ᠠᠶᠢᠷᠠᠭ ᠢᠰᠬᠡᠬᠦ ᠬᠥᠷᠥᠩᠭᠡ ᠪᠡᠯᠡᠳᠬᠡᠳᠡᠭ ᠮᠠᠯᠴᠢᠳ ᠤᠨ ᠥᠪᠡᠷᠮᠢᠴᠡ ᠠᠷᠭᠠ ᠣᠯᠠᠨ ᠶᠠᠩᠵᠤ ᠪᠠᠶᠢᠳᠠᠭ᠃ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠦ ᠠᠵᠢᠯᠲᠠᠨ ᠤ ᠪᠣᠯᠪᠠᠰᠤᠷᠠᠭᠤᠯᠤᠭᠰᠠᠨ ᠰᠲ᠋ᠠᠨᠳᠠᠷᠲ ᠢᠶᠠᠷ ᠴᠡᠪᠡᠷ ᠥᠰᠬᠡᠪᠦᠷᠢ ᠪᠡᠷ᠂ ᠪᠡᠯᠡᠨ ᠬᠥᠷᠥᠩᠭᠡ ᠪᠡᠷ ᠢᠰᠬᠡᠬᠦ ᠭᠡᠵᠦ ᠠᠩᠭᠢᠯᠠᠳᠠᠭ ᠠᠶᠢᠷᠠᠭᠡᠨ ᠦ ᠴᠡᠪᠡᠷ ᠥᠰᠪᠦᠷᠢ ᠪᠡᠯᠡᠳᠬᠡᠬᠦ ᠳᠦ ᠪᠡᠨ ᠲᠣᠰᠣ ᠨᠢ ᠢᠯᠭᠠᠷᠠᠭᠰᠠᠨ 2.5 ᠦᠬᠡᠷ ᠦᠨ ᠴᠠᠶᠢᠷ ᠲᠠᠢ ᠳᠤ ᠬᠢᠵᠦ ᠬᠠᠯᠠᠭᠤᠨ ᠤᠰᠤᠨ ᠳᠤ 30 ᠮᠢᠨᠦ᠋ᠲ ᠲᠠᠯᠪᠢᠵᠤ ᠠᠷᠢᠭᠤᠳᠬᠠᠨᠠ᠃ ᠠᠷᠢᠭᠤᠳᠬᠠᠯ ᠳᠤ ᠬᠥᠷᠥᠭᠡᠵᠦ᠂ ᠬᠠᠭᠤᠷᠠᠢ ᠥᠰᠪᠦᠷᠢ ᠲᠡᠢ ᠬᠤᠯᠢᠬᠤ ᠵᠠᠮ ᠢᠶᠠᠷ ᠬᠥᠷᠥᠩᠭᠡ ᠶᠢ ᠪᠡᠯᠡᠳᠬᠡᠵᠦ ᠠᠪᠳᠠᠭ ᠪᠠᠶᠢᠨᠠ᠃
ᠬᠥᠷᠦᠩᠭᠡᠨ ᠳᠦ ᠢᠰᠬᠡᠬᠦ ᠰᠠᠭᠠᠮᠠ ᠶᠢᠨ ᠬᠡᠮᠵᠢᠶᠡ 1᠄1.5 ᠪᠤᠶᠤ 1᠄1 ᠶᠢᠨ ᠬᠠᠷᠢᠴᠠᠭᠠ ᠲᠠᠢ ᠪᠠᠶᠢᠬᠤ ᠨᠢ ᠵᠦᠢᠲᠡᠢ᠃ ᠬᠥᠷᠥᠩᠭᠡ ᠰᠠᠭᠠᠮᠠ ᠶᠢ 3500-4500 ᠪᠦᠯᠢᠬᠦ ᠬᠡᠷᠡᠭᠲᠡᠢ᠃ ᠬᠠᠮᠤᠭ ᠤᠨ ᠲᠣᠬᠢᠷᠠᠮᠵᠢᠲᠠᠢ ᠰᠠᠪᠠ ᠰᠢᠷᠢᠨ ᠬᠥᠬᠥᠷ ᠪᠠᠶᠢᠳᠠᠭ᠃ ᠡᠬᠡ ᠬᠥᠷᠥᠩᠭᠡ ᠪᠡᠯᠡᠳᠬᠡᠵᠦ ᠪᠠᠶᠢᠭᠠ ᠬᠥᠬᠥᠥᠷ ᠦᠨ ᠠᠮᠠ ᠶᠢ ᠰᠠᠶᠢᠨ ᠪᠦᠭᠯᠡᠵᠦ ᠬᠠᠯᠠᠭᠤᠨ ᠬᠦᠢᠲᠡᠨ ᠢ ᠰᠠᠶᠢᠨ ᠲᠤᠬᠢᠷᠠᠭᠤᠯᠬᠤ ᠨᠢ ᠴᠢᠬᠤᠯᠠ ᠪᠠᠶᠢᠳᠠᠭ᠃
