1. ᠠᠷᠪᠠᠨ ᠭᠤᠷᠪᠠᠨ ᠶᠡᠬᠡ᠃ ᠮᠠᠩᠨᠠᠢ᠂ ᠡᠷᠡᠦ᠂ ᠬᠥᠮᠥᠰᠬᠡ᠂ ᠪᠦᠭᠦᠳᠡ ᠶᠠᠰᠤ ᠨᠢᠷᠤᠭᠤ᠂ ᠭᠡᠳᠡᠰᠦ᠂ ᠬᠥᠬᠡ ᠮᠢᠬᠠ᠂ ᠪᠤᠯᠴᠢᠩ᠂᠂ ᠳᠥᠷᠪᠡᠨ ᠲᠤᠭᠤᠷᠠᠢ᠃
2. ᠶᠢᠰᠦᠨ ᠤᠷᠲᠤ᠃ ᠳᠥᠷᠪᠡᠨ ᠰᠢᠯᠪᠢ᠂ ᠨᠢᠷᠤᠭᠤ᠂ ᠬᠣᠩᠰᠢᠶᠠᠷ ᠂ ᠰᠠᠭᠠᠭ᠂ ᠬᠡᠯᠡ᠂ ᠴᠢᠬᠢ᠃
3. ᠵᠢᠷᠭᠤᠭᠠᠨ ᠪᠦᠳᠦᠭᠦᠨ᠃ ᠬᠣᠶᠠᠷ ᠴᠢᠬᠢᠨ ᠦ ᠤᠭ᠂ ᠲᠣᠯᠣᠭᠠᠢ ᠶᠢᠨ ᠬᠡᠪ᠂ ᠬᠥᠯ ᠦᠨ ᠤᠭ᠂ ᠰᠡᠭᠦᠯ ᠦᠨ ᠤᠭ᠂ ᠤᠮᠠᠳᠠᠭ᠃
4. ᠶᠢᠰᠦᠨ ᠠᠭᠤᠤ᠃ ᠳᠥᠷᠪᠡᠨ ᠲᠤᠭᠤᠷᠠᠢ᠂ ᠬᠠᠮᠠᠷ ᠤᠨ ᠨᠦᠬᠡ᠂ ᠬᠣᠶᠠᠷ ᠴᠢᠬᠢᠨ ᠦ ᠬᠣᠩᠬᠣᠷ᠂ ᠠᠮᠠᠷᠠᠤ᠂ ᠴᠠᠪᠢ᠃
5. ᠲᠠᠪᠤᠨ ᠠᠬᠠᠷ᠃ ᠰᠡᠭᠦᠯ᠂ ᠪᠤᠭᠤᠯᠠᠭᠠ ᠂ ᠪᠡᠷᠪᠡᠬᠡᠢ᠂ ᠬᠠᠵᠠᠯᠠᠭᠤᠷ
6. ᠭᠤᠷᠪᠠᠨ ᠥᠨᠳᠥᠷ᠃ (ᠳᠤᠬᠤ ᠣᠪᠣᠭᠠ) ᠮᠤᠨᠳᠠᠭᠠ᠂ ᠬᠠᠷᠭᠠᠮ ᠭᠡᠵᠦ ᠬᠤᠷᠳᠤᠨ ᠮᠣᠷᠢᠨ ᠤ ᠲᠤᠬᠠᠢ ᠰᠤᠳᠤᠷ ᠲᠤ ᠪᠢᠴᠢᠭᠰᠡᠨ ᠪᠠᠶᠢᠳᠠᠭ ᠣᠯᠠᠨ ᠵᠢᠯ ᠬᠤᠷᠳᠤᠨ ᠮᠣᠷᠢ ᠤᠶᠠᠵᠤ ᠣᠶᠢᠷᠠ ᠬᠣᠯᠠ ᠶᠢᠨ ᠨᠠᠭᠠᠳᠤᠮ ᠳᠤ ᠴᠠᠭᠠᠨ ᠶᠠᠭᠤᠮᠠ ᠪᠠᠷ ᠮᠢᠯᠢᠶᠠᠯᠭᠠᠵᠤ ᠮᠠᠩᠨᠠᠢ ᠲᠡᠨᠢᠢᠨ ᠪᠠᠶᠠᠷᠯᠠᠵᠤ ᠶᠠᠪᠤᠭᠰᠠᠨ ᠬᠠᠰᠢᠷ ᠨᠠᠭᠠᠳᠤᠮᠴᠢᠳ ᠲᠠᠢ ᠠᠭᠤᠯᠵᠠᠬᠤ ᠳᠤ ᠣᠯᠠᠨ ᠰᠣᠨᠢᠨ ᠰᠢᠨᠵᠢ ᠲᠡᠮᠳᠡᠭ ᠠᠵᠢᠯ ᠤᠨ ᠠᠷᠭᠠ ᠲᠤᠷᠰᠢᠯᠭᠠ ᠰᠣᠨᠣᠰᠴᠤ ᠪᠣᠯᠤᠨᠠ᠃
ᠰᠠᠶᠢᠨ ᠤᠶᠠᠭᠠᠴᠢᠨ ᠪᠣᠯᠵᠤ ᠮᠣᠷᠢ ᠲᠠᠨᠢᠵᠤ ᠭᠡᠪᠡᠯ ᠬᠠᠰᠢᠷ ᠤᠶᠠᠭᠠᠴᠢᠳ ᠠᠴᠠ ᠬᠣᠯᠠᠳᠠᠵᠤ ᠪᠣᠯᠬᠤ ᠦᠭᠡᠢ ᠃
ᠬᠤᠷᠳᠤᠨ ᠮᠣᠷᠢᠨ ᠳᠤ ᠪᠢᠷᠠ ᠲᠠᠢ ᠮᠣᠷᠢᠨ ᠤ ᠰᠢᠨᠵᠢ ᠬᠡᠯᠪᠡᠷᠢ ᠪᠠᠶᠢᠬᠤ ᠪᠣᠯᠪᠠᠴᠤ ᠲᠣᠯᠣᠭᠠᠢ ᠶᠢᠨ ᠶᠠᠰᠤ ᠵᠢᠵᠢᠭᠡᠪᠲᠦᠷ ᠪᠦᠬᠦ ᠪᠡᠶᠡ ᠨᠢ ᠤᠷᠲᠤ ᠪᠠᠶᠢᠪᠠᠯ ᠦᠭᠡᠢ ᠳᠠᠪᠬᠢᠵᠤ ᠴᠢᠳᠠᠨᠠ᠃ ᠬᠥᠯ ᠨᠢ ᠤᠷᠲᠤ ᠪᠦᠬᠦ ᠪᠡᠶᠡ ᠶᠢᠨ ᠦᠶᠡ ᠪᠣᠯᠤᠨ ᠳᠡᠯ᠂ ᠰᠡᠭᠦᠯ᠂ ᠰᠠᠭᠠᠭ ᠤᠨ ᠬᠢᠯᠭᠠᠰᠤ ᠰᠢᠩᠭᠡᠨ ᠰᠡᠶᠢᠷᠡᠭ᠂ ᠠᠷᠠᠰᠤ ᠨᠢ ᠡᠯᠪᠡᠭ ᠰᠤᠯᠠᠬᠠᠨ ᠪᠠᠶᠢᠪᠠᠯ ᠠᠷᠠᠰᠤ ᠨᠢ ᠲᠠᠯᠠ ᠪᠠᠷ ᠢᠶᠠᠨ ᠲᠠᠯᠪᠢᠭᠤ ᠤᠶᠠᠭᠠ ᠦᠭᠡᠢ ᠪᠠᠶᠢᠬᠤ ᠳᠤ ᠭᠡᠳᠡᠰᠦ ᠶᠡᠬᠡ ᠲᠡᠢ᠃ ᠳᠠᠪᠬᠢᠵᠤ ᠬᠤᠷᠳᠤᠯᠠᠬᠤ ᠳᠤ ᠪᠠᠨ ᠬᠠᠷᠠᠶᠢᠯᠲᠠ ᠰᠠᠶᠢᠨ ᠪᠡᠶᠡ ᠨᠢ ᠬᠥᠰᠢᠬᠦ ᠦᠭᠡᠢ᠂ ᠵᠤ ᠨᠢᠷᠤᠭᠤ ᠪᠠᠷ ᠢᠶᠠᠨ ᠪᠠᠷᠢᠬᠤ ᠦᠭᠡᠢ᠂ ᠠᠮᠢᠰᠬᠤᠭᠠ ᠳᠠᠪᠬᠢᠯᠲᠠ ᠰᠠᠶᠢᠨ ᠲᠠᠢ ᠪᠠᠶᠢᠳᠠᠭ᠃
