ᠠᠳᠤᠭᠤᠨ ᠰᠦᠷᠦᠭ ᠦᠨ ᠳᠣᠲᠣᠷᠠ ᠶᠠᠪᠤᠭᠤᠯᠬᠤ ᠦᠷᠡᠵᠢᠯ ᠦᠨ ᠠᠵᠢᠯ ᠤᠨ ᠭᠣᠣᠯ ᠴᠢᠭᠯᠡᠯ ᠨᠢ ᠤᠨᠤᠯᠭᠠ ᠮᠢᠬᠠ ᠰᠦᠨ ᠦ ᠭᠠᠷᠴᠠ ᠴᠢᠨᠠᠷ ᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠳᠦ ᠵᠣᠷᠢᠭᠤᠯᠤᠭᠳᠠᠭᠰᠠᠨ ᠪᠠᠢᠢᠪᠠᠯ ᠵᠣᠬᠢᠨᠠ᠃ ᠠᠳᠤᠭᠤᠨ ᠰᠦᠷᠦᠭ ᠲᠦ ᠦᠷᠡᠵᠢᠯ ᠦᠨ ᠠᠵᠢᠯ ᠢ ᠶᠠᠪᠤᠭᠤᠯᠬᠤ ᠶᠢ ᠨᠢᠭᠡᠳᠦᠯ ᠦᠨ ᠠᠳᠤᠭᠤᠨ ᠰᠦᠷᠦᠭ ᠲᠡᠢ ᠬᠣᠯᠪᠣᠭᠳᠠᠭᠰᠠᠨ ᠰᠤᠳᠤᠯᠭᠠᠨ ᠳᠤ ᠳ᠋ᠦᠩᠨᠡᠯᠲᠡ ᠬᠢᠵᠦ ᠨᠢᠭᠡ ᠠᠳᠤᠭᠤᠨ ᠠᠴᠠ ᠠᠰᠢᠭᠯᠠᠭᠰᠠᠨ ᠠᠰᠢᠭ ᠰᠢᠮᠡ᠂ ᠬᠤᠷᠳᠤ᠂ ᠪᠡᠶᠡ ᠪᠢᠯᠳᠠᠷ᠂ ᠤᠳᠤᠮ ᠤᠭᠰᠠᠭᠠ ᠶᠢᠨ ᠪᠠᠢᠢᠳᠠᠯ ᠲᠠᠢ ᠨᠠᠷᠢᠨ ᠲᠠᠨᠢᠯᠴᠠᠵᠤ ᠦᠷᠡ ᠲᠥᠯ ᠢᠶᠡᠷ ᠨᠢ ᠰᠠᠢᠨ ᠠᠵᠢᠷᠭᠠ᠂ ᠭᠡᠭᠦᠦ ᠶᠢ ᠰᠢᠯᠢᠨ ᠰᠣᠩᠭᠣᠵᠤ ᠰᠠᠭᠤᠷᠢ ᠵᠣᠬᠢᠶᠠᠨ ᠪᠠᠢᠢᠭᠤᠯᠤᠨᠠ᠃ ᠵᠢᠯ ᠪᠦᠷᠢ ᠠᠳᠤᠭᠤᠨ ᠰᠦᠷᠦᠭ ᠲᠦ ᠰᠢᠯᠢᠯᠲᠡ ᠶᠢ ᠶᠠᠪᠤᠭᠤᠯᠵᠤ ᠠᠰᠢᠭ ᠰᠢᠮᠡᠲᠦ ᠴᠢᠨᠠᠷ ᠢᠶᠠᠷ ᠲᠣᠳᠣᠷᠠᠭᠰᠠᠨ ᠰᠠᠢᠢᠨ ᠴᠢᠨᠠᠷᠲᠠᠢ ᠭᠡᠭᠦᠦ᠂ ᠠᠵᠢᠷᠭᠠ ᠶᠢ ᠪᠤᠰᠤᠳ ᠰᠠᠭᠤᠷᠢ ᠠᠴᠠ ᠠᠪᠴᠤ ᠰᠢᠯᠢᠮᠡᠯ ᠰᠠᠭᠤᠷᠢ ᠳᠤ ᠨᠡᠢᠯᠡᠭᠦᠯᠵᠦ ᠰᠠᠭᠤᠷᠢᠯᠠᠨ ᠰᠢᠯᠢᠮᠡᠯ ᠰᠠᠭᠤᠷᠢ ᠶᠢᠨ ᠠᠳᠤᠭᠤᠨ ᠤ ᠲᠣᠭᠠ ᠶᠢ ᠵᠢᠯ ᠡᠴᠡ ᠵᠢᠯ ᠳᠦ ᠣᠯᠠᠰᠢᠷᠠᠭᠤᠯᠵᠤ᠂ ᠡᠨᠡ ᠰᠠᠭᠤᠷᠢ ᠨᠤᠭᠤᠳ ᠲᠤ ᠰᠢᠯᠢᠮᠡᠯ ᠠᠵᠢᠷᠭᠠᠨ ᠦᠷᠢᠶᠡ᠂ ᠪᠠᠢᠢᠳᠠᠰᠤ ᠪᠤᠢᠢᠵᠢᠭᠤᠯᠬᠤ ᠦᠷᠡᠵᠢᠯ ᠦᠨ ᠠᠵᠢᠯ ᠶᠠᠪᠤᠭᠤᠯᠪᠠᠯ ᠵᠣᠬᠢᠨᠠ᠃
ᠰᠢᠯᠢᠮᠡᠯ ᠰᠠᠭᠤᠷᠢ ᠳᠤ ᠲᠡᠷᠡ ᠰᠠᠭᠤᠷᠢ ᠶᠢᠨ ᠠᠰᠢᠭ ᠰᠢᠮᠡ ᠶᠢᠨ ᠴᠢᠭᠯᠡᠯ ᠦᠨ ᠳᠠᠭᠠᠤ ᠰᠢᠯᠢᠳᠡᠭ ᠠᠵᠢᠷᠭᠠ ᠶᠢ ᠲᠣᠬᠢᠷᠠᠭᠤᠯᠤᠨ ᠰᠣᠩᠭᠣᠭᠰᠠᠨ ᠠᠴᠠ ᠨᠡᠢᠢᠯᠡᠭᠦᠯᠭᠡ ᠶᠠᠪᠤᠭᠤᠯᠤᠨ᠂ ᠰᠢᠯᠢᠮᠡᠯ ᠰᠠᠭᠤᠷᠢ ᠶᠢᠨ ᠠᠳᠤᠭᠤ ᠪᠣᠯᠣᠨ ᠲᠡᠭᠦᠨ ᠡᠴᠡ ᠭᠠᠷᠴᠤ ᠪᠠᠢᠢᠭᠠ ᠦᠷᠡ ᠲᠥᠯ ᠦᠨ ᠠᠰᠢᠭ ᠰᠢᠮᠡ ᠶᠢᠨ ᠥᠭᠡᠷᠡᠴᠢᠯᠡᠯᠲᠡ ᠨᠡᠮᠡᠭᠳᠡᠵᠦ ᠪᠠᠢᠢᠭᠠ ᠪᠠᠢᠢᠳᠠᠯ ᠳᠤ ᠰᠤᠳᠤᠯᠭᠠ ᠬᠢᠵᠦ ᠳ᠋ᠦᠩᠨᠡᠯᠲᠡ ᠥᠭᠴᠦ ᠠᠵᠢᠯᠯᠠᠬᠤ ᠬᠡᠷᠡᠭᠲᠡᠢ᠃ ᠠᠳᠤᠭᠤᠨ ᠰᠦᠷᠦᠭ ᠲᠦ ᠦᠷᠡᠵᠢᠯ ᠦᠨ ᠠᠵᠢᠯ ᠶᠠᠪᠤᠭᠤᠯᠬᠤ ᠳᠤ ᠪᠠᠨ ᠲᠣᠳᠣᠷᠬᠠᠢ ᠲᠥᠯᠥᠪᠯᠡᠭᠡ ᠵᠣᠬᠢᠶᠠᠨ ᠠᠳᠤᠭᠤᠨ ᠰᠦᠷᠦᠭ ᠦᠨ ᠶᠠᠮᠠᠷ᠂ ᠬᠡᠰᠡᠭ ᠰᠠᠭᠤᠷᠢ ᠶᠢᠨ ᠠᠳᠤᠭᠤᠨ ᠳᠤ ᠶᠠᠮᠠᠷ ᠠᠵᠢᠷᠭᠠ ᠣᠨᠣᠭᠳᠠᠭᠤᠯᠬᠤ ᠦᠷᠡᠵᠢᠯ ᠦᠨ ᠪᠦᠷᠢᠳᠬᠡᠯ ᠭᠡᠷᠡᠴᠢᠯᠡᠭᠡ ᠲᠡᠢ ᠪᠣᠯᠭᠠᠵᠤ ᠰᠢᠯᠢᠮᠡᠯ ᠠᠵᠢᠷᠭᠠ ᠭᠡᠭᠦᠦ ᠪᠦᠷᠢ ᠳᠦ ᠤᠳᠤᠮ ᠤᠨ ᠪᠣᠯᠣᠨ ᠠᠰᠢᠭ ᠰᠢᠮᠡ ᠦᠷᠡ ᠲᠥᠯ ᠦᠨ ᠪᠠᠢᠢᠳᠠᠯ ᠢ ᠰᠤᠳᠤᠯᠤᠨ ᠪᠦᠷᠢᠳᠬᠡᠨᠡ᠃ ᠡᠴᠢᠭᠡ᠂ ᠡᠬᠡ ᠶᠢᠨ ᠠᠰᠢᠭ ᠰᠢᠮᠡᠲᠦ ᠰᠠᠢᠢᠨ ᠴᠢᠨᠠᠷ ᠢ ᠰᠢᠩᠭᠡᠭᠡᠭᠰᠡᠨ ᠦᠷᠡ ᠲᠥᠯ ᠢᠶᠡᠷ ᠨᠢ ᠠᠵᠢᠷᠭᠠ ᠲᠠᠯᠪᠢᠵᠤ ᠪᠤᠰᠤᠳ ᠰᠠᠭᠤᠷᠢ ᠳᠤ ᠠᠰᠢᠭᠯᠠᠬᠤ ᠵᠠᠮ ᠢᠶᠠᠷ ᠨᠡᠢᠲᠡ ᠰᠦᠷᠦᠭ ᠦᠨ ᠠᠰᠢᠭ ᠰᠢᠮᠡ ᠶᠢ ᠳᠡᠭᠡᠭᠰᠢᠯᠡᠭᠦᠯᠬᠦ ᠠᠵᠢᠯ ᠢ ᠵᠣᠬᠢᠶᠠᠨᠠ᠃ ᠠᠵᠢᠷᠭᠠ ᠭᠡᠭᠦᠦ ᠶᠢ ᠲᠣᠬᠢᠷᠠᠭᠤᠯᠤᠨ ᠨᠡᠢᠢᠯᠡᠬᠦᠯᠬᠦ ᠪᠡᠷ ᠰᠣᠩᠭᠣᠬᠤ ᠳᠦ ᠪᠡᠨ ᠰᠠᠢᠢᠨ ᠠᠵᠢᠷᠭᠠ ᠶᠢ ᠰᠠᠢᠢᠨ ᠭᠡᠭᠦᠦ ᠲᠡᠢ ᠨᠡᠢᠯᠡᠭᠦᠯᠵᠦ᠂ ᠤᠯᠠᠮ ᠥᠨᠳᠥᠷ ᠠᠰᠢᠭ ᠰᠢᠮᠡ ᠬᠤᠷᠳᠦ ᠲᠠᠢ ᠲᠥᠯ ᠪᠣᠢᠢᠵᠢᠭᠣᠯᠵᠦ ᠪᠣᠯᠣᠨᠠ᠃
