ᠰᠤᠨᠤᠯᠵᠠᠭᠰᠠᠨ ᠤᠷᠭᠠ ᠲᠠᠢ ᠠᠳᠤᠭᠤᠴᠢᠨ ᠬᠦᠮᠦᠨ ᠢ ᠬᠠᠷᠠᠬᠤ ᠳᠤ ᠪᠠᠰᠠ ᠯᠠ ᠪᠠᠬᠠᠲᠠᠢ ᠪᠠᠶᠢᠳᠠᠭ᠃ ᠤᠷᠭᠠ ᠶᠢ ᠰᠠᠶᠢᠬᠠᠨ ᠵᠠᠰᠠᠵᠤ ᠴᠡᠪᠡᠷᠬᠡᠨ ᠬᠢᠵᠦ ᠰᠤᠷᠬᠤ ᠨᠢ ᠴᠢᠬᠤᠯᠠ᠃ ᠤᠷᠭᠠ ᠴᠡᠭᠡᠵᠢ ᠨᠢ ᠬᠦᠨᠳᠦᠳᠡᠪᠡᠯ ᠰᠠᠪᠠᠯᠠᠭᠠ ᠪᠣᠯᠵᠤ᠂ ᠮᠣᠷᠢᠨ ᠤ ᠲᠣᠯᠣᠭᠠᠢ ᠣᠨᠣᠬᠤ ᠦᠭᠡᠢ᠂ ᠵᠠᠯᠭᠠᠭᠠ ᠮᠤᠷᠤᠢ ᠪᠣᠯ ᠦᠵᠡᠮᠵᠢ ᠦᠭᠡᠢ᠂ ᠨᠣᠶᠢᠲᠠᠨ ᠮᠣᠳᠣ ᠪᠠᠷ ᠬᠢᠪᠡᠯ ᠮᠤᠷᠤᠶᠢᠵᠤ ᠬᠠᠲᠠᠨᠠ᠃ ᠤᠷᠭᠠ ᠶᠢᠨ ᠮᠣᠳᠣ ᠶᠢ ᠴᠡᠭᠡᠵᠢ᠂ ᠪᠥᠭᠰᠡ᠂ ᠨᠤᠭᠤᠰᠤ ᠭᠡᠵᠦ ᠬᠤᠪᠢᠶᠠᠳᠠᠭ᠃ ᠪᠥᠭᠰᠡ ᠬᠦᠨᠳᠦ ᠲᠡᠢ ᠤᠷᠭᠠ ᠲᠡᠭᠡᠷᠢᠲᠡᠢ᠂ ᠮᠣᠷᠢ ᠤᠷᠭᠠᠯᠠᠬᠤ ᠳᠤ ᠲᠥᠪᠡᠭᠲᠡᠢ᠃ ᠤᠷᠭᠠᠨ ᠤ ᠲᠣᠬᠢᠷᠠᠮᠵᠢᠲᠠᠢ ᠤᠷᠲᠤ ᠶᠢ 6-7 ᠮᠧᠲᠷ ᠭᠡᠵᠦ ᠦᠵᠡᠳᠡᠭ᠃ ᠤᠷᠭᠠᠨ ᠤ ᠪᠥᠭᠰᠡ ᠶᠠᠷᠠ ᠦᠭᠡᠢ ᠭᠥᠯᠢᠭᠡᠷ ᠪᠠᠶᠢᠬᠤ ᠬᠡᠷᠡᠭᠲᠡᠢ ᠃
ᠠᠳᠤᠭᠤᠴᠢᠨ ᠬᠦᠮᠦᠨ ᠤᠷᠭᠠ ᠪᠠᠨ ᠪᠣᠷᠣᠭᠠ᠂ ᠴᠠᠰᠤᠨ ᠠᠴᠠ ᠬᠠᠮᠠᠭᠠᠯᠠᠬᠤ ᠬᠡᠷᠡᠭᠲᠡᠢ᠃ ᠤᠷᠭᠠᠨ ᠤ ᠬᠤᠶᠢᠪᠢ ᠶᠢ ᠣᠭᠣᠨᠣ ᠶᠢᠨ ᠬᠥᠵᠦᠭᠦᠦ ᠶᠢ ᠪᠢᠲᠡᠭᠦᠦ ᠥᠪᠴᠢᠨ ᠬᠢᠬᠦ ᠪᠤᠶᠤ ᠬᠤᠨᠢᠨ ᠤᠢᠷᠠ ᠬᠡᠳᠡᠰᠦ ᠶᠢ ᠴᠡᠪᠡᠷᠯᠡᠵᠦ ᠬᠠᠳᠠᠭᠠᠭᠠᠳ ᠬᠢᠨᠡ᠃ ᠬᠤᠶᠢᠪᠢ ᠶᠢ ᠬᠣᠶᠢᠮᠣᠰᠣᠯᠠᠨ ᠲᠣᠮᠣᠵᠤ ᠬᠢᠨᠡ᠃ ᠬᠤᠶᠢᠪᠢ 3-3.8 ᠮᠧᠲᠷ ᠲᠣᠬᠢᠷᠠᠮᠵᠢᠲᠠᠢ᠃ ᠬᠤᠶᠢᠪᠢ ᠬᠡᠳᠦᠢ ᠴᠡᠭᠡᠯᠬᠡᠨ ᠪᠥᠭᠡᠳ ᠨᠠᠷᠢᠨ ᠪᠠᠶᠢᠬᠤ ᠨᠢ ᠰᠠᠶᠢᠨ᠃ ᠪᠦᠳᠦᠭᠦᠨ ᠬᠤᠶᠢᠪᠢ ᠠᠳᠤᠭᠤ ᠶᠢ ᠵᠢᠳᠬᠦᠭᠡ ᠪᠣᠯᠭᠠᠨᠠ᠃ ᠬᠤᠶᠢᠪᠢᠨ ᠤ ᠨᠢᠭᠡ ᠦᠵᠦᠭᠦᠷ ᠲᠦ ᠪᠢᠲᠡᠭᠦᠦ ᠭᠣᠭᠴᠣᠭᠠ ᠤᠶᠠᠬᠤ ᠬᠡᠰᠡᠭ ᠢ ᠵᠥᠭᠡᠯᠡᠨ ᠪᠥᠬᠡ ᠰᠤᠷ ᠢᠶᠠᠷ ᠬᠢᠬᠦ ᠬᠡᠷᠡᠭᠲᠡᠢ᠃ ᠤᠷᠭᠠ ᠶᠢᠨ ᠨᠤᠭᠤᠰᠤ᠂ ᠴᠡᠭᠡᠵᠢ ᠪᠥᠭᠰᠡ ᠶᠢ ᠲᠠᠩᠨᠠᠶᠢᠯᠠᠳᠴᠤ ᠵᠠᠯᠭᠠᠨᠠ᠃ ᠪᠣᠭᠣᠬᠤ ᠳᠤ ᠪᠠᠨ ᠬᠢᠯᠭᠠᠰᠤ ᠪᠣᠯᠤᠨ 50-70 ᠰᠠᠨ᠋ᠲ᠋ᠢᠮᠧᠲᠷ ᠲᠠᠲᠠᠭᠠᠰᠤᠨ ᠰᠤᠷ ᠢᠶᠠᠷ ᠦᠢᠯᠡᠳᠦᠨᠡ᠃ ᠠᠳᠤᠭᠤᠴᠢᠨ ᠬᠦᠮᠦᠨ ᠮᠣᠷᠢᠨ ᠤ ᠬᠥᠯᠦᠰᠦᠨ ᠦ ᠵᠢᠵᠢᠭ ᠬᠤᠰᠤᠭᠤᠷ ᠲᠠᠢ ᠶᠠᠪᠤᠬᠤ ᠶᠢ ᠬᠡᠵᠢᠶᠡᠳᠡ ᠮᠠᠷᠲᠠᠵᠤ ᠪᠣᠯᠬᠤ ᠦᠭᠡᠢ᠂ ᠤᠨᠤᠭᠰᠠᠨ ᠮᠣᠷᠢᠨ ᠤ ᠪᠠᠨ ᠬᠠᠲᠠᠭᠰᠠᠨ ᠬᠥᠯᠥᠰᠥ ᠶᠢ ᠤᠨᠠᠭᠠᠵᠤ ᠴᠡᠪᠡᠷᠯᠡᠵᠦ ᠶᠠᠪᠤᠬᠤ ᠬᠡᠷᠡᠭᠲᠡᠢ᠃