ᠠᠳᠤᠭᠤ ᠨᠢ ᠤᠨᠤᠬᠤ ᠳᠤ ᠱᠠᠯᠠᠮᠠᠭ ᠬᠥᠩᠭᠡᠨ ᠂ ᠤᠷᠤᠯᠳᠤᠬᠤ ᠳᠤ ᠬᠤᠷᠳᠤᠨ᠂ ᠳᠡᠯ᠂ ᠬᠢᠯᠭᠠᠰᠤ᠂ ᠥᠭᠳᠡᠭ ᠪᠠᠰᠠ ᠠᠮᠲᠠᠯᠢᠭ ᠴᠠᠭᠠᠨ ᠠᠶᠢᠷᠠᠭ ᠢᠶᠠᠷ ᠢᠶᠠᠨ ᠠᠯᠳᠠᠷᠲᠠᠢ ᠮᠠᠯ ᠪᠢᠯᠡ᠃ ᠠᠳᠤᠭᠤᠨ ᠤ ᠥᠭᠡᠬᠦ᠂ ᠲᠣᠰᠣ ᠡᠴᠡ ᠠᠪᠬᠠᠭᠤᠯᠵᠤ ᠨᠠᠮᠤᠷ ᠤᠨ ᠬᠠᠯᠲᠠᠷ ᠬᠤᠮᠤᠯ ᠨᠢ ᠬᠦᠷᠲᠡᠯᠡ ᠨᠠᠨᠳᠢᠨ ᠰᠠᠶᠢᠨ ᠲᠡᠵᠢᠭᠡᠯ ᠳᠦ ᠲᠣᠭᠠᠯᠠᠭᠳᠠᠨᠠ᠃
1 ᠠᠳᠤᠭᠤᠨ ᠤ ᠥᠭᠡᠬᠦ ᠤᠳᠠᠭᠠᠨ ᠴᠠᠷᠴᠠᠬᠤ ᠠᠴᠠ ᠭᠠᠳᠠᠨᠠ ᠢᠯᠴᠢ ᠶᠡᠬᠡ ᠲᠡᠢ ᠲᠤᠯᠠ ᠵᠢᠵᠢᠭᠯᠡᠨ ᠬᠡᠷᠴᠢᠵᠦ᠂ ᠳᠣᠷᠣᠶᠢᠲᠠᠭᠰᠠᠨ ᠮᠠᠯ ᠳᠤ ᠡᠳᠦᠷ ᠲᠦ 1 ᠤᠳᠠᠭᠠ ᠬᠡᠪᠲᠡᠷᠢ ᠳᠦ ᠨᠢ ᠬᠡᠪᠢᠭ ᠪᠠ ᠬᠦᠴᠦᠲᠦ ᠲᠡᠵᠢᠭᠡᠯ ᠲᠡᠢ ᠬᠣᠯᠢᠵᠤ ᠪᠣᠳᠠ ᠮᠠᠯ ᠳᠤ 150-200 ᠭᠷᠦᠶᠫ ᠪᠣᠭ ᠮᠠᠯ ᠳᠤ 40-60 ᠭᠷᠦᠶᠫ ᠥᠭᠬᠦ ᠳᠦ ᠰᠠᠶᠢᠨ ᠲᠡᠵᠢᠭᠡᠯ ᠪᠣᠯᠳᠠᠭ᠃
2 ᠠᠳᠤᠭᠤᠨ ᠤ ᠨᠠᠮᠤᠷ ᠤᠨ ᠬᠠᠯᠲᠠᠷ ᠬᠣᠮᠣᠯ ᠵᠤᠳ ᠲᠠᠢ ᠨᠥᠬᠥᠴᠡᠯ ᠳᠦ ᠶᠠᠳᠠᠷᠠᠭᠰᠠᠨ ᠮᠠᠯ ᠳᠤ ᠪᠦᠬᠦᠯᠢ ᠪᠡᠷ ᠨᠢ ᠪᠤᠶᠤ ᠭᠡᠰᠡᠭᠯᠡᠨ ᠬᠤᠵᠢᠷ ᠱᠦ᠋ ᠲᠡᠢ ᠣᠩᠭᠣᠴᠠᠨ ᠳᠤ ᠬᠢᠵᠦ ᠥᠭᠬᠦ ᠳᠦ ᠰᠠᠶᠢᠨ ᠲᠡᠵᠢᠭᠡᠯ ᠪᠣᠯᠳᠠᠭ᠃ ᠵᠤᠳ ᠲᠠᠢ ᠡᠪᠦᠯ᠂ ᠦᠬᠡᠷ ᠢ ᠰᠠᠶᠢᠨ ᠤᠰᠤᠯᠠᠵᠤ᠂ ᠠᠳᠤᠭᠤᠨ ᠤ ᠬᠠᠯᠲᠠᠷ ᠬᠣᠮᠣᠯ ᠲᠠᠢ ᠭᠠᠵᠠᠷ ᠪᠡᠯᠴᠢᠭᠡᠵᠦ ᠢᠳᠡᠭᠦᠯᠦᠭᠡᠳ ᠴᠠᠭ ᠢ ᠰᠠᠶᠢᠨ ᠲᠤᠭᠤᠯᠵᠤ ᠪᠠᠶᠢᠭᠰᠠᠨ ᠲᠤᠷᠰᠢᠯᠭᠠ ᠪᠤᠢ᠃
