ᠴᠢᠳᠦᠷ ᠪᠣᠯ ᠮᠠᠯᠴᠢᠨ ᠬᠦᠮᠦᠨ ᠳᠦ ᠬᠠᠮᠤᠭ ᠤᠨ ᠨᠠᠶᠢᠳᠠᠪᠤᠷᠢᠲᠠᠢ ᠪᠥᠭᠡᠳ ᠥᠷᠭᠡᠨ ᠬᠡᠷᠡᠭᠯᠡᠭᠳᠡᠳᠡᠭ ᠵᠦᠢᠯ ᠦᠨ ᠨᠢᠭᠡ᠃《ᠮᠣᠷᠢ ᠦᠭᠡᠢ ᠬᠦᠮᠦᠨ ᠮᠣᠬᠣᠳᠠᠭ》ᠭᠡᠳᠡᠭ ᠪᠣᠯ ᠴᠢᠳᠦᠷ ᠦᠭᠡᠢ ᠬᠦᠮᠦᠨ ᠶᠠᠪᠠᠭᠠᠷᠠᠳᠠᠭ ᠭᠡᠰᠡᠨ ᠦᠭᠡ ᠡ᠃ ᠡᠶᠢᠮᠦ ᠡᠴᠡ ᠴᠢᠳᠦᠷ ᠢ ᠡᠷᠬᠢᠮᠯᠡᠵᠦ ᠲᠡᠭᠦᠨ ᠢ ᠬᠢᠵᠦ ᠰᠤᠷᠬᠤ ᠨᠢ ᠴᠢᠬᠤᠯᠠ᠃
ᠮᠣᠩᠭᠣᠯᠴᠤᠳ ᠡᠷᠲᠡ ᠳᠡᠭᠡᠷᠡ ᠡᠬᠢᠯᠡᠨ ᠤᠷᠠᠨ ᠨᠠᠷᠢᠨ ᠬᠢᠴᠡ ᠲᠡᠢ ᠪᠥᠬᠡ ᠴᠢᠳᠦᠷ ᠥᠪᠡᠷᠰᠡᠳ ᠢᠶᠡᠨ ᠵᠠᠩᠭᠢᠳᠤᠨ ᠬᠢᠵᠦ ᠢᠷᠡᠭᠰᠡᠨ ᠲᠡᠦᠬᠡ ᠲᠡᠢ᠃ ᠴᠢᠳᠦᠷ ᠢ ᠦᠬᠡᠷ ᠦᠨ ᠰᠠᠶᠢᠨ ᠰᠢᠷᠢ ᠪᠡᠷ ᠬᠢᠬᠦ ᠪᠠ ᠪᠦᠳᠦᠭᠦᠨ ᠮᠣᠷᠢᠨ ᠤ ᠪᠣᠯᠤᠨ ᠳᠠᠭᠠ ᠶᠢᠨ ᠭᠡᠵᠦ ᠠᠩᠭᠢᠯᠠᠬᠤ ᠪᠣᠯᠪᠠᠴᠤ ᠵᠠᠩᠭᠢᠳᠬᠤ ᠠᠷᠭᠠ ᠠᠳᠠᠯᠢ ᠪᠠᠶᠢᠨᠠ᠃ ᠴᠢᠳᠦᠷ ᠵᠠᠩᠭᠢᠳᠬᠤ ᠶᠢᠨ ᠲᠤᠯᠠ ᠰᠤᠷ ᠢᠶᠠᠨ ᠵᠥᠪ ᠰᠣᠩᠭᠣᠨ ᠣᠯᠵᠤ ᠵᠢᠭᠳᠡ ᠵᠦᠰᠦᠭᠡᠳ ᠰᠠᠶᠢᠨ ᠡᠯᠳᠡᠵᠦ ᠵᠥᠭᠡᠯᠡᠷᠡᠭᠦᠯᠦᠭᠰᠡᠨ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃
ᠦᠬᠡᠷ᠂ ᠲᠡᠮᠡᠭᠡᠨ ᠦ ᠰᠢᠷᠢᠨ ᠦ ᠠᠯᠢᠨ ᠢᠶᠠᠷ ᠴᠤ ᠴᠢᠳᠦᠷ ᠬᠢᠬᠦ ᠳᠦ ᠲᠣᠬᠢᠷᠠᠮᠵᠢᠲᠠᠢ ᠶᠢᠨ ᠭᠠᠳᠠᠨᠠ ᠬᠤᠷᠠ ᠪᠣᠷᠣᠭᠠ ᠶᠡᠬᠡ ᠲᠡᠢ ᠴᠠᠭ ᠲᠤ ᠬᠢᠯᠭᠠᠰᠤ ᠪᠠᠷ ᠴᠢᠳᠦᠷ ᠬᠢᠬᠦ ᠳᠦ ᠢᠯᠡᠭᠦᠦ ᠵᠣᠬᠢᠮᠵᠢᠲᠠᠢ ᠪᠠᠶᠢᠳᠠᠭ᠃
ᠮᠣᠩᠭᠣᠯᠴᠤᠳ ᠴᠢᠳᠦᠷ ᠢ ᠪᠢᠲᠡᠭᠦᠦ ᠪᠠ ᠬᠡᠰᠡᠭᠯᠡᠭᠰᠡᠨ ᠰᠤᠷ ᠢᠶᠠᠷ ᠭᠡᠵᠦ 2 ᠠᠷᠭᠠ ᠪᠠᠷ ᠵᠠᠩᠭᠢᠳᠳᠠᠭ᠃ ᠴᠢᠳᠦᠷ ᠢ ᠰᠤᠷ ᠢᠶᠠᠷ ᠭᠤᠷᠮᠤᠰᠤᠨ ᠬᠣᠶᠢᠮᠣᠰᠣᠨ ᠮᠤᠰᠬᠢᠨ ᠬᠢᠨᠡ᠃
ᠪᠢᠲᠡᠭᠦᠦ ᠰᠤᠷ ᠢᠶᠠᠷ ᠵᠠᠩᠭᠢᠳᠬᠤ ᠠᠷᠭᠠ᠄ ᠪᠢᠲᠡᠭᠦᠦ ᠰᠤᠷ ᠢᠶᠠᠷ ᠵᠠᠩᠭᠢᠳᠤᠭᠰᠠᠨ ᠴᠢᠳᠦᠷ ᠢ ᠵᠠᠳᠠᠯᠤᠨ ᠰᠤᠷ ᠢ ᠨᠢ ᠳᠠᠬᠢᠨ ᠠᠰᠢᠭᠯᠠᠵᠤ ᠪᠣᠯᠳᠠᠭ ᠢᠶᠠᠷ ᠢᠶᠠᠨ ᠡᠨᠡ ᠠᠷᠭᠠ ᠤᠨᠴᠠᠯᠢᠭᠳᠠᠬᠤ ᠶᠤᠮ᠃
ᠦᠷᠭᠦᠯᠵᠢᠯᠡᠭᠰᠡᠨ ᠪᠢᠲᠡᠭᠦᠦ ᠰᠤᠷ ᠢᠶᠠᠷ ᠭᠤᠷᠮᠤᠰᠤᠨ᠂ ᠬᠣᠶᠢᠮᠣᠰᠣᠨ ᠴᠢᠳᠦᠷ ᠦᠨ ᠠᠯᠢᠨ ᠢ ᠴᠤ ᠬᠢᠵᠦ ᠪᠣᠯᠬᠤ ᠪᠥᠭᠡᠳ 3 ᠠᠯᠳᠠ ᠪᠤᠶᠤ 4 ᠮᠧᠲ᠋ᠷ 80 ᠰᠠᠨ᠋ᠲ᠋ᠢᠮᠧᠲᠷ ᠣᠷᠴᠢᠮ ᠰᠤᠷ ᠨᠢᠭᠡ ᠭᠤᠷᠮᠤᠰᠤᠨ ᠴᠢᠳᠦᠷ ᠪᠣᠯᠤᠨᠠ᠃ 2 ᠠᠯᠳᠠ ᠪᠤᠶᠤ 3 ᠮᠧᠲ᠋ᠷ 20 ᠰᠠᠨ᠋ᠲ᠋ᠢᠮᠧᠲᠷ ᠣᠷᠴᠢᠮ ᠰᠤᠷ ᠢᠶᠠᠷ ᠬᠣᠶᠢᠮᠣᠰᠣᠨ ᠴᠢᠳᠦᠷ ᠵᠠᠩᠭᠢᠳᠤᠨᠠ᠃
ᠴᠢᠳᠦᠷ ᠲᠦ ᠬᠣᠶᠠᠷ ᠬᠠ ᠪᠠᠶᠢᠬᠤ ᠠᠴᠠ ᠵᠥᠪ ᠲᠠᠯᠠ ᠶᠢᠨ ᠬᠠ ᠪᠣᠭᠣᠨᠢ (3 ᠰᠠᠨ᠋ᠲ᠋ᠢᠮᠧᠲᠷ ᠪᠤᠷᠤᠭᠤ ᠲᠠᠯᠠ ᠶᠢᠨ ᠢᠶᠠᠨ ᠤᠷᠲᠤ (4 ᠰᠠᠨ᠋ᠲ᠋ᠢᠮᠧᠲᠷ) ᠪᠠᠶᠢᠨᠠ᠃
ᠴᠢᠳᠦᠷ ᠦᠨ ᠪᠠᠷᠠᠭᠤᠨ᠂ ᠵᠡᠭᠦᠨ ᠠᠯᠠᠭᠠ ᠠᠳᠠᠯᠢ ᠬᠡᠮᠵᠢᠶᠡ ᠲᠡᠢ ᠃
