1. ᠬᠤᠮᠤᠤᠯ᠂ ᠪᠠᠭᠠᠰᠤ ᠨᠢᠭᠡ ᠡᠩᠨᠡᠭᠡ ᠪᠡᠷ ᠭᠥᠯᠢᠭᠡᠷ ᠨᠢᠭᠲᠠ ᠂ ᠴᠢᠭᠢᠭ ᠪᠠᠭᠠ ᠲᠠᠢ ᠭᠠᠷᠴᠤ ᠭᠣᠣᠯ ᠢᠶᠠᠷ ᠢᠶᠠᠨ ᠨᠢᠭᠡᠨ ᠤᠳᠠᠭᠠ ᠬᠠᠭᠠᠷᠠᠬᠤ ᠶᠤᠮ ᠤᠤ ᠬᠠᠭᠠᠷᠠᠬᠤ ᠦᠭᠡᠢ ᠃ ᠪᠦᠬᠦᠯᠢ ᠪᠡᠷ ᠤᠨᠠᠨᠠ ᠃ ᠡᠨᠡ ᠨᠢ ᠤᠮᠤᠰᠤᠨ ᠤ ᠬᠤᠷ ᠪᠠᠭᠠᠰᠤ ᠨᠢ ᠭᠦᠢᠴᠡᠳ ᠭᠠᠷᠴᠤ ᠨᠢᠯᠬᠠ ᠨᠣᠭᠤᠭᠠ ᠳᠤ ᠰᠠᠶᠢᠨ ᠴᠠᠳᠴᠤ ᠤᠮᠤᠰᠤ ᠨᠢ ᠠᠭᠰᠢᠵᠤ ᠪᠠᠭᠠᠰᠤ ᠶᠢ ᠨᠢᠭᠡ ᠡᠩᠨᠡᠭᠡ ᠪᠠᠶᠢᠷᠢᠯᠠᠯ ᠲᠠᠢ ᠪᠣᠯᠲᠠᠯᠠ ᠨᠢ ᠨᠠᠷᠢᠰᠬᠠᠵᠤ ᠪᠠᠷᠢᠭᠰᠠᠨ ᠬᠡᠷᠡᠭ ᠶᠤᠮ ᠃ ᠤᠮᠤᠰᠤ ᠨᠢ ᠭᠦᠢᠴᠡᠳ ᠠᠭᠰᠢᠭᠰᠠᠨ ᠤᠴᠢᠷ ᠠᠴᠠ ᠲᠡᠨᠳᠡ ᠶᠠᠮᠠᠷ ᠨᠢᠭᠡ ᠬᠡᠢ ᠬᠤᠷᠠᠯᠳᠤᠬᠤ ᠂ ᠳᠣᠲᠣᠷᠠᠬᠢ ᠪᠠᠭᠠᠰᠤ ᠨᠢ ᠬᠦᠳᠡᠯᠬᠦ ᠶᠠᠪᠤᠳᠠᠯ ᠪᠠᠶᠢᠬᠤ ᠦᠭᠡᠢ ᠡᠴᠡ ᠭᠡᠳᠡᠰᠦ ᠨᠢ ᠵᠠᠶᠢᠯᠠᠭᠳᠠᠬᠤ ᠦᠭᠡᠢ ᠵᠠᠶᠢᠯᠠᠭᠳᠠᠭᠰᠠᠨ ᠴᠤ ᠦᠯᠡᠳᠡᠬᠦ ᠦᠭᠡᠢ ᠃
2.ᠥᠩᠭᠡ ᠂ ᠨᠢᠳᠦᠨ ᠦ ᠳᠣᠲᠣᠷᠠ ᠬᠦᠮᠦᠨ ᠦ ᠪᠣᠰᠣᠭᠠ ᠳᠦᠷᠰᠦ ᠪᠦᠲᠦᠨ ᠪᠠᠭᠲᠠᠵᠤ ᠬᠠᠷᠠᠭᠳᠠᠨ ᠂ ᠨᠢᠳᠦ ᠨᠢ ᠲᠤᠩᠭᠠᠯᠠᠭ ᠪᠣᠯᠣᠨᠠ ᠃ ᠨᠠᠷᠠ ᠭᠠᠷᠬᠤ ᠠᠴᠠ ᠡᠮᠦᠨᠡᠬᠡᠨ ᠪᠠᠷᠢᠵᠤ ᠦᠵᠡᠬᠦ ᠳᠦ ᠦᠰᠦ ᠨᠢ ᠭᠢᠯᠠᠯᠵᠠᠭᠰᠠᠨ ᠲᠣᠯᠢᠭᠠᠷ ᠪᠠᠶᠢᠨᠠ ᠃
