ᠲᠣᠯᠣᠭᠠᠢ ᠶᠢᠨ ᠪᠦᠬᠦ ᠡᠷᠬᠡᠲᠡᠨ ᠠᠭᠤᠤ ᠂ ᠵᠠᠢ ᠶᠡᠬᠡᠲᠡᠢ ᠂ ᠬᠣᠩᠰᠢᠶᠠᠷ ᠤᠷᠲᠤ ᠂ ᠠᠮᠠᠨ ᠬᠦᠵᠦᠭᠦᠦ ᠠᠶᠢᠷᠠᠭ ᠤᠨ ᠬᠤᠯᠤ ᠬᠦᠮᠦᠷᠢᠭᠰᠡᠨ ᠮᠡᠲᠦ ᠶᠡᠬᠡ ᠂ ᠬᠦᠵᠦᠭᠦᠨ ᠦ ᠪᠣᠯᠴᠢᠩ ᠤᠳ ᠬᠡᠴᠡ ᠲᠠᠲᠠᠭᠰᠠᠨ ᠮᠡᠲᠦ ᠭᠦᠷᠡᠭᠡᠷ ᠂ ᠪᠣᠯᠴᠢᠩ ᠤᠨ ᠬᠤᠪᠢᠯ ᠰᠡᠶᠢᠮᠡᠬᠡᠢ ᠨᠢ ᠵᠢᠷᠤᠶᠢᠨ ᠬᠠᠷᠠᠭᠳᠠᠨ᠎ᠠ ᠃

ᠰᠡᠷᠪᠡᠭᠡ ᠨᠢ ᠬᠠᠶᠢᠨᠤᠭ ᠤᠨ ᠰᠡᠷᠪᠡᠭᠡ ᠮᠡᠲᠦ ᠂ ᠳᠠᠯᠤ ᠲᠣᠮᠣ ᠪᠥᠭᠡᠳ ᠲᠠᠰᠢᠭᠤ ᠂ ᠡᠪᠴᠢᠭᠦᠨ ᠦ ᠠᠷᠠᠰᠤ ᠡᠯᠪᠡᠭ᠂ ᠰᠠᠭᠤᠭ᠎ᠠ ᠪᠠᠷ ᠢᠶᠠᠨ ᠬᠠᠪᠴᠢᠭᠳᠠᠭᠤᠯᠤᠨ ᠪᠠᠶᠢᠨ᠎ᠠ ᠃ ᠯᠤᠤ ᠢᠵᠠᠭᠤᠷ ᠲᠠᠢ ᠮᠣᠷᠢᠨ ᠤ ᠡᠯᠪᠡᠭ ᠶᠡᠬᠡ ᠴᠡᠭᠡᠵᠢ ᠶᠢᠨ ᠪᠡᠶ᠎ᠡ ᠨᠢ ᠤᠷᠢᠳᠤ ᠬᠣᠶᠠᠷ ᠬᠥᠯ ᠳᠡᠭᠡᠷ᠎ᠡ ᠠᠴᠢᠶ᠎ᠠ ᠥᠭᠭᠥ ᠡᠴᠡ ᠰᠤᠭᠤ ᠶᠢᠨ ᠬᠠᠪᠴᠢᠭᠰᠠᠨ ᠦᠶ᠎ᠡ ᠴᠡᠭᠴᠡᠯᠡᠵᠦ ᠬᠠᠮᠠᠭᠠᠯᠠᠨ᠎ᠠ ᠃ ᠬᠡᠷᠪᠡ ᠰᠤᠭᠤ ᠵᠠᠳᠠᠭᠠᠢ ᠪᠣᠯ ᠴᠡᠭᠡᠵᠢ ᠨᠢ ᠰᠤᠭᠤ ᠶᠢᠨ ᠶᠡᠬᠡ ᠵᠠᠢ ᠪᠠᠷ ᠳᠣᠷᠤᠭᠰᠢ ᠤᠨᠵᠠᠶᠢᠭᠰᠠᠨ ᠮᠣᠷᠢ ᠶᠢ ᠴᠡᠭᠡᠵᠢ ᠬᠦᠨᠳᠦᠲᠡᠢ ᠭᠡᠳᠡᠭ ᠃ ᠴᠡᠭᠡᠵᠢ ᠬᠦᠨᠳᠦ ᠮᠣᠷᠢ ᠨᠢ ᠳᠠᠪᠬᠢᠯ ᠤᠨ ᠦᠶ᠎ᠡ ᠳᠦ ᠰᠤᠭᠤ ᠶᠢᠨ ᠦᠶ᠎ᠡ ᠪᠡᠷ ᠴᠤᠴᠠᠯᠲᠠ ᠶᠡᠬᠡ ᠪᠠᠶᠢᠨ᠎ᠠ ᠃ ᠲᠣᠮᠣ ᠶᠠᠰᠤᠲᠠᠢ ᠮᠣᠷᠢᠳ ᠲᠤ ᠵᠢᠵᠢᠭ ᠮᠣᠷᠢᠳ ᠠᠴᠠ ᠬᠤᠷᠳᠤᠨ ᠤ ᠰᠢᠨᠵᠢ ᠢᠯᠡᠭᠦᠦ ᠶᠡᠬᠡ ᠬᠡᠷᠡᠭᠲᠡᠢ ᠃ ᠡᠶᠢᠮᠦ ᠳᠦ ᠯᠤᠤ ᠢᠵᠠᠭᠤᠷ ᠤᠨ ᠬᠦᠯᠦᠭ ᠮᠠᠰᠢ ᠬᠣᠪᠣᠷ ᠲᠦᠷᠦᠨ᠎ᠡ ᠃