3 ᠠᠳᠤᠭᠤᠨ ᠤ ᠱᠥᠯᠥ᠂ ᠲᠦᠭᠦᠬᠡᠢ ᠡᠯᠢᠭᠡ ᠶᠢ ᠳᠥᠷᠪᠡᠯᠵᠢᠯᠡᠨ ᠬᠡᠷᠴᠢᠭᠡᠳ ᠶᠠᠳᠠᠷᠠᠭᠰᠠᠨ ᠲᠡᠮᠡᠭᠡ ᠪᠣᠭ ᠮᠠᠯ ᠳᠤ ᠥᠭᠬᠦ ᠳᠦ ᠰᠠᠶᠢᠨ ᠲᠡᠵᠢᠭᠡᠯ ᠪᠣᠯᠵᠤ ᠲᠡᠩᠬᠡᠷᠡᠳᠡᠭ ᠶᠤᠮ᠃ ᠠᠳᠤᠭᠤᠨ ᠤ ᠮᠢᠬᠠ ᠪᠠᠷ ᠰᠢᠵᠠ ᠬᠢᠵᠦ ᠮᠠᠯ ᠃
4 ᠠᠳᠤᠭᠤᠨ ᠤ ᠬᠢᠯᠭᠠᠰᠤ ᠶᠢ ᠪᠡᠯᠡᠳᠬᠡᠭᠡᠳ ᠥᠭᠬᠦ ᠡᠴᠡ ᠭᠠᠳᠠᠨᠠ ᠭᠡᠷ ᠦᠨ ᠣᠭᠣᠰᠣᠷ ᠪᠦᠴᠡ ᠮᠣᠷᠢᠨ ᠤ ᠴᠢᠳᠦᠷ᠂ ᠡᠮᠡᠭᠡᠯ ᠦᠨ ᠣᠯᠣᠩ ᠪᠣᠯᠤᠨᠠ᠃ ᠰᠢᠷᠢ ᠪᠡᠷ ᠭᠤᠲᠤᠯ ᠤᠨ ᠤᠯᠠ᠂ ᠢᠳᠡᠭᠡᠯᠡᠨ ᠰᠤᠷ ᠵᠡᠯᠡ᠂ ᠵᠢᠷᠢᠮ᠂ ᠴᠢᠳᠦᠷ ᠬᠢᠵᠦ ᠪᠣᠯᠤᠨᠠ᠃
5 ᠠᠳᠤᠭᠤᠨ ᠤ ᠬᠣᠳᠣᠭᠣᠳᠣᠨ ᠤ ᠰᠢᠭᠦᠰᠦ ᠲᠥᠯ ᠦᠨ ᠡᠪᠡᠳᠴᠢᠨ ᠳᠦ ᠰᠠᠶᠢᠨ ᠠᠴᠢ ᠲᠤᠰᠠ ᠲᠠᠢ᠃ ᠠᠳᠤᠭᠤᠨ ᠤ ᠬᠣᠳᠣᠭᠣᠳᠣᠨ ᠤ ᠰᠢᠭᠦᠰᠦ ᠠᠪᠬᠤ ᠳᠤ ᠪᠠᠨ ᠡᠷᠡᠭᠦᠯ ᠮᠡᠨᠳᠦ ᠶᠢᠨ ᠦᠵᠡᠯᠭᠡ ᠬᠢᠵᠦ᠂ ᠡᠷᠡᠭᠦᠯ ᠲᠠᠷᠭᠤ ᠬᠦᠴᠦ ᠪᠡᠷ ᠳᠤᠮᠳᠠ ᠠᠳᠤᠭᠤ ᠶᠢ ᠰᠣᠩᠭᠣᠵᠤ ᠠᠪᠤᠨᠠ᠃ ᠬᠣᠳᠣᠭᠣᠳᠣᠨ ᠤ ᠰᠢᠭᠦᠰᠦ ᠠᠪᠬᠤ ᠠᠳᠤᠭᠤ ᠶᠢ 12-14 ᠴᠠᠭ ᠰᠣᠶᠢᠨᠠ᠂ ᠰᠢᠭᠦᠰᠦ ᠠᠪᠬᠤ ᠳᠤ ᠪᠠᠨ 15 ᠮᠢᠯᠯᠢᠮᠧᠲ᠋ᠷ ᠪᠦᠳᠦᠭᠦᠨ 2.5 ᠤᠷᠲᠤ ᠬᠣᠳᠣᠭᠣᠳᠣᠨ ᠳᠤ ᠤᠷᠤᠬᠤ ᠦᠵᠦᠭᠦᠷ ᠲᠦ ᠪᠡᠨ ᠨᠦᠬᠡ ᠲᠠᠢ ᠰᠣᠷᠣᠭᠣᠯ ᠭᠤᠤᠷᠰᠤ ᠰᠣᠩᠭᠣᠵᠤ ᠠᠪᠬᠤ ᠬᠡᠷᠡᠭᠲᠡᠢ᠃
