠳᠡᠬᠦ ᠂ ᠳᠥᠷᠥᠭᠡᠨ ᠦ ᠣᠭᠣᠰᠣᠷ ᠤᠷᠲᠤᠳᠠᠭᠰᠠᠨ ᠠᠴᠠ ᠭᠤᠲᠤᠯ ᠳᠥᠷᠥᠭᠡᠨ ᠳᠦ ᠣᠷᠣᠬᠤ ᠴᠤᠯᠪᠤᠭᠤᠷ ᠭᠠᠷ ᠣᠷᠢᠶᠠᠭᠰᠠᠨ ᠠᠴᠠ ᠮᠣᠷᠢ ᠵᠤᠯᠠᠷᠠᠬᠤ ᠳᠤ ᠴᠢᠷᠦᠭᠳᠡᠬᠦ ᠂ ᠮᠣᠷᠢᠨ ᠳᠤ ᠠᠴᠢᠶᠠ ᠭᠠᠨᠵᠤᠭᠠᠯᠠᠭᠠ ᠶᠢ ᠪᠤᠷᠤᠭᠤ ᠠᠴᠢᠭᠰᠠᠨ ᠪᠤᠶᠤ ᠮᠠᠭᠤ ᠪᠡᠬᠢᠯᠡᠭᠰᠡᠨ ᠡᠴᠡ ᠮᠣᠷᠢ ᠦᠷᠭᠦᠵᠦ ᠬᠤᠯᠵᠢᠭᠠᠬᠤ᠂ ᠡᠮᠨᠡᠭ ᠢ ᠡᠪ ᠦᠭᠡᠢ ᠭᠠᠵᠠᠷ ᠡᠬᠢᠯᠡᠵᠦ ᠮᠣᠷᠳᠠᠭᠰᠠᠨ ᠠᠴᠠ ᠨᠦᠬᠡ ᠵᠢᠯᠠᠭᠠ ᠳᠤ ᠤᠨᠠᠬᠤ ᠵᠡᠷᠭᠡ ᠣᠯᠠᠨ ᠰᠢᠯᠲᠠᠭᠠᠨ ᠢᠶᠠᠷ ᠦᠢᠯᠡᠳᠪᠦᠷᠢᠯᠡᠯ ᠠᠵᠢᠯ ᠠᠬᠤᠢ ᠶᠢᠨ ᠣᠰᠣᠯ ᠳᠤ ᠣᠷᠣᠵᠤ ᠪᠣᠯᠵᠣᠰᠢ ᠦᠭᠡᠢ ᠶᠢ ᠠᠳᠤᠭᠤᠴᠢᠳ ᠢᠮᠠᠭᠲᠠ ᠰᠠᠨᠠᠵᠤ ᠠᠵᠢᠯᠯᠠᠬᠤ ᠬᠡᠷᠡᠭᠲᠡᠢ᠃