ᠠᠳᠤᠭᠤ ᠤᠨᠤᠯᠭᠠ ᠮᠠᠯ᠃ ᠠᠳᠤᠭᠤ ᠶᠢ ᠠᠴᠠ ᠨᠢ ᠡᠬᠢᠯᠡᠵᠦ ᠤᠨᠤᠯᠭᠠ ᠳᠦ ᠰᠤᠷᠭᠠᠵᠤ ᠢᠷᠡᠭᠰᠡᠨ ᠵᠠᠩᠰᠢᠯ ᠲᠠᠢ᠃ ᠤᠨᠠᠭᠠᠨ ᠳᠤ ᠨᠢ ᠤᠶᠠ᠂ ᠳᠤ ᠨᠢ ᠳᠠᠭᠢ᠂ ᠰᠢᠳᠦᠯᠡᠩ ᠳᠦ ᠨᠢ ᠰᠢᠲᠦ᠂ ᠳᠤ ᠨᠢ ᠰᠣᠢ ᠭᠡᠳᠡᠭ ᠵᠢᠷ ᠦᠨ ᠨᠢᠭᠡᠨ ᠦᠭᠡ ᠪᠢᠰᠢ᠃ ᠠᠳᠤᠭᠤ ᠶᠢ ᠨᠠᠰᠤᠨ ᠤ ᠥᠰᠦᠯᠲᠡ ᠪᠣᠶᠢᠵᠢᠯᠲᠠᠨ ᠳᠤ ᠲᠣᠬᠢᠷᠠᠭᠤᠯᠵᠤ ᠡᠳ᠋ᠯᠡᠵᠦ ᠠᠰᠢᠭᠯᠠᠬᠤ ᠲᠤᠬᠠᠢ ᠰᠤᠷᠭᠠᠯ ᠶᠤᠮ᠃
ᠳᠠᠭᠠ ᠶᠢ ᠬᠠᠪᠤᠷ ᠨᠣᠭᠣᠭᠠᠨ ᠳᠤ ᠴᠠᠳᠬᠤ ᠶᠢᠨ ᠡᠮᠦᠨᠡ ᠪᠢᠷᠠ ᠴᠢᠳᠠᠯ ᠪᠦᠷᠢᠨ ᠭᠦᠢᠴᠡᠭᠡ ᠦᠭᠡᠢ ᠦᠶᠡ ᠳᠦ ᠰᠤᠷᠭᠠᠬᠤ ᠨᠢ ᠠᠰᠢᠭᠲᠠᠢ ᠡᠮᠨᠢᠭ ᠳᠠᠭᠠ ᠶᠢ ᠤᠷᠭᠠᠯᠠᠵᠤ ᠠᠮᠢᠰᠬᠤᠭᠠᠨ ᠳᠡᠭᠡᠷᠡ ᠨᠢ ᠡᠮᠡᠭᠡᠯᠯᠡᠵᠦ ᠮᠣᠷᠳᠠᠬᠤ ᠬᠡᠷᠡᠭᠲᠡᠢ᠃ ᠲᠡᠷᠡ ᠮᠣᠷᠢᠨ ᠤ ᠴᠢᠨᠠᠭᠰᠢᠳᠠ ᠡᠳ᠋ᠯᠡᠭᠳᠡᠬᠦ ᠳᠦ ᠰᠤᠷᠬᠤ ᠪᠦᠬᠦ ᠵᠠᠩ ᠠᠭᠠᠰᠢ ᠶᠢ ᠰᠤᠷᠭᠠᠭᠰᠠᠨ ᠲᠥᠷᠬᠥ ᠪᠠᠶᠢᠳᠠᠯ ᠲᠣᠭᠲᠠᠭᠠᠵᠤ ᠥᠭᠳᠡᠭ᠃