ᠰᠠᠢᠨ ᠠᠵᠢᠷᠭᠠ ᠶᠢ ᠲᠡᠭᠦᠨ ᠡᠴᠡ ᠳᠣᠣᠭᠤᠷ ᠠᠩᠭᠢ ᠴᠢᠨᠠᠷ ᠤᠨ ᠭᠡᠭᠦᠦ ᠲᠡᠢ ᠨᠡᠢᠢᠯᠡᠬᠦᠯᠵᠦ᠂ ᠡᠬᠡ ᠶᠢᠨ ᠠᠰᠢᠭ ᠰᠢᠮᠡ ᠠᠩᠭᠢ ᠴᠢᠨᠠᠷ ᠠᠴᠠ ᠳᠡᠭᠡᠭᠦᠷ ᠴᠢᠨᠠᠷᠲᠠᠢ ᠲᠥᠯ ᠭᠠᠷᠭᠠᠬᠤ ᠵᠣᠷᠢᠯᠭᠠ ᠪᠠᠷ ᠨᠡᠢᠢᠯᠡᠬᠦᠯᠬᠡ ᠶᠠᠪᠤᠭᠤᠯᠤᠨᠠ᠃ ᠰᠢᠯᠢᠯᠲᠡ ᠶᠠᠪᠤᠭᠤᠯᠬᠤ ᠳᠦ ᠪᠡᠨ ᠳᠣᠣᠷᠠᠬᠢ ᠵᠦᠢᠯ ᠢ ᠪᠠᠷᠢᠮᠲᠠᠯᠠᠨᠠ᠃
2 ᠪᠠ 2.5 ᠨᠠᠰᠤᠨ ᠠᠴᠠ ᠨᠢ ᠠᠩᠬᠠ ᠡᠬᠢᠯᠡᠵᠦ ᠠᠳᠤᠭᠤᠨ ᠳᠤ ᠰᠢᠯᠢᠯᠲᠡ ᠶᠠᠪᠤᠭᠤᠯᠤᠨᠠ᠃ ᠡᠨᠡ ᠰᠢᠯᠢᠯᠲᠡ ᠶᠢ ᠶᠠᠪᠤᠭᠤᠯᠬᠤ ᠳᠦ ᠪᠡᠨ ᠭᠠᠯᠪᠢᠷ ᠤᠨ ᠨᠣᠴᠢᠲᠠᠢ ᠳᠤᠲᠠᠭᠳᠠᠯ ᠲᠠᠢ ᠠᠳᠤᠭᠤ ᠶᠢ ᠦᠷᠡᠵᠢᠯ ᠳᠦ ᠲᠡᠩᠴᠡᠬᠦ ᠦᠭᠡᠢ ᠳᠦ ᠲᠣᠭᠠᠴᠠᠨᠠ᠃ ᠡᠭᠦᠨ ᠳᠦ ᠬᠡᠲᠦᠷᠬᠡᠢ ᠬᠣᠲᠣᠭᠤᠷ ᠨᠢᠷᠤᠭᠤ ᠲᠠᠢ᠂ ᠬᠠᠪᠴᠢᠭᠠᠷ ᠴᠡᠭᠡᠵᠢ ᠲᠡᠢ ᠣᠯᠠᠨ ᠵᠢᠯ ᠰᠤᠪᠠᠢᠢᠷᠠᠭᠰᠠᠨ᠂ ᠰᠦᠨ ᠮᠠᠭᠤᠲᠠᠢ ᠦᠷᠡ ᠲᠥᠯ ᠦᠨ ᠴᠢᠨᠠᠷ ᠢᠶᠠᠷ ᠮᠠᠭᠤ ᠠᠳᠤᠭᠤ ᠶᠢ ᠦᠷᠡᠵᠢᠯ ᠦᠨ ᠬᠡᠰᠡᠭ ᠰᠠᠭᠤᠷᠢ ᠳᠤ ᠣᠷᠣᠭᠤᠯᠬᠤ ᠦᠭᠡᠢ᠃ ᠦᠷᠡᠵᠢᠯ ᠳᠦ ᠰᠣᠩᠭᠣᠨ ᠠᠪᠤᠭᠰᠠᠨ ᠠᠳᠤᠭᠤᠨ ᠳᠦ ᠴᠢᠨᠠᠭᠰᠢᠳᠠ ᠨᠠᠰᠤ ᠭᠦᠢᠴᠡᠲᠡᠯᠡ ᠨᠢ ᠪᠡᠶᠡ ᠶᠢᠨ ᠦᠨᠳᠦᠰᠦᠨ ᠬᠡᠮᠵᠢᠶᠡ᠂ ᠠᠰᠢᠭ ᠰᠢᠮᠡ ᠬᠤᠷᠳᠤ ᠶᠢᠨ ᠦᠵᠡᠭᠦᠯᠦᠯᠲᠡ ᠶᠢ ᠵᠢᠯ ᠪᠦᠷᠢ ᠠᠪᠤᠨᠠ᠃ ᠡᠭᠦᠨ ᠳᠦ ᠰᠡᠷᠪᠡᠭᠡᠨ ᠦ ᠥᠨᠳᠥᠷ᠂ ᠪᠡᠶᠡ ᠶᠢᠨ ᠲᠠᠰᠢᠭᠤ᠂ ᠤᠷᠲᠤ᠂ ᠴᠡᠭᠡᠵᠢ ᠪᠠ ᠰᠢᠯᠪᠢ ᠶᠢᠨ ᠪᠦᠰᠡᠯᠡᠭᠦᠷ᠂ ᠠᠮᠢᠳᠤ ᠶᠢᠨ ᠵᠢᠩ᠂ ᠬᠤᠷᠳᠤᠯᠠᠬᠤ ᠴᠢᠳᠠᠪᠤᠷᠢ ᠵᠡᠷᠭᠡ ᠪᠣᠯᠣᠨᠠ᠃
ᠡᠨᠡ ᠦᠵᠡᠭᠦᠯᠦᠯᠲᠡ ᠶᠢ ᠨᠠᠷᠢᠨ ᠠᠪᠤᠭᠰᠠᠨ ᠤ ᠦᠷᠡ ᠳ᠋ᠦᠩ ᠳᠦ ᠦᠷᠡ ᠲᠥᠯ ᠦᠨ ᠦᠵᠡᠭᠦᠯᠦᠯᠲᠡ ᠶᠢ ᠡᠬᠡ ᠡᠴᠢᠭᠡ ᠶᠢᠨ ᠲᠤᠬᠠᠢ ᠨᠠᠰᠤᠨ ᠤ ᠠᠰᠢᠭ ᠰᠢᠮᠡ᠂ ᠬᠤᠷᠳᠤᠯᠠᠬᠤ ᠴᠢᠳᠠᠪᠤᠷᠢ ᠲᠠᠢ ᠬᠠᠷᠢᠴᠠᠭᠤᠯᠵᠤ ᠤᠭ ᠰᠦᠷᠦᠭ ᠦᠨ ᠦᠷᠡ ᠲᠥᠯ ᠦᠨ ᠴᠢᠨᠠᠷ ᠤᠨ ᠳᠡᠭᠡᠭᠰᠢᠯᠡᠯᠲᠡ ᠳᠦ ᠳ᠋ᠦᠩ ᠥᠭᠭᠦᠨᠡ᠃ ᠦᠷᠡᠵᠢᠯ ᠳᠦ ᠠᠪᠴᠤ ᠪᠠᠢᠭᠠ ᠨᠠᠰᠤ ᠭᠦᠢᠴᠡᠭᠰᠡᠨ ᠠᠵᠢᠷᠭᠠ ᠶᠢᠨ ᠰᠡᠷᠪᠡᠭᠡ ᠶᠢᠨ ᠥᠨᠳᠥᠷ 