ᠰᠠᠶᠢᠨ ᠠᠵᠢᠪᠠᠯ ᠥᠭᠡᠷᠡ ᠥᠩᠭᠡ ᠲᠠᠢ ᠪᠣᠯᠣᠭᠰᠠᠨ ᠂ ᠪᠡᠶᠡ ᠳᠦ ᠨᠢ ᠭᠡᠷᠡᠯ ᠲᠤᠶᠠᠭᠠᠷᠠᠬᠤ ᠮᠡᠲᠦ ᠪᠣᠯᠣᠨᠠ ᠃ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠂ ᠭᠡᠷᠡᠯ ᠦᠨ ᠣᠶᠢᠯᠲᠠ ᠶᠡᠬᠡ ᠪᠣᠯᠣᠨᠠ ᠃ ᠦᠰᠦ ᠶᠢ ᠬᠠᠮᠢᠭᠠᠰᠢ ᠨᠢ ᠳᠠᠷᠤᠭᠰᠠᠨ ᠨᠠᠯᠠᠵᠤ ᠪᠠᠶᠢᠬᠤ ᠪᠠ ᠤᠬᠢᠶᠠᠭᠰᠠᠨ ᠮᠡᠲᠦ ᠰᠠᠶᠢᠬᠠᠨ ᠥᠩᠭᠡ ᠲᠠᠢ ᠬᠠᠷᠠᠭᠳᠠᠨᠠ ᠃ ᠪᠦᠬᠦ ᠦᠰᠦ ᠨᠢ ᠬᠠᠭᠠᠰ ᠨᠠᠯᠠᠤ ᠪᠣᠯᠣᠭᠰᠠᠨ ᠪᠠᠶᠢᠳᠠᠭ ᠃
3.ᠠᠷᠠᠰᠤ ᠶᠢ ᠴᠢᠮᠬᠢᠬᠦ ᠳᠦ ᠡᠭᠦᠰᠦᠭᠰᠡᠨ ᠨᠤᠭᠤᠯᠤᠭᠠᠰᠤ ᠨᠢ ᠤᠳᠠᠭᠠᠨ ᠠᠷᠢᠯᠤᠨᠠ ᠃
4.ᠰᠤᠯᠠ ᠬᠣᠨᠣᠭᠯᠠᠬᠤ ᠳᠤ ᠵᠥᠭᠡᠯᠡᠨ ᠭᠠᠵᠠᠷ ᠲᠤ ᠬᠥᠷᠪᠡᠬᠦ ᠳᠦ ᠪᠡᠨ ᠤᠷᠢᠳᠤ ᠬᠣᠶᠠᠷ ᠬᠥᠯ ᠨᠢ ᠡᠪᠴᠢᠭᠦᠨ ᠳᠦ ᠪᠡᠨ ᠬᠦᠷᠴᠦ ᠨᠤᠭᠤᠷᠠᠬᠤ ᠨᠢᠷᠤᠭᠤ ᠪᠠᠷ ᠢᠶᠠᠨ ᠪᠡᠶᠡ ᠶᠢᠨ ᠢᠶᠡᠨ ᠬᠣᠶᠠᠷ ᠲᠠᠯᠠ ᠤᠷᠤᠭᠤ ᠰᠢᠯᠤᠭᠤᠨ ᠳᠠᠪᠠᠨᠠ ᠃ ᠭᠠᠭᠴᠠ ᠨᠢᠭᠡ ᠰᠠᠨᠠᠭᠠ ᠠᠯᠳᠠᠭᠠᠳ ᠶᠡᠬᠡ ᠤᠨᠲᠠᠨᠠ ᠃
5.ᠳᠠᠪᠬᠢᠯᠲᠠ ᠶᠢᠨ ᠦᠶᠡ ᠳᠦ ᠠᠮᠢᠰᠬᠤᠭᠠᠳᠠᠬᠤ ᠂ ᠶᠠᠳᠠᠷᠠᠵᠤ ᠴᠤᠴᠠᠭᠰᠠᠨ ᠰᠢᠨᠵᠢ ᠦᠭᠡᠢ ᠶᠠᠭᠠᠷᠠᠳᠠᠭ ᠦᠭᠡᠢ ᠂ ᠳᠠᠶᠢᠪᠤᠩ ᠪᠣᠯᠳᠠᠭ ᠃