ᠳᠠᠭᠠ ᠶᠢ ᠡᠮᠨᠢᠭ ᠡᠬᠢᠯᠡᠵᠦ ᠲᠣᠭᠲᠠᠭᠠᠵᠤ ᠮᠣᠷᠳᠠᠵᠤ ᠦᠭᠡᠢ ᠡᠴᠡ ᠬᠣᠷᠮᠣᠢ ᠣᠷᠢᠶᠠᠵᠤ ᠡᠷᠭᠢᠬᠦ᠂ ᠬᠥᠲᠥᠯᠵᠦ ᠬᠥᠳᠡᠯᠭᠡᠵᠦ ᠰᠤᠷᠭᠠᠭᠰᠠᠨ ᠠᠴᠠ ᠴᠠᠮᠬᠠ ᠲᠠᠢ ᠪᠣᠯᠬᠤ᠂ ᠰᠤᠯᠠᠯᠵᠤ ᠣᠷᠬᠢᠬᠤ ᠦᠭᠡᠢ ᠡᠴᠡ ᠰᠠᠭᠤᠬᠤ᠂ ᠰᠠᠯᠠᠩ ᠮᠠᠭᠤ ᠴᠢᠳᠦᠷᠯᠡᠭᠰᠡᠨ ᠡᠴᠡ ᠴᠢᠳᠦᠷ ᠲᠦ ᠲᠣᠭᠲᠠᠪᠤᠷᠢ ᠦᠭᠡᠢ ᠪᠣᠯᠬᠤ᠂ ᠠᠮᠠ ᠶᠢ ᠲᠤᠭᠲᠤᠷᠤᠭᠰᠠᠨ ᠠᠴᠠ ᠭᠡᠳᠡᠴᠢᠭᠡ ᠪᠣᠯᠬᠤ᠂ ᠣᠯᠠᠨ ᠭᠤᠶᠠᠳᠠᠭᠰᠠᠨ ᠠᠴᠠ ᠰᠢᠷᠪᠠᠭᠠ ᠪᠣᠯᠬᠤ᠂ ᠠᠶᠢᠯ᠂ ᠮᠠᠯ ᠦᠵᠡᠭᠡᠳ ᠂ ᠪᠤᠰᠬᠠᠬᠤ᠂ ᠵᠥᠷᠢᠵᠦ ᠢᠰᠭᠦᠯᠬᠦ᠂ ᠡᠬᠢᠯᠡᠭᠡᠳ ᠰᠢᠷᠦᠭᠦᠨ ᠤᠨᠠᠵᠤ ᠬᠡᠳᠦᠨ ᠤᠳᠠᠭᠠ ᠵᠣᠭᠰᠣᠭᠠᠪᠠᠯ ᠬᠠᠱᠠᠩ ᠪᠣᠯᠬᠤ ᠵᠡᠷᠭᠡ ᠶᠢ ᠵᠠᠯᠠᠭᠤᠴᠤᠳ ᠬᠡᠷᠡᠭᠲᠡᠢ᠃ ᠬᠤᠯᠠᠳᠤ ᠰᠤᠮᠤ ᠬᠠᠩᠭᠠᠯ ᠡᠮᠨᠢᠭ ᠰᠤᠮᠤ ᠪᠣᠯᠬᠤ ᠵᠣᠷᠢᠯᠲᠠ ᠲᠠᠯᠪᠢᠵᠤ᠂ ᠠᠶᠢᠮᠠᠭ ᠤᠨ ᠨᠠᠮ ᠤᠨ ᠬᠣᠷᠢᠶᠠ᠂ ᠨᠢᠭᠡᠳᠦᠯᠵᠢᠬᠦ ᠬᠥᠳᠡᠯᠭᠡᠭᠡᠨ ᠢᠯᠠᠭᠰᠠᠨ ᠤ 10 ᠵᠢᠯ ᠦᠨ ᠣᠢ ᠤᠭᠲᠤᠵᠤ ᠪᠦᠬᠦ ᠳᠠᠭᠠ ᠰᠤᠷᠭᠠᠬᠤ ᠵᠣᠷᠢᠯᠲᠠ ᠨᠢ ᠬᠡᠭᠡᠷᠡ ᠶᠢᠨ ᠰᠠᠯᠬᠢ ᠨᠢᠷᠤᠭᠤ ᠶᠢ ᠢᠯᠪᠢᠬᠦ ᠡᠴᠡ ᠥᠭᠡᠷᠡ ᠡᠳ᠋ᠯᠡᠭᠡ ᠪᠠᠶᠢᠭᠰᠠᠨ ᠬᠠᠩᠭᠠᠯ ᠡᠮᠨᠢᠭ ᠢ ᠰᠤᠷᠭᠠᠬᠤ ᠲᠣᠮᠣ ᠺᠣᠮᠫᠠᠨᠢᠳᠤ ᠠᠵᠢᠯ ᠤᠨ ᠡᠬᠢᠯᠡᠯ ᠶᠤᠮ᠃