ᠮᠠᠯᠴᠢᠳ ᠤᠨ ᠰᠢᠷᠠ ᠪᠤᠳᠠᠭᠠ᠂ ᠬᠥᠬᠥᠥᠷ᠂ ᠪᠦᠯᠢᠭᠦᠷ ᠢᠰᠡᠭᠡᠢ ᠳᠦ ᠰᠢᠩᠭᠡᠭᠡᠵᠦ ᠠᠪᠤᠭᠰᠠᠨ ᠨᠠᠮᠤᠷ ᠤᠨ ᠠᠶᠢᠷᠠᠭ ᠴᠤ ᠰᠠᠶᠢᠨ ᠬᠥᠷᠥᠩᠭᠡ ᠪᠣᠯᠳᠠᠭ᠃ ᠵᠤᠨ ᠤ᠂ ᠬᠠᠯᠠᠭᠤᠨ ᠡᠳᠦᠷ ᠰᠡᠩᠭᠢᠨᠡᠭᠰᠡᠨ ᠠᠶᠢᠷᠠᠭ ᠤᠤᠭᠤᠬᠤ ᠰᠠᠶᠢᠬᠠᠨ ᠰᠢᠦ᠃ ᠠᠶᠢᠷᠠᠭ ᠬᠦᠮᠦᠨ ᠪᠦᠷᠢ ᠶᠢᠨ ᠳᠤᠷᠠᠲᠠᠢ ᠤᠮᠳᠠᠭᠠ ᠶᠤᠮ᠃
ᠠᠶᠢᠷᠠᠭ ᠰᠠᠬᠠᠷ ᠶᠡᠬᠡ ᠲᠡᠢ ᠪᠠᠶᠢᠳᠠᠭ᠂ ᠠᠶᠢᠷᠠᠭ ᠤᠨ ᠳᠣᠲᠣᠷᠠᠬᠢ ᠰᠠᠬᠠᠷ ᠬᠦᠴᠢᠯ ᠲᠥᠷᠦᠭᠴᠢ ᠭᠦᠢ ᠤᠷᠴᠢᠨ ᠳᠤ ᠢᠰᠦᠯᠳᠦᠵᠦ ᠰᠫᠢᠷᠲ ᠡᠭᠦᠰᠬᠡᠳᠡᠭ ᠤᠴᠢᠷ ᠰᠤᠭᠲᠤᠭᠠᠬᠤ ᠴᠢᠨᠠᠷ ᠲᠠᠢ ᠪᠠᠶᠢᠳᠠᠭ᠃ ᠡᠶᠢᠮᠦ ᠡᠴᠡ ᠠᠶᠢᠷᠠᠭ ᠢ ᠬᠡᠮᠵᠢᠶᠡᠨ ᠡᠴᠡ ᠬᠡᠲᠦᠷᠡᠭᠦᠯᠦᠨ ᠤᠤᠭᠤᠵᠤ ᠪᠣᠯᠬᠤ ᠦᠭᠡᠢ᠃
ᠠᠶᠢᠷᠠᠭ ᠢᠶᠠᠷ ᠨᠢᠭᠡᠨ ᠢ ᠪᠡᠨ ᠬᠡᠲᠦᠷᠡᠭᠦᠯᠦᠨ ᠰᠢᠬᠠᠵᠤ《ᠪᠦᠳᠦᠭᠦᠨ ᠴᠠᠭᠠᠨ ᠦᠵᠡᠬᠦ ᠪᠡᠷ》ᠴᠢᠬᠢᠳᠡᠬᠦ ᠵᠡᠷᠭᠡ ᠪᠦᠳᠦᠭᠦᠯᠢᠭ ᠠᠷᠭᠠ ᠬᠡᠷᠡᠭᠯᠡᠵᠦ᠂ ᠬᠡᠮᠵᠢᠶᠡ ᠬᠡᠲᠦᠷᠡᠭᠦᠯᠵᠦ ᠤᠤᠭᠤᠭᠰᠠᠨ ᠠᠶᠢᠷᠠᠭ ᠰᠢᠮᠡ ᠲᠡᠵᠢᠭᠡᠯ ᠪᠣᠯᠵᠤ ᠴᠢᠳᠠᠬᠤ ᠦᠭᠡᠢ᠃
ᠵᠥᠪᠯᠡᠯᠲᠦ ᠠᠶᠢᠷᠠᠭ ᠢ ᠡᠮᠴᠢᠯᠡᠭᠡᠨ ᠦ ᠴᠢᠨᠠᠷ ᠢᠶᠠᠷ ᠥᠷᠭᠡᠨ ᠬᠡᠷᠡᠭᠯᠡᠵᠦ ᠪᠠᠶᠢᠭᠠ ᠪᠠ ᠣᠳᠣ ᠵᠥᠪᠯᠡᠯᠲᠦ ᠺᠠᠽᠠᠭᠰᠲ᠋ᠠᠨ ᠤ ᠲᠠᠯᠠ ᠨᠤᠲᠤᠭ ᠲᠤ 900 ᠭᠠᠷᠤᠢ ᠬᠠᠮᠲᠤᠷᠠᠯ᠂ ᠰᠠᠩ ᠤᠨ ᠠᠵᠤ ᠠᠬᠤᠢ ᠪᠤᠢ᠃ ᠳᠣᠯᠣᠭᠠᠨ ᠰᠠᠶᠠ ᠠᠳᠤᠭᠤ ᠲᠠᠢ ᠡᠨᠡ ᠨᠤᠲᠤᠭ ᠲᠤ ᠭᠡᠭᠦᠦ ᠪᠠᠷᠢᠳᠠᠭ ᠦᠭᠡᠢ ᠭᠠᠵᠠᠷ ᠪᠠᠷᠤᠭ ᠦᠭᠡᠢ ᠶᠤᠮ᠃ ᠺᠠᠽᠠᠭᠰᠲ᠋ᠠᠨ ᠤ ᠢᠨᠵᠧᠨᠧᠷ ᠦᠳ ᠴᠠᠬᠢᠯᠭᠠᠨ ᠢᠶᠠᠷ ᠭᠡᠭᠦᠦ ᠮᠧᠬᠠᠨᠢᠭᠵᠢᠭᠰᠠᠨ ᠹᠧᠷᠮ ᠦᠨ ᠲᠥᠰᠥᠯ ᠬᠢᠵᠦ ᠪᠠᠶᠢᠨᠠ᠃ ᠡᠨᠡ ᠹᠧᠷᠮ ᠦᠳ ᠦᠨ ᠵᠢᠵᠢᠭ ᠹᠧᠷᠮ 60 ᠂ ᠲᠣᠮᠣᠬᠠᠨ ᠹᠧᠷᠮ ᠦᠳ 1000 ᠬᠦᠷᠲᠡᠯᠡ ᠭᠡᠭᠦᠦ ᠲᠡᠢ ᠪᠠᠶᠢᠳᠠᠭ᠃
ᠺᠠᠽᠠᠭᠴᠤᠳ ᠰᠢᠨᠡᠬᠡᠨ ᠴᠠᠭᠠᠨ ᠠᠶᠢᠷᠠᠭ ᠢᠶᠠᠷ ᠢᠶᠠᠨ ᠵᠣᠴᠢᠨ ᠢᠶᠠᠨ ᠳᠠᠶᠢᠯᠠᠬᠤ ᠳᠤᠷᠠᠲᠠᠢ ᠪᠠᠶᠢᠳᠠᠭ᠃ ᠠᠵᠢᠯᠰᠠᠭ ᠬᠠᠰᠠᠭ ᠪᠦᠰᠡᠭᠦᠶᠢᠴᠦᠳ ᠵᠠᠯᠠᠭᠤ ᠲᠡᠮᠡᠭᠡᠨ ᠦ ᠬᠥᠵᠦᠭᠦᠦ ᠠᠷᠠᠰᠤ ᠪᠠᠷ《 ᠬᠤᠪᠢᠩ》ᠬᠢᠵᠦ ᠭᠡᠭᠦᠦ ᠪᠡᠨ ᠰᠠᠭᠠᠳᠠᠭ᠂ ᠡᠶᠢᠮᠦ ᠬᠤᠪᠢᠩ ᠳᠣᠭᠰᠢᠨ ᠡᠮᠨᠢᠭ ᠭᠡᠭᠦᠦ ᠶᠢ ᠰᠠᠭᠠᠬᠤ ᠳᠤ ᠴᠢᠮᠡᠭᠡ ᠭᠠᠷᠳᠠᠭ ᠦᠭᠡᠢ ᠰᠠᠶᠢᠨ ᠰᠠᠪᠠ ᠭᠡᠵᠦ ᠮᠠᠭᠲᠠᠵᠤ ᠶᠠᠷᠢᠬᠤ ᠳᠤ ᠪᠠᠨ ᠳᠤᠷᠠᠲᠠᠢ ᠪᠠᠶᠢᠳᠠᠭ᠃