ᠮᠥᠨ ᠬᠥᠵᠦᠭᠦᠦ ᠤᠷᠲᠤ᠂ ᠨᠢᠷᠤᠭᠤ ᠲᠡᠭᠰᠢ ᠬᠣᠲᠣᠭᠣᠷ᠂ ᠲᠡᠩᠴᠡᠭᠦᠦ᠂ ᠭᠡᠳᠡᠰᠦ ᠴᠦᠳᠡᠭᠡᠷ (ᠨᠤᠮᠤᠨ ᠪᠤᠰᠤ) ᠲᠠᠯᠪᠢᠭᠤᠨ ᠲᠣᠯᠣᠭᠠᠢ ᠬᠥᠩᠭᠡᠨ ᠶᠠᠰᠤᠷᠬᠠᠭ ᠨᠢᠳᠦ ᠴᠠᠭᠠᠨᠠ᠂ ᠵᠣᠪᠬᠢ ᠵᠤᠵᠠᠭᠠᠨ ᠬᠥᠯ ᠰᠢᠯᠤᠭᠤᠨ᠂ ᠪᠡᠷᠪᠡᠬᠡᠢ ᠪᠣᠰᠤᠭᠠ ᠬᠥᠯ ᠦᠨ ᠰᠡᠶᠢᠮᠡᠬᠡᠢ ᠶᠡᠬᠡ᠂ ᠬᠣᠶᠢᠲᠤ ᠬᠣᠶᠠᠷ ᠬᠥᠯ ᠵᠠᠶᠢᠲᠠᠢ᠂ ᠰᠦᠪᠡᠭᠡ ᠲᠠᠰᠢᠶᠠᠨ ᠲᠣᠯᠣᠭᠠᠢ ᠶᠢᠨ ᠬᠣᠭᠣᠷᠣᠨᠳᠣᠬᠢ ᠵᠠᠢ ᠶᠡᠬᠡ᠂ ᠬᠠᠪᠢᠷᠭᠠ ᠪᠠᠷ ᠢᠶᠠᠨ ᠬᠠᠪᠴᠢᠭ ᠪᠤᠰᠤ᠂ ᠬᠠᠮᠠᠷ ᠤᠨ ᠨᠦᠬᠡ ᠲᠣᠮᠣ᠂ ᠬᠣᠩᠰᠢᠶᠠᠷ ᠨᠠᠮ ᠲᠡᠭᠰᠢ᠂ ᠴᠢᠬᠢ ᠤᠷᠲᠤ᠂ ᠬᠣᠯᠪᠣᠭᠠ ᠰᠣᠭᠣᠲᠣᠩ᠂ ᠳᠡᠯ᠂ ᠰᠡᠭᠦᠯ ᠰᠢᠩᠭᠡᠨ᠂ ᠡᠷᠭᠢᠭᠦᠯᠭᠡ ᠣᠯᠠᠨ ᠡᠷᠡᠭᠦᠨ ᠦ ᠬᠣᠩᠬᠣᠷ ᠵᠠᠢ ᠶᠡᠬᠡ᠂ ᠳᠥᠷᠪᠡᠨ ᠬᠥᠯ ᠦᠨ ᠰᠠᠮᠤᠷᠤᠯᠲᠠ ᠭᠠᠳᠠᠭᠰᠢ ᠬᠠᠶᠠᠯᠭᠠ ᠲᠠᠢ ᠮᠣᠷᠢ ᠬᠤᠷᠳᠤᠨ ᠭᠡᠵᠦ ᠶᠠᠷᠢᠳᠠᠭ᠃