130 ᠰᠡᠨᠲ᠋ᠢᠮᠧᠲᠷ ᠡᠴᠡ ᠳᠣᠷᠣᠭᠰᠢ ᠦᠭᠡᠢ᠂ ᠴᠡᠭᠡᠵᠢᠨ ᠦ ᠪᠦᠰᠡᠯᠡᠭᠦᠷ 180 ᠰᠡᠨᠲ᠋ᠢᠮᠧᠲᠷ ᠂ ᠰᠢᠯᠪᠢᠨ ᠦ ᠪᠦᠰᠡᠯᠡᠭᠦᠷ 18.5 ᠰᠡᠨᠲ᠋ᠢᠮᠧᠲᠷ ᠂ ᠰᠡᠷᠭᠦᠯᠡᠩ ᠴᠣᠪᠣᠭᠣ ᠠᠷᠠᠨᠰᠢᠨ ᠲᠠᠢ᠂ ᠰᠦᠷᠦᠭ ᠢᠶᠡᠨ ᠰᠠᠢᠢᠨ ᠬᠤᠷᠢᠶᠠᠳᠠᠭ᠂ ᠬᠤᠷᠳᠤ᠂ ᠮᠢᠬᠠ᠂ ᠰᠦᠨ ᠦ ᠴᠢᠭᠯᠡᠯ ᠦᠨ ᠤᠳᠤᠮᠲᠠᠢ ᠵᠢᠯ ᠦᠨ ᠲᠤᠷᠰᠢ ᠲᠠᠷᠭᠤ ᠬᠦᠴᠦ ᠪᠡᠨ ᠬᠠᠳᠠᠭᠠᠯᠠᠬᠤ ᠪᠠᠢᠳᠠᠯ ᠢ ᠬᠠᠷᠠᠭᠠᠯᠵᠠᠨᠠ᠃ ᠬᠡᠷᠪᠡ ᠮᠢᠬᠠ᠂ ᠰᠦᠨ ᠦ ᠴᠢᠭᠯᠡᠯ ᠢᠶᠡᠷ ᠰᠢᠯᠢᠯᠲᠡ ᠶᠠᠪᠤᠭᠤᠯᠬᠤ ᠪᠣᠯ ᠰᠠᠭᠠᠯᠢ ᠶᠢᠨ ᠬᠤᠭᠤᠴᠠᠭᠠᠨ ᠳᠤ ᠭᠡᠭᠦᠦ ᠲᠤᠰ ᠪᠦᠷᠢ ᠳᠡᠭᠡᠷᠡ ᠬᠢᠨᠠᠯᠲᠠ ᠶᠢᠨ ᠰᠠᠭᠠᠯᠲᠠ ᠶᠢ ᠶᠠᠪᠤᠭᠤᠯᠵᠤ ᠬᠠᠮᠤᠭ ᠤᠨ ᠰᠦᠲᠡᠢ ᠬᠡᠰᠡᠭ ᠢ ᠰᠣᠩᠭᠣᠨ ᠠᠪᠴᠤ ᠡᠨᠡ ᠴᠢᠭᠯᠡᠯ ᠢᠶᠡᠷ ᠥᠰᠬᠡᠪᠡᠯ ᠵᠣᠬᠢᠨᠠ᠃
ᠠᠳᠤᠭᠤᠨ ᠰᠦᠷᠦᠭ ᠲᠦ ᠠᠩᠭᠢᠯᠠᠯᠲᠠ ᠶᠢ ᠨᠠᠮᠤᠷ ᠬᠢᠵᠦ ᠦᠷᠡᠵᠢᠯ ᠦᠨ ᠰᠠᠭᠤᠷᠢ ᠵᠣᠬᠢᠶᠠᠨ ᠪᠠᠢᠭᠤᠯᠤᠯᠲᠠ ᠶᠢ ᠬᠠᠪᠤᠷ ᠬᠢᠬᠦ ᠳᠦ ᠲᠣᠬᠢᠷᠠᠮᠵᠢᠲᠠᠢ᠃