ᠲᠡᠷᠭᠡ ᠰᠤᠷᠭᠠᠬᠤ ᠮᠣᠷᠢ ᠶᠢ ᠵᠠᠪᠠᠯ ᠳ᠋ᠦ ᠭᠡᠬᠦ ᠦᠭᠡᠢ ᠪᠦᠳᠦᠭᠦᠨ ᠪᠣᠯᠭᠠᠵᠤ ᠰᠤᠷᠭᠠᠬᠤ ᠨᠢ ᠢᠯᠡᠭᠦᠦ ᠠᠰᠢᠭ ᠲᠠᠢ ᠪᠠᠶᠢᠳᠠᠭ᠃ ᠬᠥᠳᠡᠯᠮᠦᠷᠢ ᠶᠢᠨ ᠪᠠᠭᠠᠲᠤᠷ ᠠᠳᠤᠭᠤᠴᠢᠨ ᠵᠢᠯ ᠪᠦᠷᠢ 30-40 ᠡᠮᠨᠢᠭ ᠬᠠᠩᠭᠠᠯ ᠰᠤᠷᠭᠠᠳᠠᠭ ᠪᠠᠶᠢᠨᠠ᠃ ᠡᠮᠨᠢᠭ ᠮᠣᠷᠢ ᠶᠢ ᠡᠪᠦᠯ ᠰᠤᠷᠭᠠᠬᠤ ᠠᠵᠢᠯ ᠵᠣᠬᠢᠶᠠᠳᠠᠭ ᠶᠤᠮ᠃ ᠡᠮᠨᠢᠭ ᠮᠣᠷᠢ ᠶᠢ ᠪᠠᠷᠢᠵᠤ ᠬᠥᠲᠥᠯᠵᠦ ᠢᠷᠡᠭᠡᠳ ᠨᠡᠯᠢᠶᠡᠳ ᠤᠶᠠᠵᠤ᠂ ᠰᠥᠨᠢ ᠴᠢᠳᠦᠷᠯᠡᠨ ᠲᠠᠯᠪᠢᠵᠤ ᠮᠠᠷᠭᠠᠰᠢ ᠨᠢ ᠤᠨᠠᠵᠤ ᠠᠳᠤᠭᠤᠨ ᠳᠤ ᠪᠠᠨ ᠶᠠᠪᠤᠬᠤ᠂ ᠬᠥᠲᠥᠯᠵᠦ ᠢᠷᠡᠬᠦ ᠲᠠᠯᠪᠢᠵᠤ ᠬᠡᠳᠦ ᠬᠣᠨᠣᠭᠠᠳ ᠳᠠᠬᠢᠨ ᠪᠠᠷᠢᠵᠤ ᠤᠨᠠᠬᠤ ᠵᠡᠷᠭᠡ ᠠᠷᠭᠠ ᠪᠠᠷ ᠠᠵᠢᠯᠯᠠᠳᠠᠭ ᠪᠠᠶᠢᠨᠠ᠃ ᠶᠠᠷᠢᠬᠤ ᠳᠤ ᠪᠠᠨ᠂ ᠡᠮᠨᠢᠭ ᠮᠣᠷᠢ ᠶᠢ ᠡᠪᠦᠯ ᠳᠦ ᠤᠨᠤᠵᠤ ᠡᠳ᠋ᠯᠡᠬᠦ ᠳᠦ ᠨᠢ ᠰᠠᠶᠢᠨ ᠪᠠᠶᠢᠳᠠᠭ᠃ ᠮᠣᠷᠢ ᠰᠣᠶᠢᠬᠤ ᠭᠡᠳᠡᠭ ᠴᠠᠩ ᠬᠢᠷᠠᠭᠤ ᠤᠨᠠᠬᠤ ᠰᠥᠨᠢ ᠤᠶᠠᠵᠤ ᠦᠷ ᠢᠶᠡᠷ ᠴᠢᠳᠦᠷᠯᠡᠨ ᠲᠠᠯᠪᠢᠵᠤ ᠡᠳᠦᠷ ᠲᠦ ᠬᠤᠳᠳᠤᠭ ᠤᠨ ᠤᠰᠤ ᠪᠠᠷ 2-3 ᠤᠳᠠᠭᠠ ᠤᠰᠤᠯᠠᠬᠤ ᠵᠡᠷᠭᠡ ᠪᠡᠷ ᠬᠡᠳᠦᠨ ᠬᠣᠨᠣᠭ ᠤᠶᠠᠵᠤ ᠰᠣᠶᠢᠬᠤ ᠶᠢ ᠬᠡᠯᠡᠳᠡᠭ ᠪᠠᠶᠢᠨᠠ᠃ ᠰᠣᠶᠢᠯᠭᠠ ᠲᠠᠭᠠᠷᠠᠭᠰᠠᠨ ᠮᠣᠷᠢᠨ ᠤ ᠥᠩᠭᠡ ᠵᠢᠰᠦ ᠰᠠᠶᠢᠬᠠᠨ᠂ ᠤᠨᠤᠵᠤ ᠡᠳ᠋ᠯᠡᠬᠦ ᠳᠦ ᠬᠥᠩᠭᠡᠨ ᠪᠣᠯᠤᠭᠰᠠᠨ ᠪᠠᠶᠢᠳᠠᠭ᠃
ᠤᠳᠠᠭᠠᠨ ᠬᠤᠭᠤᠴᠠᠭᠠ ᠪᠠᠷ ᠤᠨᠠᠵᠤ ᠡᠳ᠋ᠯᠡᠭᠡ ᠦᠭᠡᠢ ᠪᠠᠶᠢᠭᠰᠠᠨ ᠮᠣᠷᠢ ᠶᠢ ᠤᠳᠠᠭᠠᠨ ᠤᠨᠠᠵᠤ ᠨᠢ ᠬᠣᠣᠷ ᠲᠠᠢ ᠤᠴᠢᠷ ᠠᠴᠠ ᠪᠣᠭᠣᠨᠢ ᠬᠤᠭᠤᠴᠠᠭᠠ ᠪᠠᠷ ᠤᠨᠠᠵᠤ ᠳᠠᠰᠬᠠᠬᠤ ᠶᠠᠪᠤᠳᠠᠯ ᠵᠦᠢᠲᠡᠢ᠃ ᠬᠥᠭᠰᠢᠨ ᠮᠣᠷᠢ ᠶᠢ ᠰᠢᠷᠦᠭᠦᠨ ᠤᠨᠠᠵᠤ ᠬᠥᠯᠦᠷᠭᠡᠬᠦ ᠮᠠᠭᠤ ᠪᠠᠶᠢᠳᠠᠭ᠃
ᠡᠪᠦᠯ ᠦᠨ ᠬᠦᠢᠲᠡᠨ ᠦᠳᠡ ᠡᠴᠡ ᠬᠣᠶᠢᠰᠢ ᠬᠥᠯᠦᠷᠡᠭᠡᠵᠦ ᠲᠠᠯᠪᠢᠭᠰᠠᠨ ᠮᠣᠷᠢ ᠰᠥᠨᠢ ᠳᠦ ᠪᠡᠨ ᠳᠤᠯᠠᠭᠠᠴᠠᠵᠤ ᠴᠢᠳᠠᠬᠤ ᠦᠭᠡᠢ ᠤᠴᠢᠷ ᠲᠠᠷᠭᠤ ᠬᠦᠴᠦᠨ ᠳᠦ ᠮᠠᠭᠤ ᠨᠥᠯᠥᠭᠡ ᠲᠡᠢ ᠪᠠᠶᠢᠳᠠᠭ ᠪᠢᠯᠡ᠃