ᠮᠤᠰᠬᠢᠨ ᠲᠣᠮᠣᠭᠰᠠᠨ ᠠᠴᠠ ᠡᠷᠴᠢᠯᠡᠯᠲᠡ ᠪᠡᠷ ᠢᠯᠡᠭᠦᠦ ᠨᠢᠭᠲᠠ ᠤᠴᠢᠷ ᠪᠣᠷᠣᠭᠠᠨ ᠳᠤ ᠪᠠᠭᠠ ᠨᠣᠷᠤᠨᠠ᠃
ᠪᠠᠭᠠ ᠨᠠᠰᠤᠨ ᠤ ᠡᠮᠨᠢᠭ ᠮᠣᠷᠢᠨ ᠳᠤ ᠬᠠᠮᠤᠭ ᠤᠨ ᠪᠥᠬᠡ ᠵᠥᠭᠡᠯᠡᠨ ᠰᠤᠷ ᠢᠶᠠᠷ ᠬᠢᠭᠰᠡᠨ᠂ ᠬᠥᠯ ᠳᠦ ᠨᠢ ᠶᠠᠭ ᠲᠣᠬᠢᠷᠠᠭᠰᠠᠨ ᠴᠢᠳᠦᠷ ᠬᠡᠷᠡᠭᠯᠡᠬᠦ ᠦᠭᠡᠢ ᠪᠣᠯ ᠬᠥᠯ ᠢᠶᠡᠨ ᠭᠡᠮᠲᠦᠭᠡᠬᠦ ᠪᠤᠶᠤ ᠴᠢᠳᠦᠷ ᠢᠶᠡᠨ ᠤᠷᠠᠵᠤ ᠲᠠᠰᠤᠳᠠᠵᠤ ᠪᠣᠯᠤᠨᠠ᠃ ᠶᠡᠷᠦ ᠨᠢ ᠮᠣᠷᠢᠨ ᠳᠤ ᠲᠣᠬᠢᠷᠠᠭᠠ ᠦᠭᠡᠢ ᠴᠢᠳᠦᠷ ᠬᠡᠷᠡᠭᠯᠡᠭᠰᠡᠨ ᠡᠴᠡ ᠪᠣᠯᠵᠤ ᠮᠣᠷᠢᠨ ᠤ ᠬᠥᠯ ᠰᠢᠷᠬᠠᠯᠠᠵᠤ ᠡᠪᠡᠳᠴᠢᠯᠡᠬᠦ ᠪᠤᠶᠤ ᠶᠠᠰᠤ ᠨᠢ ᠭᠡᠮᠲᠦᠵᠦ ᠪᠤᠷᠤᠤ ᠰᠠᠭᠤᠬᠤ ᠶᠢ ᠠᠩᠬᠠᠷᠬᠤ ᠨᠢ ᠵᠦᠢᠲᠡᠢ᠃
ᠴᠢᠳᠦᠷ ᠲᠦ ᠲᠣᠭᠲᠠᠬᠤ ᠦᠭᠡᠢ᠂ ᠬᠣᠯᠠ ᠶᠠᠪᠤᠳᠠᠭ ᠮᠣᠷᠢᠨ ᠳᠤ ᠳᠥᠷᠪᠡᠨ ᠠᠯᠠᠭᠠ ᠲᠠᠢ ᠪᠤᠷᠤᠭᠤ ᠬᠣᠶᠢᠲᠤ ᠬᠠ ᠨᠢ ᠪᠣᠭᠣᠨᠢ ᠴᠢᠳᠦᠷ ᠲᠣᠬᠢᠷᠠᠨᠠ᠃ ᠴᠢᠳᠦᠷ ᠦᠨ ᠤᠷᠢᠳᠦ 2 ᠬᠠ ᠳᠤ ᠪᠠᠴᠢᠯᠳᠤᠭᠠ᠂ ᠬᠣᠶᠢᠳᠤ ᠬᠠ ᠳᠤ ᠪᠣᠷᠪᠢᠯᠳᠤᠭᠠᠨ ᠤ ᠨᠡᠮᠡᠯᠲᠡ ᠭᠣᠭᠴᠣᠭᠠ ᠬᠡᠷᠡᠭᠯᠡᠵᠦ ᠪᠣᠯᠤᠨᠠ᠃ ᠴᠢᠳᠦᠷ ᠦᠨ ᠬᠠ ᠶᠢ ᠵᠢᠭᠳᠡ ᠪᠢᠰᠢ ᠪᠣᠯᠭᠠᠬᠤ ᠳᠤ ᠶᠠᠮᠠᠷ ᠴᠤ ᠮᠣᠷᠢ ᠭᠡᠰᠡᠨ ᠬᠣᠯᠠ ᠶᠠᠪᠤᠵᠤ ᠴᠢᠳᠠᠬᠤ ᠦᠭᠡᠢ᠃
ᠪᠣᠷᠣᠭᠠ ᠲᠠᠢ ᠦᠶᠡ ᠳᠦ ᠴᠢᠳᠦᠷ ᠢᠶᠡᠨ ᠥᠭᠡᠬᠦᠨ ᠲᠣᠰᠣ ᠪᠠᠷ ᠲᠣᠰᠣᠯᠠᠵᠤ ᠬᠠᠮᠠᠭᠠᠯᠠᠪᠠᠯ ᠵᠣᠬᠢᠨᠠ᠃