ᠰᠢᠭᠦᠰᠦ ᠠᠪᠬᠤ ᠳᠤ ᠪᠠᠨ ᠮᠣᠷᠢ ᠶᠢ ᠰᠠᠶᠢᠨ ᠪᠡᠬᠢᠯᠡᠵᠦ ᠬᠠᠮᠠᠷ ᠤᠨ ᠥᠭᠡᠳᠡ ᠬᠥᠨᠳᠡᠢ ᠪᠡᠷ ᠭᠤᠤᠷᠰᠤ ᠶᠢ ᠠᠭᠠᠵᠢᠮ ᠭᠤᠯᠭᠤᠭᠤᠯᠤᠨ ᠲᠦᠯᠬᠢᠵᠦ ᠪᠠᠭᠠᠯᠵᠤᠷ ᠲᠤ ᠣᠷᠣᠮᠠᠭᠴᠠ ᠠᠭᠠᠵᠢᠮ ᠪᠣᠯᠭᠠᠨ ᠤᠯᠠᠭᠠᠨ ᠬᠣᠭᠣᠯᠠᠢ ᠳᠤ ᠣᠷᠣᠭᠤᠯᠵᠤ ᠴᠠᠭᠠᠰᠢᠯᠠᠭᠤᠯᠤᠨᠠ᠃
ᠭᠤᠤᠷᠰᠤ 160-180 ᠰᠠᠨᠲ᠋ᠢᠮᠧᠲ᠋ᠷ ᠣᠷᠴᠢᠮ ᠣᠷᠣᠬᠤ ᠳᠤ ᠬᠣᠳᠣᠭᠣᠳᠣᠨ ᠤ ᠳᠣᠲᠣᠷᠠᠬᠢ ᠢᠰᠬᠦᠯᠡᠨᠭ ᠦᠨᠦᠷ ᠬᠨᠨᠭᠬᠠᠯᠠᠨ ᠦᠯᠢᠶᠡᠬᠦ ᠳᠦ ᠰᠢᠭᠦᠰᠦ ᠭᠠᠷᠤᠨᠠ᠃ ᠠᠳᠤᠭᠤᠨ ᠤ ᠰᠢᠭᠦᠰᠦ ᠰᠠᠶᠢᠨ ᠪᠣᠯ 15-20 ᠮᠢᠨᠦ᠋ᠲ ᠤᠨ ᠵᠠᠶᠢᠲᠠᠢ ᠪᠠᠷ ᠬᠡᠳᠦ ᠬᠡᠳᠦᠨ ᠤᠳᠠᠭᠠ ᠠᠪᠴᠤ ᠪᠣᠯᠤᠨᠠ᠃ ᠠᠪᠤᠭᠰᠠᠨ ᠰᠢᠭᠦᠰᠦ ᠶᠢ ᠬᠡᠳᠦᠨ ᠳᠠᠪᠬᠤᠷ ᠮᠠᠷᠯᠢ ᠬᠥᠪᠦᠩ ᠢᠶᠡᠷ ᠰᠢᠭᠦᠵᠦ ᠲᠡᠵᠢᠭᠡᠯ ᠰᠠᠯᠢᠰᠤᠨ ᠠᠴᠠ ᠴᠡᠪᠡᠷᠯᠡᠵᠦ ᠰᠡᠷᠢᠭᠦᠨ ᠭᠠᠵᠠᠷ ᠬᠠᠳᠠᠭᠠᠯᠠᠪᠠᠯ ᠰᠠᠷᠠ ᠶᠢᠨ ᠲᠤᠷᠰᠢᠳᠠ ᠬᠡᠷᠡᠭᠯᠡᠵᠦ ᠪᠣᠯᠤᠨᠠ᠃ᠬᠣᠳᠣᠭᠣᠳᠣᠨ ᠤ ᠰᠢᠭᠦᠰᠦ ᠶᠢ ᠲᠤᠭᠤᠯ ᠤᠨ ᠡᠬᠢᠨ ᠦ ᠠᠮᠠᠯᠠᠯᠲᠠ ᠪᠠᠷ 20-40 ᠮᠢᠯᠯᠢᠯᠢᠲ᠋ᠷ᠂ ᠬᠤᠷᠠᠭᠠ ᠢᠰᠢᠭᠡᠨ ᠳᠦ 5 ᠮᠢᠯᠯᠢᠯᠢᠲ᠋ᠷ ᠦᠭᠬᠦ ᠵᠢᠱᠢᠶᠡ ᠲᠡᠢ ᠬᠡᠷᠡᠭᠯᠡᠨᠡ᠃