6.ᠬᠥᠯᠥᠰᠦ ᠨᠢ ᠰᠢᠩᠭᠡᠷᠡᠵᠦ ᠲᠤᠩᠭᠠᠯᠠᠭ ᠂ ᠠᠮᠲᠠ ᠦᠭᠡᠢ ᠪᠣᠯᠣᠨᠠ ᠃ ᠥᠭᠡᠷᠡ ᠪᠡᠷ ᠬᠡᠯᠡᠪᠡᠯ ᠤᠰᠤᠨ ᠬᠥᠯᠥᠰᠦ ᠭᠠᠷᠤᠨᠠ ᠃ ᠤᠶᠠᠭᠠ ᠣᠷᠣᠭᠠ ᠦᠭᠡᠢ ᠮᠣᠷᠢᠨ ᠤ ᠬᠥᠯᠥᠰᠦ ᠱᠣᠷᠪᠣᠭ ᠠᠮᠲᠠ ᠲᠠᠢ ᠪᠠᠶᠢᠳᠠᠭ ᠃ ᠤᠶᠠᠭᠠ ᠰᠣᠶᠢᠯᠲᠠ ᠨᠢ ᠣᠷᠤᠭᠰᠠᠨ ᠮᠣᠷᠢᠨ ᠤ ᠭᠡᠳᠡᠰᠦ ᠨᠢ ᠲᠣᠭᠲᠠᠭᠤᠨ ᠤᠮᠤᠰᠤ ᠨᠢ ᠠᠭᠰᠢᠭᠰᠠᠨ ᠲᠤᠯᠠ ᠶᠡᠬᠡ ᠤᠷᠤᠯᠳᠤᠭᠠᠨ ᠤ ᠡᠮᠦᠨᠡ ᠨᠢᠯᠬᠠ ᠨᠣᠭᠤᠭᠠ ᠢᠳᠡᠬᠦ ᠳᠦ ᠤᠷᠤᠯᠳᠤᠭᠠᠨ ᠳᠤ ᠨᠥᠯᠥᠭᠡᠯᠡᠬᠦ ᠦᠭᠡᠢ ᠬᠠᠷᠢᠨ ᠴᠠᠳᠬᠤᠯᠠᠩ ᠰᠠᠶᠢᠨ ᠳᠠᠪᠬᠢᠨᠠ ᠃ ᠤᠮᠤᠰᠤ ᠨᠢ ᠠᠭᠰᠢᠨᠠ ᠃ ᠤᠶᠠᠭᠠ ᠰᠣᠶᠢᠯᠲᠠ ᠨᠢ ᠲᠣᠬᠢᠷᠠᠭᠰᠠᠨ ᠮᠣᠷᠢ ᠴᠠᠳᠬᠤ ᠳᠤ ᠪᠠᠨ ᠲᠦᠷᠭᠡᠨ ᠲᠤᠯᠠ ᠤᠨᠲᠠᠵᠤ ᠠᠮᠠᠷᠠᠬᠤ ᠨᠢ ᠶᠡᠬᠡ ᠪᠣᠯᠣᠨᠠ ᠃ ᠤᠶᠠᠭᠠ ᠰᠣᠶᠢᠯᠭᠠ ᠨᠢ ᠠᠯᠳᠠᠭᠳᠠᠭᠰᠠᠨ ᠠᠳᠤᠭᠤ ᠴᠠᠳᠬᠤ ᠳᠤ ᠪᠠᠨ ᠤᠳᠠᠭᠠᠨ ᠤᠨᠲᠠᠵᠤ ᠠᠮᠠᠷᠠᠬᠤ ᠨᠢ ᠪᠠᠭᠠᠰᠤᠨᠠ ᠃ ᠮᠦᠨ ᠲᠠᠷᠯᠠᠵᠤ ᠬᠥᠯᠥᠰᠦᠯᠡᠬᠦ ᠳᠦ ᠤᠳᠠᠭᠠᠨ ᠵᠥᠭᠡᠯᠡᠨ ᠠᠮᠢᠰᠬᠤᠯᠠᠨᠠ ᠃ ᠡᠨᠡ ᠨᠢ ᠪᠠᠶᠠᠷ ᠦᠭᠡᠢ ᠪᠣᠯᠵᠤ ᠪᠠᠶᠢᠭᠠ ᠶᠢᠨ ᠰᠢᠨᠵᠢ ᠃